京都食堂

營業中

休息中

【西貢區】【京都食堂】同朋友去咗康城睇展覽，喺康城搵埋嘢食。點知嗰日可能適逢係放假，成個康城鬼咁多人，間間餐廳都好似爆晒咁。我哋要行到溜冰場附近，先見到呢間日本嘢有位。好啦，咁就入去啦。入到去坐低見到佢哋有下午茶套餐，就各自叫咗一個嚟食，平啲吖嘛。我食 $62 嘅「特濃蝦湯帆立貝野菜稻庭烏冬」，正正常常啦，蝦湯未去到話特濃咁嘅級別，成本嘢嘅賣相亦都好普通。不過又咁講，佢呢個價錢有埋嘢飲，我配埋「日本 Sangaria 提子梳打」，加埋溜冰場風景同埋尚算周到嘅服務，咁呢碗嘢又唔算話貴嘅。朋友食 $88 嘅「三色丼」，有蟹籽、三文魚兩切、象拔蚌三切，飲「日本Sangaria清爽橙汁」，佢話一般啦。我哋叫咗兩款追加小食，有 $24 嘅四件「日式煎餃子」同 $32 嘅三條「芝士蝦春卷」，不過不失啦。埋單 $227，就冇乜機會有下次喇。。。（地址：將軍澳康城路1號The LOHAS康城3樓319號舖）#1amfoodie #foodie #hkfoodie #thatfoodiething #hkfood #food #instafood #yummy #foodlover #delicious