火之神

營業中

休息中

重陽節假期冇地方去，朋友忽然問我想唔想玩貓，佢話發現旺角有間餐廳有幾隻貓，鍾意貓但未ready做主人嘅我，二話不說換衫出旺角。餐廳係位於女人街嘅地舖，一入舖唔見有貓貓，原來喺曬後面未出嚟，坐低叫咗嘢食有隻好大嘅布偶就行咗出嚟，原來名叫咖哩，有隻細布偶係佢嘅bb，名叫小咖哩。講返嘢食，一睇餐牌嘅相片就畀佢嘅燒牛扒丼吸引，有啲似之前喺阿蘇火山食嘅赤牛。我叫咗一份燒牛丼，朋友就叫咖哩富士山牛扒丼，鍾意食生牛嘅叫三成熟應該最適合。我嗰份加咗辣，要加五蚊。其他朋友就叫咗吉列豬扒滑蛋飯，擔擔麵拼餃子，佢哋都話唔錯，但我覺得自己叫嘅牛肉仲有特色。食到尾聲有隻個樣好bb嘅貓仔出咗嚟，原來係隻緬因，呢度啲貓都幾親人，不過大家開門出入要小心，有啲貓貓會鍾意偷走。