5% Cafe

營業中

休息中

旺角依間樓上「5% Cafe」好啱一大班人一齊嚟食，因為依度有好多Board Game啱多人一齊挽，而且仲有好多又得意又靚靚嘅公仔俾人用嚟合照打卡，餐廳提供大量梳化座位，環境寬敞又舒適。8吋千島海鮮窩夫薄餅（單點$118），表面鋪滿芝士，拉絲效果突出，味道鹹香，海鮮包括有珍珠帶子、鮮蝦、蟹棒，食落有鮮味，窩夫口感鬆軟，配以千島醬食用，味道更佳。日式天婦羅蝦卡邦尼煙肉意粉（單點$108），炸蝦口感外酥脆內彈牙，味道鮮甜，雖然話係卡邦尼煙肉意粉，但食落更加類似係煙肉白汁忌廉意粉，略嫌煙肉細碎，意粉汁主要食到係白汁味道，芝士、蛋黃味道均為欠奉，不過因為意粉容易掛汁，所以食落好Creamy。精選蛋糕（跟餐$28），抹茶芝士蛋糕，表面鋪滿糖粉、忌廉，抹茶味道淡香，芝士蛋糕口感綿密，味道濃郁。Honey Butterfly （跟餐$14），內有蝶豆花茶、檸檬糖漿、蜂蜜，味道酸甜。草莓拿鐵 （跟餐$4），表面採用朱古力粉製作咗一個玫瑰花圖案，奶泡、咖啡、鮮奶三層漸變效果層次分明，咖啡味道濃香，雖然草莓味道飲落只係香精味道，但都唔會太假。