最近發現咗一間超正嘅一人燒肉專門店 牛魔！佢哋嘅設計勁貼心，就算你係單拖嚟食都完全唔尷尬！套餐選擇又多又抵食，幾十蚊起，豐儉由人，想食豪啲或者食平啲都冇問題！💯
🍖 牛魔三重盛宴
食到三種唔同部位嘅牛，份量足夠一個大胃王！
牛舌爽脆彈牙、牛五花油脂豐富香口、牛板腱肉味濃郁，一次過食齊三種口感，勁正！
配備黑椒鹽醬、辛辣汁同香辣粉，無論想食清啲或者重口味啲，都應有盡有！
包埋沙律、味增湯，主食揀烏冬，仲有杯乳酪特飲解膩，成個Set勁豐富！
🐄 和牛肉眼&牛肩肉套餐
想對自己好啲？一定要試吓佢哋嘅和牛自慢系列！雖然份量係100g，但係肉質嘅享受度直頭升咗級！
M9和牛肉眼油脂分佈均勻，燒完之後入口即化；牛肩肉口感結實得嚟有肉汁，肉味好濃！
呢個Set配黑松露燒汁、黑椒鹽醬同柚子胡椒汁，勁有日式高級感！特別係黑松露燒汁，令和牛嘅香味更突出！
主食係日式冷麵蕎麥麵，清爽解膩；飲品係日式雲抹綠茶，配搭和牛食真係一絕！
