吉豚屋吉列豬扒專門店

營業中

休息中

經過見到門口貼咗張牛脷丼嘅poster，望落幾吸引，入去食個下午茶試試。吉列豬扒定食（$47）轉牛脷丼（+$10）吉豬外層炸得唔錯，鬆脆唔油膩，可惜豬扒較為乾身，唔算軟嫩，而且無咩肉汁。牛脷丼都幾大碗，都有五大舊牛脷，而且比預期中好味道，炆得好腍但仍保持口感，醬汁濃厚，好適合撈飯，不錯，呢$10值得比。跟餐嘅湯竟然係豚肉湯，並唔係普通味噌湯，平時要加錢先有，現在下午茶餐包埋，抵。餐飲包$11嘅特飲，要咗柑桔檸檬特飲，味道正常。