老虎冰室

營業中

休息中

今日搭屯馬，去屯門站Vcity商場買嘢行經1樓有好多餐廳，有間港式冰室「老虎冰室」，亮著🐅老虎logo，裝潢新穎，而且座位寬敞。餐牌加入新派元素，跟餐配送熱飲，價錢好親民呀！點了特色小食同粉麵飯，我嘅最愛喺生炸雞脾配薯條，必點小食之一，生炸雞髀香氣撲鼻，外皮炸到金黃色又脆卜卜，口感酥脆，食落啖啖肉又有肉汁，配搭薯條就最夾喇！雙併粉麵，揀了瑞士雞翼、煎蛋同配搭米粉；瑞士雞翼好入味，蛋仲喺流心，米粉索晒瑞士汁，好美味。鰻魚汁雞絲炒飯 炒飯加入鰻魚汁調味，味道濃郁，炒飯粒粒分明；雞肉絲都好大塊，加入蛋絲同菜粒，增添口感。涼瓜排骨飯涼瓜爽口又唔會苦，加入豆豉同辣椒炒香及新鮮排骨，好惹味。乾炒叉燒河 港式冰室嘅風味，叉燒軟腍，河粉軟滑又夠鑊氣，食落芽菜好爽脆。