影片
更多
2023-05-21
366 瀏覽
姊妹淘聚會，當然係去high tea🍾🍸 生日仲有蛋糕仔打卡影相🧁 法國食材嘅下午茶，再配埋艾菲爾鐵塔下午茶架，充滿法國風情。4款前菜都各有特色，法式忌廉龍蝦湯味道濃郁唔過鹹，加埋幼滑忌廉更香滑，飲落仲有淡淡龍蝦肉粒，色香味俱全😋 濃滑法國鵝肝醬上放滿蟹肉，配埋香脆蒜蓉包更惹味🤤 香草牛油焗法國蝸牛配炒蛋及魚子醬，滑溜溜蛋配香濃魚子醬，味道都唔錯。法式焗青口配普羅旺斯，青口新鮮甜美。主菜揀咗雲呢拿忌廉汁伴香煎三文魚柳配鮮茄沙斯，平日唔喜歡食魚嘅我有意外驚喜，三文魚柳肉質嫩滑，配埋醬汁同蕃茄酸酸甜甜好開胃👍🏻另一個法式芝士焗加靳比野生龍蝦尾（半隻）配田園沙律，龍蝦肉質爽口，芝士醬香濃😍 田園沙律竟然有點兒太鹹😂最後係重點嘅8款甜點...瑪德蓮面層有一粒粒鹽再帶點清新檸檬味；蝴蝶酥芝士濃郁又香脆；開心果馬卡龍有點過甜；芝士蛋糕好香濃，面層芒果香甜；雲呢拿奶凍奶味濃郁又滑溜，加埋莓嘅酸酸甜甜更好味😊 雲呢拿忌廉泡芙帶滿滿忌廉，泡芙亦keep到脆脆地🤭 鬆餅面層香脆，內裡鬆軟唔乾😄 仲有兩粒濃香酒心朱古力😆最後送上一件生日蛋糕仔🎂 影張大合照📸🔍整體感覺：餐廳環境寬敞，平日冇咁多人就更加寧靜舒
姊妹淘聚會，當然係去high tea🍾🍸 生日仲有蛋糕仔打卡影相🧁 法國食材嘅下午茶，再配埋艾菲爾鐵塔下午茶架，充滿法國風情。
4款前菜都各有特色，法式忌廉龍蝦湯味道濃郁唔過鹹，加埋幼滑忌廉更香滑，飲落仲有淡淡龍蝦肉粒，色香味俱全😋 濃滑法國鵝肝醬上放滿蟹肉，配埋香脆蒜蓉包更惹味🤤 香草牛油焗法國蝸牛配炒蛋及魚子醬，滑溜溜蛋配香濃魚子醬，味道都唔錯。法式焗青口配普羅旺斯，青口新鮮甜美。
主菜揀咗雲呢拿忌廉汁伴香煎三文魚柳配鮮茄沙斯，平日唔喜歡食魚嘅我有意外驚喜，三文魚柳肉質嫩滑，配埋醬汁同蕃茄酸酸甜甜好開胃👍🏻另一個法式芝士焗加靳比野生龍蝦尾（半隻）配田園沙律，龍蝦肉質爽口，芝士醬香濃😍 田園沙律竟然有點兒太鹹😂
最後係重點嘅8款甜點...瑪德蓮面層有一粒粒鹽再帶點清新檸檬味；蝴蝶酥芝士濃郁又香脆；開心果馬卡龍有點過甜；芝士蛋糕好香濃，面層芒果香甜；雲呢拿奶凍奶味濃郁又滑溜，加埋莓嘅酸酸甜甜更好味😊 雲呢拿忌廉泡芙帶滿滿忌廉，泡芙亦keep到脆脆地🤭 鬆餅面層香脆，內裡鬆軟唔乾😄 仲有兩粒濃香酒心朱古力😆
最後送上一件生日蛋糕仔🎂 影張大合照📸🔍整體感覺：餐廳環境寬敞，平日冇咁多人就更加寧靜舒服，啱哂同姊妹傾偈✌🏻 職員服務態度良好，我地有bb車，職員安排咗闊落位置同埋幫手拎袋等等，細心又友善。艾菲爾鐵塔下午茶架下有自動轉盤，夠哂特別，拍卡一流📸 絕對值得同姊妹們一齊去happy hour🥂
張貼
