影片
更多
2019-04-26
393 瀏覽
親子日常再忙碌再唔得閒， 都要抽空比長老們享受下公孫樂嘅，所以今日決定帶公公婆婆去 得閒飲茶·Let’s YUM CHA 體驗下新派飲茶嘅感覺， 平時歎慣傳統飲茶嘅兩老，出奇地覺得物超所值，大讚點心有特色，味道水準以上，而且仲要好抵食，更重要的是，有好多小動物造型點心，氹得佢哋個孫好開心，而且呢度係有bb櫈架！*** 埋單只係二百一十幾蚊，真係邊度搵?{美味點心逐樣試}呢度有好多得意造型嘅點心，小朋友見到開心到爆燈，重點係一啲都唔貴， 真係做到「隨便嗌，唔好客氣」嘅豪氣！蛋黃哥流沙包 $24超可愛造型， 軟綿綿包包， 入面香甜流沙餡， 大人小朋友都一定鍾意！灌湯京滬小籠包 $24爆汁小籠包，熱辣辣湯汁加上鮮嫩肉餡， 十分唔錯， 只係略嫌皮厚咗少少。黑豚肉脆脆豬 $34超可愛豬仔鹹水角，外皮厚得黎煙韌軟糯， 質地有啲似舊式糯米糍， 十分討好。豆沙qq小白鼠 $28 呢個超級得意點心， 林小姐係吊叫住佢條尾，勁搞笑，原來係椰絲糯米糍， 軟淋淋，煙煙靭靭，小朋友最鍾意。蟲草花花膠灌湯餃 $28超級抵食！ 用料十足， 火候更是十足， 大大隻灌湯餃， 入面充滿蟲草花同花膠
親子日常再忙碌再唔得閒， 都要抽空比長老們享受下公孫樂嘅，所以今日決定帶公公婆婆去 得閒飲茶·Let’s YUM CHA 體驗下新派飲茶嘅感覺， 平時歎慣傳統飲茶嘅兩老，出奇地覺得物超所值，大讚點心有特色，味道水準以上，而且仲要好抵食，更重要的是，有好多小動物造型點心，氹得佢哋個孫好開心，而且呢度係有bb櫈架！
*** 埋單只係二百一十幾蚊，真係邊度搵?
{美味點心逐樣試}
呢度有好多得意造型嘅點心，小朋友見到開心到爆燈，重點係一啲都唔貴， 真係做到「隨便嗌，唔好客氣」嘅豪氣！
蛋黃哥流沙包 $24
超可愛造型， 軟綿綿包包， 入面香甜流沙餡， 大人小朋友都一定鍾意！
灌湯京滬小籠包 $24
爆汁小籠包，熱辣辣湯汁加上鮮嫩肉餡， 十分唔錯， 只係略嫌皮厚咗少少。
黑豚肉脆脆豬 $34
超可愛豬仔鹹水角，外皮厚得黎煙韌軟糯， 質地有啲似舊式糯米糍， 十分討好。
豆沙qq小白鼠 $28
呢個超級得意點心， 林小姐係吊叫住佢條尾，勁搞笑，原來係椰絲糯米糍， 軟淋淋，煙煙靭靭，小朋友最鍾意。
蟲草花花膠灌湯餃 $28
超級抵食！ 用料十足， 火候更是十足， 大大隻灌湯餃， 入面充滿蟲草花同花膠，飲啖湯清甜滋補，必點！
野菌素粉果 $22
呢個係婆婆指明要叫嘅點心，多色蔬菜好健康喎，晶瑩剔透嘅餃皮，裏面脹卜卜嘅蔬菜餡料，只能夠講冇得輸！
陳村粉蒸排骨 $24
陳村粉真係唔係度度都有得食，見到一定要叫！ 仲可以選擇唔落豉油， bb食就最啱喇！
3.6牛乳太陽蛋 $23
呢個係我喺門口見到已經覺得好吸引， 果然冇令我失望， 白色部分係嫩滑牛奶布甸，黃色部分係甜甜啫喱， 入口奶香十足而且超級軟滑！
［後記］
早幾日打電話約公公婆婆嘅時候都驚佢哋嫌呢度遠， 原來太子站A出口向後街行過對面馬路就係，步程都唔過五分鐘， 佢兩個仲話希望可以encore添！
#得閒飲茶 #家庭樂 #新派點心店 #有驚喜 #隱世小店 #水準美食 #創意點心 #親子餐廳
張貼
