小島料理

營業中

休息中

『CP value超級高，夏天就算啦但係冬天等一個鐘完全值得~』⁡已經好多年冇覺得邊間餐廳值得排隊超過半個鐘，心甘命抵肯排隊嘅都係得Shari Shari 😹估唔到呢間餐廳令我打破記錄，第一次去係落雨超級凍，等左一個幾鐘3點先有得食🌧️第二次專登帶埋相機12點準時到，點知錯過第一輪，又等左一個鐘先有得入座🦦但係食完回頭率依然不減，仲係覺得佢值得漫長嘅等待👅(當然只限天氣涼爽嘅情況下…)⁡店內位置大概13個，坐得較逼。菜單好簡單，食過牛板腱同西冷丼，牛板腱就厚身d肉味更濃，西冷就薄切柔軟d🐮我自己係更加偏愛牛板腱，但係兩款都令我有種返左日本食牛肉飯嘅感覺🇯🇵嗰種蛋汁撈勻乳酪醬，一啖塞入嘴嘅感覺，邪惡得嚟又帶點清爽感，實在太太太滿足啦！⁡推介 🥢慢煮牛板腱丼 🥢慢煮西冷牛丼 ————————————————————◎ 慢煮牛板腱丼 (小盛)(HKD75) | 4.5/5◎ 慢煮西冷牛丼 (小盛)(HKD60) | 4/5小盛/並盛/大盛分別係肉量增加，飯量不變的哦🍚小盛對我嚟講份量啱啱好————————————————————♣️ 小島料理☌ 大角咀櫸樹街58號地舖◔12nm~3pm;