回春

營業中

休息中

今日去咗荔枝角一間叫做「回春」嘅小店！位置就喺福榮街538號地下，位置唔起眼，但門面裝修好有文青風～ 叫左主餐牌既「斧頭豬胺伴紅酒川貝肉桂燉啤梨」，豬胺入味Juicy香口又爽彈，肉桂燉啤梨擺盤好似一朵花咁，甜甜地帶有川貝嘅清香！另外仲叫咗個「秘製冬蔭青口海鮮蝴蝶粉」，冬蔭功汁好濃鬱，蝴蝶粉煙韌有口感，海鮮有啲魷魚仔蝦仔同青口，索曬啲湯汁，每啖都充滿泰式風情～ 飲品方面，我哋叫咗一杯「生可可藍莓低卡蕉蕉燕麥奶昔」同「蝶豆花熱情果梳打」。杯梳打由夢幻藍色嘅蝶豆花配上熱情果糖水做Base，視覺效果滿分。味道清新得嚟又唔會太甜，有汽同冰涼口感；杯奶昔我哋揀咗走糖，但甜度剛好，全靠香蕉同可可本身嘅天然甜味，而且聽到店員係即刻用攪拌機打出嚟。小店環境簡約舒服，服務態度都好nice。價錢方面都算合理，人均大概100蚊鬆啲。