一鼎‧台式火鍋 (屯門時代廣場北翼)

營業中

休息中

上星期六同男朋友一齊去咗屯門廣場行街，夜晚就去咗呢一間餐廳食飯。原來唔係淨係得台灣嘢食仲可以有一人一煲打邊爐。一人一個‎鍋就咁食唔使遷就人哋嘅食物習慣可以隨便咁樣食！我就叫咗一鼎酸菜白玉鍋，湯底嘅酸味都比較重的，而且湯底入邊都有好多料。食物有一鼎烏雞卷，好少見到有烏雞仲要係卷的，質素都幾好的。另一款肉類叫咗丹麥梅花肉，肥肉嘅部份唔算好多，豬味都適中配上打邊爐酸菜的味道真係不錯。男朋友就叫咗美花膠金湯美顏雞鍋，成隻雞髀喺個湯底入邊，真係幾足料！男朋友肉類就叫咗牛肉澳洲200日穀飼，油脂分布都幾靚仔，牛味唔算好重。除咗打邊爐的食物之外，仲有可以喺出邊任食小食包括有紅燒滷水: 金錢肚，牛筋，金錢腱，豬皮，白芋咸蛋流心球，大腸麵線等等。