大盛日本料理

營業中

休息中

返完教會一大班弟兄姊妹搵食，原本諗住飲茶🫖或丼丼屋，最後小朋友👧🏻話想食大盛就去咗大盛。職員👩‍💼安排我哋坐一角，咁啱又另一班弟兄姊妹喺度，成20個人一齊坐，原來仲有另外兩個坐另一邊，好似變咗教會飯堂咁，不過BB車就要摺起放角落，唔係好方便。QR code落單，叫咗午餐🍱壽喜燒，可㨂豬🐷或牛🐮跟白飯🍚，我揀咗牛肉🐮加錢$6轉拉面🍜，跟餐普通凍熱飲🥤免費🆓，揀咗凍鴛鴦多奶走冰，好似抵d。上菜時牛壽喜燒一大兜，有隻生蛋🥚喺入面，面🍜就另上，自己倒落個壽喜鍋度，食落彈牙，牛就不過不失，凍鴛鴦都唔錯👍🏻。一班人吹水都唔算太嘈，憑單下次再幫襯有優惠，最多扣上一次張單既10%