一家

營業中

休息中

【東區】【一家中華菜館】筲箕灣新開咗個叫「形薈」嘅商場，聽講差不多全個商場都係食肆，早幾日就同浣紗娘去行吓，見到呢間米芝蓮「必比登推介」嘅中菜「一家」，就姑且入去試吓佢。我掩飾自己嘅無知，走咗去查「必比登推介」，原來係以合理價格提供三道菜美食的餐廳。咁既然得到米芝蓮評審員嘅認同，就應該唔會差得去邊。先試 $188 嘅「蒜蓉爆鱔絲」，佢有個爆火嘅效果，記得拍片，視覺同味覺都得到享受。食落熱辣辣，正。跟住試 $58 一籠四件嘅「小籠包」，係質素之作，皮薄而不穿，餡味濃而不膩，點唔點醋都正。主菜試 $108 嘅「石窩咸肉菜炒飯」，係浣紗娘至愛嘅一道，因為佢一向太食呢種鹹肉炒飯，但係呢一窩珍珠米炒到粒粒分明，配合鹹肉粒、菜粒，令佢一碗接一碗咁食，相當誇張。之後試 $78 嘅「上海脆皮素鵝」，脆口得嚟，入面唔會太油太鹹，掂。嘢飲方面，除咗本身提供咗唔錯嘅熱茶之外，佢哋嘅特色飲品都相當出色。浣紗娘試 $40 嘅「溫文爺爺」，係椰子芝士雲、伯爵茶、海底椰組成，好飲。我就試 $36 嘅「長氣嫲嫲」，由熱情果茉莉茶、羅勒組成，都好清新。埋單 $563，佢哋嘅服務係値。。。（地址：筲箕灣筲箕灣道393號形