神戶屋日韓放題

營業中

休息中

噚晚帶班親戚去旺角兆萬中心搵食，誤打誤撞試咗間呢間日韓放題，真係驚喜爆燈！💥 一坐低就上咗個勁浮誇嘅「豪華刺身拼盤」——海膽鮮甜到爆膏🤤、生蠔肥美juicy到漏汁、長腳蟹啖啖肉，仲有三文魚腩同手掌咁大嘅海蝦，班親戚影相影到手軟，直頭係呃like神器📸！重點係！餐廳最近轉型玩火鍋放題，湯底多到揀唔切🍲有重啟火鍋，椰子雞鍋，蕃茄鍋等！我哋最尾試咗麻辣雞煲，麻辣湯底辣得過癮🔥，雞肉爽滑彈牙，粒粒飽滿！食完雞煲我地轉左個蕃茄鍋打邊爐，配料盤仲誇張，肥牛油花靚到似和牛、牛蛙腿彈牙到識跳舞、台灣辣腸爆汁仲有雞子補身（你懂的😏），最正係蝦滑打到超Q彈，連埋金針菇索哂湯汁，食到lam lam脷！飲品櫃汽水啤酒任拎，仲有重慶冰粉解辣🍧同埋雪糕做結尾，班親戚瘋狂encore話「香港放題抵食成咁？」😂 人均幾百食到捧住個肚走，今次真係威威豬啦！🐷 下次gathering肯定encore！