影片
營業時間
今日營業
12:00 - 15:00
17:00 - 23:00
星期一至日
12:00 - 15:00
17:00 - 23:00
以上資料只供參考, 請與餐廳確認詳情
午市由12:00食到15:00，平日人均$248+1，65歲以上長者有88折。記得訂位，平日午市幾乎滿座。聽朋友話最近餐廳更新左菜單，所以放假約埋阿媽同姨媽表姐一齊去食！放題就緊係多野食啦，我bookmark左以下食完覺得可以再encore既野食物🥘（sorry, 實在太多！）重點：燒金枕頭榴槤王，我媽同姨媽超鍾意食榴槤，佢哋對呢個燒金枕頭讚不絕口，榴槤既獨特香味燒過後更香，軟綿綿又香又滑溜，仲要任食！金蒜炭燒廣島蠔相比起榴槤，筆者更喜歡炭燒廣島蠔！炸蒜同生蒜都有，淋上炭香燒成廣島蠔，肥美唔腥乾淨，encore左幾次！燒香草羊鞍必食推薦！唔怪之得我見廚房係咁拎燒羊鞍出黎，真係好多人叫！羊鞍唔騷，肉好juicy有汁有軟！Encore!鴨胸鵝肝多士筆者又好鐘意食鵝肝！（要香煎果隻）呢個價錢竟然食到煎鵝肝真係回本！雖然鴨胸有啲太搶味，但鵝肝都煎得唔差！合格！皇牌燒乳鴿王外皮脆卜卜，乳鴿好入味，乳鴿BB細細件冇咁易飽👍🏼海膽三色卷海膽鮮甜，底下有吞拿魚蓉墊著，也鋪上幾粒 大魚籽用味素包圍著飯團，紫菜反而已放軟不薄脆了，但還是推薦的。鹽燒牛舌表姐Encore左幾次！睇落香煎薄切，惹味十足！多款多種類的刺身好新鮮！又肥美！有三文魚、油甘魚、甜蝦、鱆紅魚薄切、松葉蟹腳，又叫左幾轉。火焰壽司&創作壽司類，質素真係唔差，筆者都推介以下幾款：鹽燒三文魚腩、拖羅吞拿魚、香蔥拖羅蓉、柚子胡椒左口魚邊，不過唔好食太多，因為係「飯底」，好易飽肚，咁就唔抵嘛😂蟹粉蟹肉粥✨✨✨有人可能會話食放題食粥唔係呀嘛？不過真心強推！幾飽都一定要叫一碗share食！蟹🦀膏蟹粉既精華響曬個煲粥入面！鮮甜蟹粥！必食！黑椒蜜汁一口牛，牛柳粒唔un😌雪花牛肉鍋，肥牛都幾滑嫩。Häagen-Dazs雪糕任食! 食多兩杯回本！不過我只食到一杯😂自助區也有好多食物，有冰凍瀨尿蝦、熱湯小龍蝦、小丸子、布甸乳酪、慕絲甜品。飲料區也同樣多款選擇，竟然有日本啤酒Sapporo, 仲有大喜屋自家制的茶飲（白桃烏龍/爆打檸檬茶等等）。總括來說，以午市二百零不到三百的日式放題，有如此多款選擇的，大喜屋的確是好選擇。
繼續閱讀
👦🏻👧🏻之前食過幾間放題都覺得質素唔係咁好，所以都有一排無食放題。前日收工去咗觀塘買嘢，好肚餓又諗唔到食咩好，就去咗鱷魚恤中心樓上嘅「極尚大喜屋」食放題，當日收費星期一至四7:30-9:30成人放題$308。出面嘅自助區有冷盤、小食、熱食、甜品、罐裝飲品、自家茶飲，仲有可以任飲清酒同梅酒！呢度用QR code落單，非常方便。榴槤控嚟到呢度一定好開心😄！依架做緊榴槤放題，烤金枕頭、榴槤布丁、榴槤雪條、榴槤糯米糍、榴槤泡芙同榴槤芝士撻任食！🐟刺身有松葉蟹腳🦀、三文魚🐟、油甘魚🐟、希靈魚🐟、北寄貝、帶子、赤蝦🦐、甜蝦🦐等等，我地最鐘意油甘魚，鮮味甘甜，每啖都充斥魚油香氣✨！赤蝦同甜蝦爽口彈牙，味道鮮甜💕！🍣壽司呢度有放題比較少見嘅深海池魚王，仲有拖羅吞拿魚、柚子胡椒左口魚邊、蟹肉芝士軟殼蟹、花之戀等等。🦪燒物不得不提烤金枕頭💛，👦🏻話質感軟滑，烤完之後個甜味更加突出，食落好香甜，total食咗3件😆～ 👧🏻推介王牌乳鴿王🐥，估唔到係放題食嘅乳鴿質素會係咁唔錯，皮脆肉嫩，仲有肉汁添😋！金蒜炭燒廣島蠔都唔錯🦪，蠔肉飽滿多汁上面嘅炸蒜好香口惹味✨。如果鍾意食羊有少少羊騷味嘅話，羊架都係必點🐏，肉質軟腍嫩滑，味道香濃帶有香草味🌿。仲有西京燒比目魚都做得幾好，煎到完整魚肉無散開，肉質細嫩而且入口即化，甜甜鹹鹹嘅醬油味好入味。🍱創作壽司👧🏻好鍾意食龍蝦沙律櫻花蝦多士🦞，多士香脆有蒜蓉香味🧄，配上甜甜嘅龍蝦沙律同大量櫻花蝦，一啖食落口好有滿足感。🥘一品料理放題竟然有鱔球食🐟！薑蔥爆鱔球爆得好香口，鱔肉彈牙入味。另外花雕醉鮑魚充滿濃郁嘅酒香味🥃，鮑魚爽彈軟腍。🧁甜品任食Haagendazs雪糕🍨！當日有焦糖脆餅、曲奇、果仁同朱古力味，我地每人食咗兩杯🤩！仲有牛乳奶凍、木糠布丁、蛋卷、泡芙、雪條同多款甜品杯，甜品係放題嚟講真係好多款式👍🏻！📍 極尚大喜屋 (鱷魚恤中心) (觀塘)觀塘開源道79號鱷魚恤中心3樓
