蝦餃 $43 推薦指數🗯️：🌟🌟🌟
雖然上枱時外觀一般，但不影響它的味道，皮薄饀靚，而且食到的蝦肉也不少
瑤柱蔥花炸兩腸 $36 推薦指數🗯️：🌟
中間的炸兩應該都放咗一段時間，所以食落好靱，很難咬，不推薦❌
蠔皇鮮竹卷 $28 推薦指數🗯️：🌟🌟🌟
調味剛剛好，不會太濃味，而且食落唔會太乾，應該就係剛剛蒸好，而不是蒸完再蒸
沙嗲牛柏葉 $38 推薦指數🗯️：🌟🌟🌟
外觀來看，的確不太吸引，不過味道就不錯，牛柏葉煮得很入味很淋而且不會只有很少牛柏葉，其餘都是配料
花膠瑤柱灌湯餃 $55 推薦指數🗯️：🌟🌟🌟
一打開就見到花膠和瑤柱，雖然食落就平平無奇，但是真的俾足料，而且灌湯餃食落都幾鮮，太耐冇食的話，可以一試
上湯紫菜雲吞 $32 推薦指數🗯️：🌟🌟
其實就很普通的雲吞湯加了少許紫菜和生菜，味道正常雲吞水準
之後我分別叫了兩個3款點心孖寶（$68），這樣比單點會平少少
車仔腸粉 推薦指數🗯️：🌟🌟🌟
食落都好滑身，而且唔會蒸咗好耐，咬落唔會林pat pat，不過略嫌覺得甜醬和花生醬份量太少，底下的腸粉只可以點豉油
1
炸雲吞 推薦指數🗯️：🌟🌟
炸得好乾身，食落好似食緊薯片咁，但是中間的蝦肉少得可憐🫣雖然食炸雲吞不是為了中間的蝦肉，但真心覺得多返少少會好好多
珍珠雞 推薦指數🗯️：🌟🌟
一籠會有三舊，份量都不少，不過就很明顯為了方便，先把糯米等包成一條長條，然後再切開一件件，再用荷葉包住，其實食落口感分別不大，但荷葉香就降低了很多
咸水角 推薦指數🗯️：🌟🌟🌟
雖然知道為咗快捷已經提早整好，不過食落都微熱，而且皮不算太厚，可以一戰
馬拉糕 推薦指數🗯️：🌟🌟🌟🌟
食落超級濕潤鬆軟，甜味適中，屋企的老人家都覺得不甜，推薦
陳皮牛肉球 推薦指數🗯️：🌟🌟🌟
食落彈牙但又唔會好實身，味道就正常水準
整體來講，下午茶都算幾抵，食物質素都合格，雖然他們用的是茶包，但我個人感覺其實差不多，如果不是太追求茶的味道，我覺得可以一戰
以上均是我個人觀感，每個人嘅口味各有不同，所以末必同每個人嘅用餐感覺一樣，如有不同，敬請見諒。
