第三站

近來工作上有啲問題，心情都麻麻地所以就約朋友出去搵間Cafe坐低傾吓計。今次我哋就揀咗位於旺角金雞廣場嘅Station 3 。🇬🇧一出笠就會見到佢哋有個banner 之後直行都尾就會見到。一入到去，就會見到左手邊有好多board game 。裝修就用左純白色加少少花花草草做佈置，而且位置都算比較鬆動。🍃🌱見到最入邊有一間房仔，應該係for搞生日party。由於我同朋友都唔算太肚餓就叫左一個特色拼盤，一個藍苺芝士蛋糕🍰同兩杯野飲。個特色拼盤有麥樂雞，雞翼，日式餃子，花枝丸，龍蝦丸，春卷同咖喱角。其實兩個女仔都夠食。🍴嘢飲方面我哋就叫咗杯Oreo朱古力曲奇奶昔🍨推薦因為好有奶味同creamy好好飲！🍼另外仲叫咗一杯紅莓果茶☕️，店員會安排熱蠟燭幫果茶keep住溫度杯果茶含豐富維他命C、E但的確有啲酸，怕酸嘅朋友，可以叫佢另外俾杯水你沖淡啲會比較好！見坐到悶悶地，就同朋友拎咗個飛行棋玩下！重拾下童年嘅回憶！店員服務態度好好，唔似得其他Cafe會趕人走，咁樣輕輕鬆鬆又過左一個晚上。