影片
更多
2023-06-25
84 瀏覽
今日黎到荃灣街市街食酸菜魚，餐廳係荃灣地膽推介既，店面唔大，但坐得舒服。.今日揀左兩個鐘既任食套餐，鍋底可以揀雞煲、烤魚或者酸菜魚，人多既話仲可以試到唔同鍋底添！食完就可以用個湯黎打邊爐啦，任食會有海鮮同牛肉拼盤各一份。.🔹酸菜魚鍋🔹魚上枱已經可以係熟，可以即食，賣相好吸引，香味誘人。魚片份量比出邊其他餐廳多，加上又滑，味道麻麻辣辣咁，兩個人食到勁滿足。鍋入面配料都豐富，有金菇、萵筍同寬麵，食完都7分飽。🔹牛肉拼盤🔹牛肉雪花均勻，有八塊，烚到粉色就撈起，好嫩滑又重牛味。不過可惜冇得任食，但出面任食區都有普通肥牛可以任拎既～.🔹海鮮拼盤🔹有大隻虎蝦、連殼鮑魚、蠔同帶子，跟人頭份量比，質素係唔錯，鮑魚彈牙蝦又爽口。.🔹任食區🔹任食區細細地但都有幾十款野食揀，最搶眼係佢既辛辣麵牆。配料都正正常常，最推介係佢既雲吞同餃子，係靚野黎，皮薄餡靚，又大粒！仲有佢既極長蟹棒，食一條都飽晒。.🔹XXXXL凍檸茶🔹宜家like 佢地FB 仲可以幫你upgrade 飲品，係超超超大杯，不過堅係唔會飲得晒。.如果黎呢到，推薦大家食任食火鍋，因為佢價錢同散叫好似差唔多，相比起黎，任食既性價比真係好高。
今日黎到荃灣街市街食酸菜魚，餐廳係荃灣地膽推介既，店面唔大，但坐得舒服。
.
今日揀左兩個鐘既任食套餐，鍋底可以揀雞煲、烤魚或者酸菜魚，人多既話仲可以試到唔同鍋底添！食完就可以用個湯黎打邊爐啦，任食會有海鮮同牛肉拼盤各一份。
.
🔹酸菜魚鍋🔹
魚上枱已經可以係熟，可以即食，賣相好吸引，香味誘人。魚片份量比出邊其他餐廳多，加上又滑，味道麻麻辣辣咁，兩個人食到勁滿足。鍋入面配料都豐富，有金菇、萵筍同寬麵，食完都7分飽。
🔹牛肉拼盤🔹
牛肉雪花均勻，有八塊，烚到粉色就撈起，好嫩滑又重牛味。不過可惜冇得任食，但出面任食區都有普通肥牛可以任拎既～
.
🔹海鮮拼盤🔹
有大隻虎蝦、連殼鮑魚、蠔同帶子，跟人頭份量比，質素係唔錯，鮑魚彈牙蝦又爽口。
.
🔹任食區🔹
任食區細細地但都有幾十款野食揀，最搶眼係佢既辛辣麵牆。配料都正正常常，最推介係佢既雲吞同餃子，係靚野黎，皮薄餡靚，又大粒！仲有佢既極長蟹棒，食一條都飽晒。
.
🔹XXXXL凍檸茶🔹
宜家like 佢地FB 仲可以幫你upgrade 飲品，係超超超大杯，不過堅係唔會飲得晒。
.
如果黎呢到，推薦大家食任食火鍋，因為佢價錢同散叫好似差唔多，相比起黎，任食既性價比真係好高。
張貼
