窮撚啡

營業中

休息中

這家咖啡小店所提供嘅飲品嘅質素實屬罕有的高，但佢嘅價錢又實惠到驚人，完全冇諗過喺灣仔區(甚至係喺香港島)可以搵到一間咁高質素但價廉嘅咖啡店。惠顧當日店內只有一名年青的女店員，沖咖啡及收錢都係佢做。佢雖則年青，但冲出嚟嘅咖啡及其拉花都做得極之出色。與佢閒談間感覺到佢對咖啡嘅熱誠，應該對佢沖出嚟嘅咖啡好有要求。咖啡豆本身嘅選擇及炒豆都做得很好，餘韻極長，與奶混合得好balance，奶亦都打得恰到好處，真係好耐冇飲過咁好飲嘅咖啡啦。同區比佢高檔及貴嘅咖啡店都做唔到佢嘅水準。同區唯一嘅對手只有位於金鐘旁邊嘅Coco,但價格高出近三分一，所以這家咖啡小店實屬灣仔區嘅No. 1👍。一定要繼續惠顧支持呢間小店。