Grissini 意大利餐廳

營業中

休息中

位於Grand Hyatt 嘅意大利餐廳Grissini 係灣仔區上班族喜愛嘅高級午飯餐廳。餐廳裝修風格好有歐洲風格，有開揚嘅海景位或者浪漫嘅吧枱位，都好適合情侶同朋友嚟撐枱腳。2 course set $4203 course set $480Lunch Set分咗3道菜同4道菜揀。每台客人都有一碟意大利長棍麵包，配上香濃嘅橄欖油都超好食。前菜就嗌咗油甘魚同慢煮牛脷。油甘魚好有smokey味道，微微嘅辣味非常開胃。牛脷配上超甜超濃吞拿魚醬都好吸引。主菜方面叫咗wild boar 肉醬闊條麵同封門牛排(+$90)。肉醬闊條麵同一般Bolognese好大分別，因為用上野豬肉，令肉味更加惹味同有層次。封門牛柳唔洗多講，好淋又重牛味，重有燒烤味道。甜品方面選擇咗homemade 雪葩，雲呢拿同檸檬味，檸檬味就比較酸但係好refreshing🍋記得餐廳都有dress code，就算夏天都要著長褲啊。