1
嘉慶椰子藏雞濃湯鍋 $118
————————————
啱晒我口味嘅湯底，雞件份量都頗多，湯底雞味香濃🐔好多鮮椰片，淡淡椰子香氣🥥加埋紅棗、杞子，湯底清甜好飲🍲
康熙花膠雞湯鍋 $138
————————————
屋企人點嘅花膠雞湯鍋，從湯底嘅色澤可見，充滿膠原蛋白，趁未落食材烚吓烚吓之前，飲返碗湯！湯底十分鮮甜，花膠同雞嘅份量都好多，抵食！
本地手切牛肉(細) $338
————————————
夠新鮮嘅本地手切牛肉！每片油花都好靚又分布平均，手切嘅厚薄度好適中，用嚟打邊爐真係正🐮
手打黑松露野菌鮮蝦丸(半份) $78
————————————
手打丸果然夠彈牙，啖啖蝦肉又大大粒丸，真材實料🦐黑松露味超香濃。
紫皇蟹粉豚肉餃(半份) $78
————————————
好大粒餃，非常足料又飽滿🥟蟹粉嘅鮮甜同豚肉又幾夾，餃子包得好靚，放落鍋滾好耐都冇散開。
黃金響鈴 $88
————————————
鬆脆到爆嘅響鈴，外層滿滿金黃嘅鹹蛋黃，放幾秒落鍋🕐掛晒湯半脆半淋嘅口感真係太邪惡🤤
滾得囍豐盛蔬菜拼盤 $128
————————————
打邊爐落蔬菜，吸晒湯嘅鮮味真係好正！依個拼盤都好抵食，有各款蔬菜，唔洗每款菜都散叫又可以食唔同類型嘅菜。
足料竹蔗茅根(冷) $78
————————————
清甜解渴清熱氣，涼浸浸打邊爐啱晒！
食到捧住個肚走🤰🏾
