新肥泉海鮮大排檔

營業中

休息中

周末喺深圳滑完雪搭高鐵趕返香港又夜又餓。見呢度仲有開就同朋友行過黎醫肚。從西九高鐵站出發沿著柯士甸道，跟指示牌步行約10分鐘，就抵達隱藏在官涌市政大廈嘅新肥泉海鮮大牌檔。熟食中心比起街鋪更衛生同乾淨，又有冷氣開放。十分舒服。加上用QR Code落單，大排檔都與時並進，抵讚。菠蘿咕嚕肉：絕對係大排檔必點菜式之一。一黎可以試到師傅嘅手勢，二黎酸酸甜甜十分開胃。豬肉炸到金黃酥脆，然後與酸甜適中的菠蘿山楂汁炒勻，入口外酥內嫩而且咕嚕肉大大粒，好抵食。金銀蒜蒸大元貝(6隻)：。大粒元貝鋪滿金銀蒜蓉，蒸至熟度啱啱好。蒜香濃郁夾埋元貝嘅鮮甜，粒粒都好飽滿彈牙，最後， *黑松露帶子炒飯* 絕對是點睛之作。粒粒分明的炒飯融合了鮮甜的帶子和濃郁的黑松露香氣，層次豐富，讓人一試難忘。新肥泉的烹調手法精湛，用料新鮮，味道出眾。不妨在下次經過西九時，親自體驗這份獨特的美味之旅！