影片
更多
2024-06-04
141 瀏覽
今次嚟到天台餐廳酒吧KABOOM，位於尖沙咀北京道嘅頂層，佔地2層高，戶外天台好似置身喺峇里島渡假一樣，氛圍感超好，客人仲可以一邊飲Cocktail一邊欣賞維港景色，好chill。下層室內餐廳同樣開揚，全落地玻璃窗，同樣維港景色一覽無遺。餐廳主打東南亞fusion菜式，特調cocktail 配上高質菜式，難怪餐廳每晚吸引唔同國籍客人光顧。Lobster Pasta With Lobster Tail 泰式風味龍蝦尾配上意大利短捲麵，龍蝦肉爽口彈牙，味道鮮甜，帶有濃厚鮮味，份量十足；意式短捲麵掛汁，充滿泰式龍蝦汁味道，微酸惹味，口感爽彈，配上雜菌同埋蕃茄仔，好足料。Grilled Gai Yang Chicken原隻烤雞用上泰式香料去醃製，雞皮烤到金黃焦香，雞肉軟腍多汁，好惹味，配上鬆軟嘅印度薄餅、蘆筍、車厘茄同埋烤薯，好豐富。Tom Yum Coconut Scallop Carpaccio 北海道帶子刺身切成薄薄一片，晶瑩剔透，刺身味道鮮甜，冬蔭功椰子醬汁，味道淡淡地，好清新，配上色彩鮮艷花瓣擺盤，賣相好精緻。Salmon Tartare 泰式三文魚他他，三文魚粒經過泰式香茅同醬料醃
今次嚟到天台餐廳酒吧KABOOM，位於尖沙咀北京道嘅頂層，佔地2層高，戶外天台好似置身喺峇里島渡假一樣，氛圍感超好，客人仲可以一邊飲Cocktail一邊欣賞維港景色，好chill。下層室內餐廳同樣開揚，全落地玻璃窗，同樣維港景色一覽無遺。
餐廳主打東南亞fusion菜式，特調cocktail 配上高質菜式，難怪餐廳每晚吸引唔同國籍客人光顧。
Lobster Pasta With Lobster Tail
泰式風味龍蝦尾配上意大利短捲麵，龍蝦肉爽口彈牙，味道鮮甜，帶有濃厚鮮味，份量十足；意式短捲麵掛汁，充滿泰式龍蝦汁味道，微酸惹味，口感爽彈，配上雜菌同埋蕃茄仔，好足料。
Grilled Gai Yang Chicken
原隻烤雞用上泰式香料去醃製，雞皮烤到金黃焦香，雞肉軟腍多汁，好惹味，配上鬆軟嘅印度薄餅、蘆筍、車厘茄同埋烤薯，好豐富。
Tom Yum Coconut Scallop Carpaccio
北海道帶子刺身切成薄薄一片，晶瑩剔透，刺身味道鮮甜，冬蔭功椰子醬汁，味道淡淡地，好清新，配上色彩鮮艷花瓣擺盤，賣相好精緻。
Salmon Tartare
泰式三文魚他他，三文魚粒經過泰式香茅同醬料醃製，充滿泰式風味，味道酸酸甜甜，幾開胃，配上香脆米通，口感一脆一軟，好特別。
Damn Pissed Off!
Kaboom Signature Cocktail ，見到每枱女仔都會叫，以泡泡浴缸作為酒杯，上面有色彩鮮艷花瓣擺盤，好少女心，仲有可愛鴨仔作伴，玩味十足，好吸睛。Cocktail以vodka為基底，加上熱情果、菠蘿汁，口味清新，味道容易入口。
Miss You!
用上小鳥酒杯伴以粉紅花嘅酒杯，充滿少女心。Cocktail以 vodka、蜜桃利口酒、日本柚子汁、玫瑰糖漿、蛋白調配而成，果味香甜，容易入口。
張貼
