香麥田BAKERY (福康街)

營業中

休息中

有日經過一間街坊麵包鋪，見到啲麵包都感覺唔錯，就入去買嚟試下。一眼就睇呢個包，體型比較偏大，材料組合又比較複雜(黑糖麻糬+桂圓+伯爵茶)，呢個配搭令我即刻買咗去試一試。個包係伯爵茶做底，只係食個包都香氣滿滿的! (我真係好鐘意伯爵茶嘅食品)餡料有令小朋友一再回味的黑糖麻糬，香甜煙韌；麵包入面仲加入少用到的桂圓，3樣嘢食落去又異常融洽。因為同樣係配搭比較複雜，餡料又比較多，所以我第一時間就諗到韓國嘅Tardemah。咁又當然無Tardemah咁多餡同豐富啦，但價錢只係佢1/4 ($22)，就算餡料就會分佈得唔太平均，呢個價錢都可以被原諒。仲有唔少得就係芝士麻糬波，比一般的麻糬波要大隻少少，而且波波個弧度仲好靚。麻糬波表皮少少脆，內裡十分煙韌，再上濃濃的芝士味，十分討好，每次去都必定要買6隻先夠 ($12 / 3隻)。