繼續閱讀
💡 高性價比的日式放題約朋友驟會，最岩就係食放題慢慢吹水，食物選擇多，性價比好高，而且用QR code落單，夠曬方便。🍽刺身🐠刺身既款式多，有三文魚、油甘魚、虎蝦、甜蝦、希靈魚、池魚王、鮑片、馬刀貝等等😍。刺身都非常新鮮，三文魚腩鮮甜肥美。最正仲要有埋蟹腳食。🍽壽司🍣壽司有多款式，深海池魚、黑松露赤魚、燒牛肉等等，創意壽司鵝肝多左、蟹肉芝士軟殼蟹、海膽三色撻都非常特別。🍽熟食推介即燒乳鴿，估唔到放題會有乳鴿食，皮脆肉香又多汁，好有酒樓水準。醉鮑魚 ，薑蔥爆鱔球夠惹味。🍽炸物串燒🍡炸物要讚一讚，因為好香口，蒲燒🔥鰻魚肉厚肥美。燒香草羊鞍，好香又juicy。燒金枕頭榴槤王，味道甜甜😆食多幾舊都回本。🍽自助區自助區又唔小嘅熟食，例如海蝦、章魚燒等，仲有好多涼拌同水果食，好飽。甜品仲要係Häagen-Dazs都可以任拎任食。🍽飲品🥤除咗有各類嘅茶類、汽水、啤酒🍻之外，餐廳仲有任飲嘅清酒同梅酒，連珍珠奶茶都有，爆檸檸茶都有。整體三百蚊鬆就食到咁多食物，性價比真心係高💯
繼續閱讀
好耐冇食放題，放工搵埋老媽子去附近食餐番餐😆極尚大喜屋不嬲價錢相宜，而且食物選擇眾多，加上質素又唔錯，而且地方闊落，今餐都食得好開心😍今次一嚟就叫咗好多刺身，有三文魚、帶子、虎蝦、甜蝦、希靈魚等等，三文魚果然最高質素，厚身得來勁鮮甜，配埋豉油加Wasabi一流🤭另外仲喺自助區度夾咗好多凍蝦、麻辣小龍蝦、瀨尿蝦、田螺等等，凍蝦質素最正，有肉地得來，而且夠新鮮，我哋兩個人都食咗兩兜🥰另外串燒方面都非常之高質素，尤其是係個鹽燒牛舌，拍得住坊間嘅串燒專門店，牛舌有咬口，而且燒得好香，翠玉瓜都值得一讚，好厚身非常多汁😋佢哋今次仲有個期間限定榴槤，一上枱就超級香，對於我哋兩個都係榴槤lover嚟講一流☺️ 牛肉烏冬、紫心丸、牛油粟米、榴槤丸等等都好好食，整體嚟講食物水平非常唔錯😍甜品方面最抵食係Häagen-Dazs雪糕我都食咗兩杯士多啤梨味，而且飲品方面好多選擇，攞咗佢哋自家製嘅白桃烏龍、仲有珍珠奶茶，正常發揮🥰
繼續閱讀
觀塘嘅呢一間極尚大喜屋面積超級大🤣入到去見到真系 哇 左出聲😂 但系裡面嘅人手亦都好多又好快手 好快出到餐🫶🏻小編都幾滿意 今次嘅體驗😈.1️⃣鋪頭環境開頭都同大家講咗行入間鋪頭真系覺得唔錯 放題呢啲嘢梗系越大間越正 證明食物嘅選擇亦多😘.2️⃣豐富選擇呢度嘅日式放題壽司同埋刺身選擇都好多 刺身都算新鮮👍🏻🍣🍱你可以盡情品嘗各種口味.3️⃣食材唔錯小編作為一個吃貨 食過唔少放題 有好多放題嘅食物質素同個價錢都唔成正比 周不時都遇上魚生唔新鮮 上菜上唔齊數 啲嘢食同貨不對辦 但系呢一間放題啲嘢食唔錯 唔會失望 😻4️⃣服務貼心啲侍應哥哥全部都勁有禮貌 之前食放題遇到過一啲態度真系麻麻地… 見你叫左咁多野食 好似我得罪左佢咁 但呢間嗰啲多謝前多謝後 遞個碟比佢佢會唔該曬🙏🤣🤣🤣 咁樣食先舒服架🤣5️⃣價錢唔貴大家最關心嘅當然系價格啦 這間嘅價格唔貴 食物選擇仲要有咁多😻.極尚大喜屋📍觀塘開源道79號鰐魚恤中心3樓.#吃貨日常 #香港 #茶餐廳 #Cafe #麵包 #西餐 #中餐 #日本菜 #韓國菜 #泰國菜 #堂食 #好西 #食 #香港美食 #hkfoodie #foodiehk 九龍好去處 #日式放題 #香港人口吻 #美食探店
繼續閱讀