LIFETASTIC Patisserie (新城市廣場一期) (已搬遷) 新店位置

【沙田區】【LIFETASTIC】見過好多次呢間嘢，覺得佢哋整啲嘢好似幾靚。只不過我個人可能比較冇時間，都真係冇乜機會可以好好坐低去品嚐呢啲展示慢活人生嘅食物。而今次係朋友話想食，咁既然有咁嘅機會可以食吓呢間，就梗係恭敬不如從命啦。佢哋不但可以散叫啲 cake 同啲嘢飲，而且可以用套餐形式咁叫。佢仲有啲雙人下午茶係有埋三文治同鬆餅嘅。不過我哋都係叫返「一人精巧蛋糕套餐」算喇，朋友叫 $98 嘅「招牌草莓西瓜蛋糕」配飲品「人參烏龍茶」嘅。佢件 cake 係呢間嘢嘅招牌菜，用西瓜入蛋糕係幾得意，我都有食返啖，覺得個西瓜唔會突兀，幾自然，唔錯。而杯嘢飲朋友話都好飲，先頭以為佢會唔慣啲人參味。而我自己都係叫「一人精巧蛋糕套餐」，有蛋糕有嘢飲咁。不過我叫嘅係 $88 嘅「班蘭芒果紫米蛋糕」配「鮮奶特濃咖啡」，我呢件 cake 就真係夠晒邪惡，只係略嫌班蘭香味爭咗啲啲。唔緊要，一杯 Flat White 補返晒，沖得幾好，我中意。呢餐咁樣埋單 $204 兩位，都係合理價錢。。。（地址：沙田沙田正街18號新城市廣場一期4樓410號舖）#1amfoodie #foodie #hkfoodie #tha