影片
更多
2025-03-15
0 瀏覽
【九龍城區】【味王拉麵】之前經過呢度見到呢間噏耷日本嘢，對佢哋好有興趣，因為呢啲多數都係抵食夾大件。見到佢哋個餐廳名大大隻字寫住「拉麵」，但係其實係叫「味王日本料理」喎，都幾多款唔同嘅日本嘢可以叫嚟食。然而，個環境上就真係打理得一般啲，用餐唔算舒服。不過見佢哋嘅「日替定食」好似幾抵，叫咗份 $78 嘅「牛肉鍋」，有配「白飯」同飲品，我加 $3 配「百事可樂無糖」。個牛肉鍋就整得比較生，牛味欠奉之下其實我都唔知係咪真係牛肉嚟。反而底下啲菜幾好，津白夠晒甜，有埋冬菇、紅蘿蔔等都幾清。特登食剩少少飯因為想食「燒物」，叫咗 $65 嘅「比目魚西京燒」，有兩塊，不過不失啦。埋單冇加一，係 $146，我用咗支付寶畀錢嘅。不過食完行出去冇一分鐘就開始絞肚痛，一路行一路痛，可能係個鍋啲嘢太生。標晒冷汗之下終於返到公司廁所，大家留意。。。（地址：土瓜灣土瓜灣道285號地舖貴州街2號地下8號舖）
不過見佢哋嘅「日替定食」好似幾抵，叫咗份 $78 嘅「牛肉鍋」，有配「白飯」同飲品，我加 $3 配「百事可樂無糖」。個牛肉鍋就整得比較生，牛味欠奉之下其實我都唔知係咪真係牛肉嚟。反而底下啲菜幾好，津白夠晒甜，有埋冬菇、紅蘿蔔等都幾清。
特登食剩少少飯因為想食「燒物」，叫咗 $65 嘅「比目魚西京燒」，有兩塊，不過不失啦。埋單冇加一，係 $146，我用咗支付寶畀錢嘅。不過食完行出去冇一分鐘就開始絞肚痛，一路行一路痛，可能係個鍋啲嘢太生。標晒冷汗之下終於返到公司廁所，大家留意。。。
（地址：土瓜灣土瓜灣道285號地舖貴州街2號地下8號舖）
張貼
