影片
更多
2024-06-12
278 瀏覽
話說屯門近排有個新屋苑／商場開幕，就係位於欣寶路嘅NOVO LAND同NOVO WALK。老老豆豆，其實個商場冇乜特別，而且都幾細。比較特別嘅係有個叫Food Lane 嘅地方，有啲似一條餐廳街，不過餐廳唔算好有特色，比較特別嘅都係雲川同呢間City’n Friends。City’n Friends裝修以鮮橙為主調，配合光管、燈箱營造出美式風格。➡️雙層豬柳芝蛋班戟仔（配粒粒薯寶） $78我諗好多人嚟到都係為呢個，皆因佢嘅豬柳蛋包皮係用Pancake做，就好似香港人去日本麥當勞必食嘅McGriddle 咁。其實近排都有唔同舖頭自己整，例如荃灣泰興、灣仔紅荳等等。呢度就勝在唔使排隊，而且係兩層豬柳。味道上我會話有七至八成似，豬柳蛋芝士係主要嘅味道。但最重要嘅Pancake包佢係偏濕啲，而且佢雖然係甜甜哋，但楓糖味始終唔夠McGriddle突出。當然，最大分別喺個價錢到，$78認真唔抵。呢個包冇餐配，規定配粒粒薯寶。薯寶質感似薯餅，外表脆身，入面係薯粒，味道中規中矩。味道：7.4/10➡️黑醋豬腩肉漢堡(餐)$100店家亦都有其他口味嘅漢堡，例如經典牛肉漢堡、亦有雞魚豬選擇。今次叫嘅呢個賣點應
話說屯門近排有個新屋苑／商場開幕，就係位於欣寶路嘅NOVO LAND同NOVO WALK。老老豆豆，其實個商場冇乜特別，而且都幾細。比較特別嘅係有個叫Food Lane 嘅地方，有啲似一條餐廳街，不過餐廳唔算好有特色，比較特別嘅都係雲川同呢間City’n Friends。
City’n Friends裝修以鮮橙為主調，配合光管、燈箱營造出美式風格。
➡️雙層豬柳芝蛋班戟仔（配粒粒薯寶） $78
我諗好多人嚟到都係為呢個，皆因佢嘅豬柳蛋包皮係用Pancake做，就好似香港人去日本麥當勞必食嘅McGriddle 咁。其實近排都有唔同舖頭自己整，例如荃灣泰興、灣仔紅荳等等。呢度就勝在唔使排隊，而且係兩層豬柳。味道上我會話有七至八成似，豬柳蛋芝士係主要嘅味道。但最重要嘅Pancake包佢係偏濕啲，而且佢雖然係甜甜哋，但楓糖味始終唔夠McGriddle突出。當然，最大分別喺個價錢到，$78認真唔抵。
呢個包冇餐配，規定配粒粒薯寶。薯寶質感似薯餅，外表脆身，入面係薯粒，味道中規中矩。
味道：7.4/10
➡️黑醋豬腩肉漢堡(餐)$100
店家亦都有其他口味嘅漢堡，例如經典牛肉漢堡、亦有雞魚豬選擇。今次叫嘅呢個賣點應該係有兩大塊厚切豬腩肉，腩肉肥瘦比例唔錯，唔會好乾好難咬，再配上焦糖洋蔥、蕃茄、沙律菜、蛋黄醬，味道酸酸甜甜，中和腩肉嘅油膩，整體味道都唔錯。
另外，套餐包汽水薯條，薯條係連皮薯條，食落有薯仔味，比較可惜係唔夠脆。
味道：7.6/10
➡️啤酒風味洋蔥圈 $48
如果只係洋蔥圈其實都唔太差，挺身夠脆，不過粉漿偏厚，同唔多覺有啤酒風味。可能係用fish & chips 嘅啤酒炸法？所以先咁脆？
味道：7.4/10
張貼
