影片
更多
2024-11-29
591 瀏覽
今日行行吓MOKO，想搵啲嘢食。發現一間買名牌時裝嘅舖頭 @lbuy.hk 入面竟然有一間咁靚嘅Cafe @zeni.rone_moko ，就入去試吓～佢嘅環境好特別，有紅磚色嘅外牆，設有唔同嘅卡位，私隱度高。座位係用藍綠色嘅梳化長凳，然後背後有幾個紅色同藍色嘅圓形燈光。有一種典雅得來，又有少少現代嘅科技感。食評 ✍️芥末汁日式漢堡扒 $148本身覺得佢嘅價錢都唔平，但嚟到都幾大份。兩大塊嘅漢堡扒，亦都有沙律。漢堡扒係好日式好厚嘅嗰種，除咗牛肉仲會有豬肉、洋蔥等等，所以食起上嚟唔會乾，而且仲幾多肉汁。肉嘅香味都唔錯，不過醬汁調味偏鹹，除咗有芥末籽，仲會有一啲火腿片，配上漢堡扒係幾好食嘅，但會易覺得膩。好彩佢配搭柚子醋沙律，啱啱好可以清爽解膩。味道：8.2/10煙三文魚海鮮闊條麵 $108意粉好煙韌，蒜香濃郁，但不會過於突兀，恰到好處地提升了整體風味。煙燻三文魚帶有獨特的煙熏香氣，增添了豐富的層次感。不過海鮮略嫌少咗啲。味道：7.7/10芒果焦脆泡芙 $36 （超推）泡芙源自日本品牌baked magic @baked.magic ，國際質量標準 MONDE SELECTION連續兩年金賞
今日行行吓MOKO，想搵啲嘢食。發現一間買名牌時裝嘅舖頭 @lbuy.hk 入面竟然有一間咁靚嘅Cafe @zeni.rone_moko ，就入去試吓～
佢嘅環境好特別，有紅磚色嘅外牆，設有唔同嘅卡位，私隱度高。座位係用藍綠色嘅梳化長凳，然後背後有幾個紅色同藍色嘅圓形燈光。有一種典雅得來，又有少少現代嘅科技感。
食評 ✍️
芥末汁日式漢堡扒 $148
本身覺得佢嘅價錢都唔平，但嚟到都幾大份。兩大塊嘅漢堡扒，亦都有沙律。漢堡扒係好日式好厚嘅嗰種，除咗牛肉仲會有豬肉、洋蔥等等，所以食起上嚟唔會乾，而且仲幾多肉汁。肉嘅香味都唔錯，不過醬汁調味偏鹹，除咗有芥末籽，仲會有一啲火腿片，配上漢堡扒係幾好食嘅，但會易覺得膩。好彩佢配搭柚子醋沙律，啱啱好可以清爽解膩。
味道：8.2/10
煙三文魚海鮮闊條麵 $108
意粉好煙韌，蒜香濃郁，但不會過於突兀，恰到好處地提升了整體風味。煙燻三文魚帶有獨特的煙熏香氣，增添了豐富的層次感。不過海鮮略嫌少咗啲。
味道：7.7/10
芒果焦脆泡芙 $36 （超推）
泡芙源自日本品牌baked magic @baked.magic ，國際質量標準 MONDE SELECTION連續兩年金賞。表面有一層焦糖，外皮香脆富牛油香，入面有好多忌廉。小編就揀咗芒果味，芒果嘅味道自然香甜，名不虛傳。
味道：8.2/10
焦糖鮮忌廉牛角包 $38 （超推）
牛角包都算係佢哋嘅招牌，佢絕對唔係一啲好Hea嘅忌廉牛角包。表面炙燒咗一層焦糖，比泡芙更多，玻璃般嘅脆感，加上香甜嘅味道，搭配鬆脆嘅牛角包，同入面滿滿嘅忌廉。係一個極度邪惡嘅配搭，但食到呢個甜品真係非常滿足。
味道：8.5/10
焦糖雲呢拿蛋糕 $68
佢哋嘅蛋糕全部都好精緻，今次試吓呢個上面有朵雲嘅款式。同樣係焦糖味，但佢嘅香甜感覺就冇咁突出，反而被佢上面雲朵嘅棉花糖，同側邊嘅果醬遮咗。
味道：7.3/10
鮮柑桔乳酪梳打 $62
呢個係佢哋比較新嘅系列，主打會用新鮮水果整成唔同夏日清爽飲品。呢個係用柑桔乳酸梳打整成嘅飲品柑桔酸酸甜甜配搭乳酸啱啱好加上起泡美味嘅刺激感小編覺得咩季節都好啱飲。
味道：8/10
芝士奶泡伯爵茶拿鐵 $58
上面一層係用cream cheese整成嘅芝士奶譜，下面就係伯爵茶味嘅拿鐵。上面嘅奶泡綿密，有好香嘅奶味再加美味嘅芝士味。咖啡底嘅伯爵茶香味唔算好突出，反而奶味做咗主導，再加少少咖啡嘅烘焙香。
味道：7.8/10
另外呢度仲有日本頂級斯里蘭卡茶盒購買，而且仲有勁多種口味選擇，攞嚟做聖誕禮物一流～
抵食：7.6/10
服務：8.2/10
環境：8.3/10
ZENI RONE (旺角)
旺角太子道西193號MOKO新世紀廣場1樓175號舖
#hk #hongkong #hkig #hkfoodie #hkfood #hkeat #香港美食 #食評 #香港食評 #香港生活 #小紅書 #香港必食 #旺角 #旺角美食 #moko #mkfood #日本 #日本菜 #過江龍 #cafe #coffee #tea #Croissant #泡芙 #牛角包 #咖啡 #咖啡店 #dessert #甜品 #lbuy
張貼
