食包 (已結業)

我喺漢堡包控，經過太子漢堡包店見到餐牌有特色漢堡🍔好吸引！見到餐廳都有座位可以堂食，仲有姜B紙牌可以俾人打卡添。最後決定外賣2個漢堡包，另外加$18升級轉套餐包小食同飲品，價錢好親民！🍔WB手打牛王漢堡 $68✨加配煙肉$8呢款喺招牌漢堡，牛肉漢堡扒🐮配搭WB經典醬，配料都好豐富，有煎流心蛋🍳、蕃茄🍅、芝士片🧀、生菜🥬、煙肉🥓。漢堡扒有濃郁嘅牛肉香味又juicy，麵包都好鬆軟，加入新鮮嘅配料，好美味！🍔四川麻辣雞堡 $68加配漢堡扒$18打開漢堡包紙，已經聞到四川香辣風味，炸雞扒配四川醬，配料有芝士片🧀、生菜🥬，份量十足！炸雞扒有手掌咁大塊，外皮香脆，食落雞肉香嫩配埋四川醬，口感惹味！小食揀咗原味雞翼同水牛雞翼🐥，每款有2隻，雞翼皮好香脆。飲品揀咗樽裝嘅蜜桃紅茶🍹，清甜又解渴。