影片
更多
2023-11-01
2737 瀏覽
【 秋冬適時識食，食出當造食材好滋味 】🍂每個季節都會有唔同嘅當造食材，就好似秋天就最啱食南瓜、茨實、蘿蔔和五指毛桃等，中醫仲話有助滋養五臟添！🍤今晚我哋一家就去咗「翠園」食晚餐，聽店長推介好多適時菜式，全部都好吸引呀！我哋叫咗黑椒鮮茨實糯米燜龍蝦 ，一夜乾黃花魚蒸秋茄 ，煙燻臘肉燜粗糧 ，海皇秋葵燴南瓜 ，每碟都好新鮮美味，大人小朋友都食得好滿足！🍚尖沙咀翠園環境設計充滿古典美，座位舒適，店員服務態度親切有禮，仲要望到維港璀璨夜景，下次要再帶埋公公婆婆一齊黎食！🦞黑椒鮮茨實糯米燜龍蝦西澳龍蝦勁大隻，味道鮮甜，放入鮮茨實及糯米，再用牛油及黑椒調味燜煮，口感好豐富呀！鮮茨實仲係秋冬當造，能補中益氣，糯米健脾養胃、促進氣血，呢個餸夠哂健康呢！🐟一夜乾黃花魚蒸秋茄休漁期後嘅本地產黃花魚特別肥美，用海鹽醃製一晚後，與當造又皮薄肉厚嘅秋茄等一同蒸，突顯魚肉鹹香鮮嫩，美味可口。 🍠煙燻臘肉燜粗糧 鮮香獨特嘅湖南煙燻臘肉，肥而不膩，爆香後，與芋頭、本地番薯加入椰汁、花奶一齊煮，品嘗到芋頭嘅香甜鬆化，係暖胃又好味嘅菜式。🎃海皇秋葵燴南瓜秋冬當造嘅栗子南瓜，特別粉甜美味，秋葵夠爽口，配上多種海鮮和南瓜汁
🍂每個季節都會有唔同嘅當造食材，就好似秋天就最啱食南瓜、茨實、蘿蔔和五指毛桃等，中醫仲話有助滋養五臟添！
🍤今晚我哋一家就去咗「翠園」食晚餐，聽店長推介好多適時菜式，全部都好吸引呀！我哋叫咗黑椒鮮茨實糯米燜龍蝦 ，一夜乾黃花魚蒸秋茄 ，煙燻臘肉燜粗糧 ，海皇秋葵燴南瓜 ，每碟都好新鮮美味，大人小朋友都食得好滿足！
🍚尖沙咀翠園環境設計充滿古典美，座位舒適，店員服務態度親切有禮，仲要望到維港璀璨夜景，下次要再帶埋公公婆婆一齊黎食！
🦞黑椒鮮茨實糯米燜龍蝦
西澳龍蝦勁大隻，味道鮮甜，放入鮮茨實及糯米，再用牛油及黑椒調味燜煮，口感好豐富呀！鮮茨實仲係秋冬當造，能補中益氣，糯米健脾養胃、促進氣血，呢個餸夠哂健康呢！
🐟一夜乾黃花魚蒸秋茄
休漁期後嘅本地產黃花魚特別肥美，用海鹽醃製一晚後，與當造又皮薄肉厚嘅秋茄等一同蒸，突顯魚肉鹹香鮮嫩，美味可口。
🍠煙燻臘肉燜粗糧
鮮香獨特嘅湖南煙燻臘肉，肥而不膩，爆香後，與芋頭、本地番薯加入椰汁、花奶一齊煮，品嘗到芋頭嘅香甜鬆化，係暖胃又好味嘅菜式。
🎃海皇秋葵燴南瓜
秋冬當造嘅栗子南瓜，特別粉甜美味，秋葵夠爽口，配上多種海鮮和南瓜汁等燴至味道融和，香甜美味，配飯食一流呀！
張貼
