ADO洋食屋

營業中

休息中

【荃灣區】【ADO洋食屋】一直以為日式洋食餐廳呢啲係油尖旺區先有機會有，點知原來荃灣區都有。當我知道咗呢樣嘢之後，就即刻帶我上司費特哥嚟試。佢個位置就係喺荃灣廣場對面，好多嘢食嗰條街附近，唔難搵。入到去一人叫咗一個主食之後，就每個加 $25 轉晒套餐嚟食。套餐就包埋是日餐湯、前菜同飲品，個湯都幾正，前菜都唔錯。主食我就試 $118 嘅「明太子奶醬蛋包飯」，個奶醬撈埋個蛋好正，生熟度啱啱好，個飯同件事好夾。費特哥試 $82 嘅「日式咖哩吉列炸蝦飯」，佢都話個日式咖喱同三隻吉列炸蝦都幾好味。飲品方面，費特哥飲「熱美式咖啡」，我就加 $3 飲凍「玄米茶」，兩者都係清清哋幾正。嚟到呢啲餐廳冇可能唔叫甜品，我哋試咗個 $38 嘅「日式焦糖醬油團子雲尼拿新地」，我會建議食咗個雪糕先，啲味會出啲。埋單 $320.1，係一個好特別嘅體驗。。。（地址：荃灣享成街8號香城大廈地下5A號舖）@ado_yoshokuya#1amfoodie #foodie #hkfoodie #thatfoodiething #hkfood #food #instafood #yummy #foodlover #delici