影片
更多
2022-10-15
325 瀏覽
留意到壽司郎又推出左新嘅秋季限定款式，今次嘅壽司款式睇落其實冇之前咁吸引，但今次最吸睛嘅一定係新甜品，即時就決定去拎返張籌試試佢！———————————————🌟生七味醬漬長鰭吞拿魚壽司 $12醬料本身味道好濃，少少辣感，但配刺身做壽司食落唔係好夾，真係醬料為主唔會點食到魚嘅味。.🌟秋鰹魚腩壽司 $17魚腩本身睇落已經好粉嫩吸引，再加以薑蔥作配搭及提味，食到魚本身嘅鮮甜味，唔錯！.🌟特大水煮松葉蟹配紅楚蟹拌蟹膏 $39松葉蟹同蟹膏味道本身都唔錯，但份量上真係稱唔上特大。再者，本身於外表上松葉蟹顯得比較乾身，什至同出面嘅日式蟹柳相似，減低咗成個菜式嘅吸引力。.🌟番薯炸蝦天婦羅拼盤 $27呢個拼盤其實都包含咗本身已有嘅天婦羅菜式，所以秋季張定嚟講唔係話好特別，但食物味道一樣咁好。.🌟究極巴斯克烤芝士蛋糕 $27想講呢個芝士蛋糕真係非常出色，味道方面非常濃郁。但最值得一讚係口感上嘅層次，最上一層係烤焦左類似焦糖嘅味道，然後就到非常順滑嘅芝士，接住係實心少少嘅芝士蛋糕同卡達拉娜口感相似，最後再到相對軟身嘅餅，一啖放入口成個口感都非常豐富但同時又有入口即溶嘅感覺，鍾意食芝士蛋糕嘅你必要唔可以錯過
———————————————
🌟生七味醬漬長鰭吞拿魚壽司 $12
醬料本身味道好濃，少少辣感，但配刺身做壽司食落唔係好夾，真係醬料為主唔會點食到魚嘅味。
.
🌟秋鰹魚腩壽司 $17
魚腩本身睇落已經好粉嫩吸引，再加以薑蔥作配搭及提味，食到魚本身嘅鮮甜味，唔錯！
.
🌟特大水煮松葉蟹配紅楚蟹拌蟹膏 $39
松葉蟹同蟹膏味道本身都唔錯，但份量上真係稱唔上特大。再者，本身於外表上松葉蟹顯得比較乾身，什至同出面嘅日式蟹柳相似，減低咗成個菜式嘅吸引力。
.
🌟番薯炸蝦天婦羅拼盤 $27
呢個拼盤其實都包含咗本身已有嘅天婦羅菜式，所以秋季張定嚟講唔係話好特別，但食物味道一樣咁好。
.
🌟究極巴斯克烤芝士蛋糕 $27
想講呢個芝士蛋糕真係非常出色，味道方面非常濃郁。但最值得一讚係口感上嘅層次，最上一層係烤焦左類似焦糖嘅味道，然後就到非常順滑嘅芝士，接住係實心少少嘅芝士蛋糕同卡達拉娜口感相似，最後再到相對軟身嘅餅，一啖放入口成個口感都非常豐富但同時又有入口即溶嘅感覺，鍾意食芝士蛋糕嘅你必要唔可以錯過！
.
🔶整體評價🔶
其實今次整體秋季限定嘅壽司吸引力真係唔大，同埋價錢都好似比以往嘅限定菜式出價更低，可能都考慮到經濟景況唔好，所以都出返相對比較平嘅魚類。好可惜唯一一個睇落好吸引嘅灸燒紅葉鯛壽司咁啱賣曬，所以冇辦法提供到評價比大家，但真心推薦大家要試呢個究極芝士蛋糕，唔係錯過咗就未必有㗎喇！
.
🔸味道：7/10 （針對此系列）
🔸環境：7/10
🔸服務：8/10
🔸打卡指數：6/10
———————————————
🍽️壽司郎（寶琳店）
📍將軍澳貿業路8號新都城中心三期2樓201-202號舖
———————————————
張貼
