霸嗎拉麵 (德己立街)

營業中

休息中

人在中環身不由己， 做完啲嘢肚餓，而且都差唔多晚飯時間， 於是行上去德己立街睇下有冇啲好嘢食。 行行下見到間連鎖霸嗎拉麵店Bari-uma Ramen ，於是就走入去食個拉麵， 今次叫咗個豬骨豚肉紫菜玉子拉麵，同埋子供醬炆雞叉燒拉麵餐，順便叫多啲支豆(毛豆)食。 拉麵嘅好食程度只係屬於中上， 湯底濃度正常; 毛豆就冇想像中咁好食，可能感覺唔係咁新鮮，而且因為佢加咗黑椒，係自己嘅喜好問題。呢間餐廳嘅服務有一點驚喜， 就係玩豬骨豚肉紫菜肉煎拉麵嘅湯底佢哋專登整淡啲比小朋友食， 而且佢跟餐送kitkat朱古力同埋一個玩具畀小朋友，呢一點值得加分， 今時今日啲餐廳絕對應該要有這一種細心程度，令到啲家長對呢間餐廳有正面形象，食物唔係太難食嘅話都會返嚟再食。整體評價屬於中上。