影片
更多
2025-05-19
0 瀏覽
今日去咗尖沙咀一間叫「Aqua」嘅餐廳去慶祝朋友生日，呢間餐廳坐擁180度嘅維港海景，晚上六時半入座仲可以欣賞到維港嘅日景、日落同夜景，而且大部份嘅窗口位置都係二人枱，餐廳浪漫嘅氛圍真係好適合情侶慶祝。今日試咗餐廳新推出嘅 Yoru Dinner Menu，每人有7個course，另外加咗兩杯Chardonnay小酌慶祝一下。🍊 Tuna & Yellowtail Carpaccio with caviar & seaweed salad前菜係薄切吞拿魚同油甘魚，魚生食材新鮮，味道鮮甜而且充滿魚油香，吞拿魚片同油甘魚片相隔擺盤，造成紅白相間嘅視覺效果；上面有黑魚子、日式五味粉、果凍啫喱粒同海藻沙律做伴碟，增加味道嘅層次感🍊 Spicy Chopped Fatty Tuna另一道前菜係碎葱、吞拿魚腩蓉同牛油果制成嘅卷物，吞拿魚腩蓉牛油果帶有軟滑細膩嘅口感，加上蒜辣醬有種微辣味嘅香味🍊 Miso Soup with slow cooked pork & Japanese eggplant 麵豉湯用咗慢煮豬肉同日本茄子熬製而成，慢煮豬肉嘅肉質軟腍，為麵豉湯帶來肉味，日本茄子同日式海帶為麵豉湯
🍊 Tuna & Yellowtail Carpaccio with caviar & seaweed salad
前菜係薄切吞拿魚同油甘魚，魚生食材新鮮，味道鮮甜而且充滿魚油香，吞拿魚片同油甘魚片相隔擺盤，造成紅白相間嘅視覺效果；上面有黑魚子、日式五味粉、果凍啫喱粒同海藻沙律做伴碟，增加味道嘅層次感
🍊 Spicy Chopped Fatty Tuna
另一道前菜係碎葱、吞拿魚腩蓉同牛油果制成嘅卷物，吞拿魚腩蓉牛油果帶有軟滑細膩嘅口感，加上蒜辣醬有種微辣味嘅香味
🍊 Miso Soup with slow cooked pork & Japanese eggplant
麵豉湯用咗慢煮豬肉同日本茄子熬製而成，慢煮豬肉嘅肉質軟腍，為麵豉湯帶來肉味，日本茄子同日式海帶為麵豉湯增加口感
🍊 Burrata with peas, fava beans, pine nuts & mandarin
布拉塔起司嘅口感順滑，充滿奶油芝士嘅發酵香味，配埋豌豆、蠶豆、松子、橘子等雜菜一齊食可以令口腔充滿果香同豆香，味道清新開胃
🍊 Barley & Rice with spicy cod roe, sea urchin & squid
日本押麥即係用意大利飯嘅煮法去煮日本珍珠米，令到飯粒嘅顆粒感分明，口感煙靭，每粒飯都吸收咗明太子荳乳湯嘅精華，配搭海膽同魷魚一齊食，充滿鮮味
🍊 Lobster Linguine with tomatoes, chilli, lemon and aromatic herbs
龍蝦意大利麵係用咗口感煙靭嘅肩意粉，材料有幾件拆殼嘅龍蝦肉，龍蝦肉味道鮮甜而口感彈牙，醬汁用咗蕃茄、辣椒、檸檬同香草去調味，每一條意粉都掛上濃稠嘅醬汁
🍊 Charcoal-grilled Black Cod marinated with saikyo miso
銀鱈魚嘅魚肉嫩滑，完全冇魚骨，用炭燒嘅方式逼出魚香同魚油，甜醬油係西京燒經典嘅味道，碟邊配上擺盤精緻嘅西京白味噌醬
🍊 Suckling Pig Belly with apricot ketchup, baby carrots, caper leaves & fresh oregano
油封乳豬仔嘅豬肉幼嫩多汁，乳豬皮烤得香脆可口，乳豬皮、乳豬肉同脂肪層嘅層次豐富，配上杏子番茄醬帶點酸酸甜甜嘅味道，食落幾開胃
🍊 Tiramigiù
意大利提拉米蘇係我最愛嘅甜品，上菜時會拉起膠圈，令灑上可可粉嘅咖啡奶油營造到流心嘅效果，中間夾住咖啡奶油、芝士奶油同鬆脆巧克力珍珠，奶油夾層口感順滑，成個甜品味道唔會太甜，係一個好好食嘅經典提拉米蘇
📍 尖沙咀中間道15號H Zentre 17樓
位置就腳：🍊🍊🍊🍊🍊
餐廳環境：🍊🍊🍊🍊🍊
食物味道：🍊🍊🍊🍊🍊
整體CP值：🍊🍊🍊🍊🍊
張貼
