222
3
0
港鐵銅鑼灣站 A 出口, 步行約4分鐘
繼續閱讀
電話號碼
98758389
營業時間
今日營業
17:00 - 01:30
星期一至日
17:00 - 01:30
以上資料只供參考, 請與餐廳確認詳情
食家推介
唔想自己燒 但又想食串燒去呢度就啱曬啦燒元貝 - $28夠晒厚肉鮮甜個調味都幾好好香嘅牛油味啲蒜都燒到好香陀地燒生蠔 - $12燒生蠔都幾大粒肥美咬開都幾有海水嘅鮮味燒得啱啱好唔會過熟或者好生蜜糖牛油燒麵包 - $20雖然係好普通嘅食材但就係好好食燒起脆卜卜又甜甜哋咁就算放咗一陣先食都唔會咁快淋返蕃薯手抓餅 - $20同我哋想像中都幾大岀入唔知點解我同朋友都覺得佢會係紫薯不過無諗過係入面有蕃薯餡我哋以為係撈埋一齊整都幾飽肚外皮唔係特別乾身食多塊就會有少少重嘅油膩感黃金芝士年糕 - $20入面個餡芝士味好香好濃外層煙煙韌韌本身想Encore 但驚太飽所以放棄了-燒牛肉 - $18幾有牛味不過略嫌有啲韌但串燒嚟講算係咁-雞腳筋 - $9以為佢會爽口啲但食落同普通雞肉好似無咩分別咁雞翼 - $14正常發揮黃喉 - $10食落無咩味 幾爽口咬落脆卜卜咁-燒豬頸肉 - $10個Sauce調得幾好味豬頸肉好嫩滑而且好有咬口烤麻糬 - $20呢嚿嘢完全唔知發生咩事咬開勁硬又無味唔識欣賞薄切牛舌 - $10唔係爽口Type但都幾Juicy燒茄子 - $30正常發揮翠肉瓜 - $8食串燒必嗌嘅蔬菜類燒完唔會太乾身都仲幾Juicy錫紙金菇 - $28用咗蒜蓉放面咁燒但感覺兩樣嘢好似分開咁而且仲係好大泡水係度燒到乾身啲感覺會好啲-冷泡白桃烏龍茶 - $18夠晒大杯解渴
繼續閱讀
我本身好鍾意食魚🤣店舖有五款口味可以揀,招牌鮮青花椒烤魚、重慶麻辣、萬洲香辣、川式孜然,唔辣嘅蒜香金湯口味😎烤魚我哋揀咗食蒜香金湯口味,清江魚口感嫩滑,油香十足,而鱸魚🐟肉多骨少,蒜香金湯口味湯底非常之濃郁,可以叫火鍋料打邊爐+串燒呢度仲有多款火鍋配料可以選擇,款款都非常之新鮮🫱🏻🫲🏼仲可以以優惠價($38)加一份四配菜系列落烤魚,包括 土豆、蓮藕、豆腐、豆芽,火鍋配料仲有手切鮮封門牛柳($88)牛肉味幾濃,墨魚滑玉子燒好鮮甜爽口,而寬粉($28)亦係食烤魚必食,煙煙韌韌好吸味串燒方面叫咗雞翼、牛肉串、羊肉串,加上用孜然粉等等調味,非常滿足😌另外我哋仲叫咗杯百香果水果茶,打邊爐解渴啱晒😎🍻堂食生啤仲買一送一呀🚩我要烤魚 @i_want_grill_fish 銅鑼灣耀華街百樂中心8樓#addifoodie #addifoodie銅鑼灣#foodie #hongkongfood #drawing #香港美食 #吃喝好去處 #週末好去處 #goodfood #周圍食 #香港插畫 #情侶美食 #HKcouple #hongkongdraw #foodiecouple #愛情插畫 #香 港探店 #我要烤魚 #蒜香金湯烤魚
繼續閱讀
我要烤魚黎緊將會轉型做「陀地燒🔥🍖」,主打平靚正串燒,最平$8串😱雞肉串$8土豆 $8燒菠蘿 $8雞軟骨$9雞腳筋 $9雞翼$14/2隻薄切牛舌$10燒豬頸肉$10燒五花腩 $12羊肉串 $18韭菜 $16蜜糖牛油燒麵包 $20陀地燒生蠔 $12燒元貝 $28蕃薯手抓餅 $20錫紙金菇$28燒茄子$30Sapporo生啤 $48/買一送一青檸梳打 $28淨係睇點嘅串燒已經好多種類,仲有好多嘢未有肚容量試其實幾本上串燒嘅質素都好唔錯👍🏻,亦唔會因為價錢細串咗🍖本身調味都👌🏻,不過旁邊亦有孜然粉、辣粉可以自己加🧂🌶️,特別想推介吓個生蠔🦪同五花腩🥓,大份/大隻又好味😋仲有蜜糖燒麵包甜甜地好正,燒茄子係麻辣風味,有好多菜脯喺面好惹味🌶️最後點少得飲啤酒🍺,佢仲要大大杯買一送一,爽呀Overall餐廳串燒即叫即燒,所以要等耐d,呢個份量3個人夠哂食,飲住啤酒一路食串燒🍖,爽
繼續閱讀
銅鑼灣超抵食串燒新店🔥!燒烤堂新開嘅姊妹店,主打親民平價串燒,多款都係$8-$10串🤑雖然多數都要嗌2串起,但勝在每款平平地,一大班朋友去可以試多幾款都唔肉赤整體質素唔錯,呢個價錢嚟計仲要係銅鑼灣/中環性價比好高!尤其幾鍾意以下呢幾款😎-👍🏻薄切牛舌 $10/串當中最推薦🤪!以簡單鹽同黑椒調味,薄切軟嫩唔韌冇羶味-👍🏻雞肉串 $8/串全場最抵食之選!肉質未算好滑,但夠晒厚肉大串,但底味較淡,可以自行調味-👍🏻雞翼 $12/2隻皮脆熱辣辣,啲肉唔會燒到太乾,面頭搽上蜜糖同灑上孜然粉,兩者配搭幾有趣-👍🏻燒豬頸肉 $10/串香茅入味,配泰式酸辣汁,爽口焦脆爆油香🔥-👍🏻香烤豆腐魚 $28/串比較有特色,似椒鹽九肚魚,椒鹽勻循,非常酥脆魚肉真係好似豆腐咁嫩滑冇改錯名,少少辣幾香口-👍🏻黃金芝士年糕 $20/2件 熱辣辣外皮薄脆,芝士流心,年糕軟糯,點煉奶食,鹹甜交錯又幾好味😙-👍🏻香草蒜蓉包 $20/4件金黃香脆,面頭鋪滿香草蒜蓉牛油好香,脆口得嚟唔硬,真係做得唔錯,呢個價錢抵食😜!-當晚嗌咗嘅其他串燒款式🔸陀地燒生蠔 $12/隻🔸牛肉餅 $10/串🔸燒五花腩 $12/串🔸四川冰粉 $16🔸青檸梳打 $28🔸咸檸七 $24 -味道:8/10性價比:9/10-📍 #陀地燒 @銅鑼灣銅鑼灣耀華街3號百樂中心8樓中環九如坊6-10號林氏大廈地下C-D號舖旺角通菜街1A-1L號Deli2 1樓1A
繼續閱讀
新年過後天氣變得忽冷忽熱,天氣凍呢幾日就日日打邊爐食雞煲,食到都厭厭地。今日正好約咗朋友飯聚提議食串燒同烤魚。而朋友又有間放口袋好耐嘅餐廳想食,咁我哋就約埋試試佢。餐廳位於銅鑼灣百樂中心,港鐵站步行四分鐘左右就到,非常方便。入到餐廳眼見多數人都係食串燒,咁朋友就一口氣點咗好多串燒忘記咗自己都是為烤魚而來。😂鮮雞腎 $10雞腎質韌脆嫩味道香濃,肉質爽口彈牙。熟度剛好仍保持柔軟多汁沒有過硬過乾。陀地燒生蠔 $12蠔肉鮮味十足又夠飽滿,表面加有蒜蓉同少許蔥花燒到相當香口。$12有一隻性價比很高!薄切牛舌 $10薄切牛舌味道濃郁,口感軟腍富彈性。咬落肉汁滿滿,牛迷必選!新疆羊肉串 $18外層燒得香脆,羊味濃而不太羶,口感嫩滑肉汁豐富。可見烤煮過程火力控制得很好!陀地燒茄子 $30食串燒必叫的燒茄子,表面加上蒜蓉同蔥花,燒起上來非常香口。好味到一個人都可以食晒成條啊!錫紙金菇 $28香氣四溢的金菇搭配蒜蓉牛油,結合了馥郁的蒜香和牛油的豐潤口感,簡單得來又好食!味淋魚干 $38燒得香脆嘅味淋魚干,油脂清香,口感煙韌味道香甜,佐酒必食!元貝 $28燒元貝大大粒,口感爽口彈牙,味道鮮甜。而表面加有金蒜同蔥花,令元貝變得更香口更鮮味,值得推介!咸檸七 $24食飽飽飲杯鹹鹹地甜甜地嘅咸檸七,夠養喉夠消滯!椰青 $38椰青相當清甜解渴,清新感可以帶走串燒帶來的膩感。整體餐廳評分很高。餐廳環境闊落舒適,枱與枱距離充足,卡位很多好適合一大班朋友飯聚。店員服務態度好又夠細心,食材新鮮,款式又夠多樣化,唔止有串燒仲有烤魚,還可以追加火鍋配料等等,價錢相當經濟。遺憾今次太飽食唔到烤魚,唯有期待下次再來。
繼續閱讀