影片
港鐵葵芳站 D 出口, 步行約7分鐘
繼續閱讀
電話號碼
69941917
營業時間
今日營業
11:30 - 16:00
17:30 - 21:30
星期一至日
11:30 - 16:00
17:30 - 21:30
以上資料只供參考, 請與餐廳確認詳情
相關文章
在葵芳搵到一間CP值高的日式料理餐廳🥳餐廳裝修精美牆壁掛左好多日本動畫的畫好有feel而且座位以卡位為主坐得舒適🤙🏻亦發現便當的名稱以日本地方命名欣賞老闆的心思🫶🏻臨走發現有性價比好高的外賣menu 多個選擇😙⭐️照燒雞扒蕃茄濃湯烏冬係用稻庭烏冬😍煙韌彈牙的口感湯底不得了濃郁香醇充滿了蕃茄的香味酸酸甜甜而且配料豐富👍🏻有溏心、鳴門卷、粟米粒、紫菜等主角雞扒都好得煎得剛剛好外酥內嫩😆⭐️佐賀便當🍱配咖哩飯有蒲燒金鯛魚腩、日式照燒脆骨丸子、汁煮日式豬軟骨 、味付螺肉呢個價錢有咁多嘢食真係好抵食🤩仲要味道都好好食咖哩飯配料豐富味道濃郁雞軟骨丸子串充滿雞肉香氣夠juicy🤤豬軟骨軟嫩可口入口即溶⭐️綿綿芝士蛋糕🍰係福岡直送果然非常高質蛋糕質地夠綿密口感唔錯甜度剛剛好好食嘅甜品令這餐帶來大滿足😌⭐️飲品-巨峰梳打+青柑桔柚子梳打梳打清爽解渴😆巨峰甜度適中柚子酸酸甜甜夠開胃
繼續閱讀
❤️🧡💛葵芳隱世便當🍱去葵芳又唔一定主攻葵廣嘅😆有時喺附近都有有意外收穫！😍前排行岀葵廣見到有間食日本嘢，仲有便當🍱丼飯🤩即刻try try佢先！❤️秋田便當❤️ $94店內便當選擇都幾多，第一次嚟食緊係揀返個人氣便當啦！😍有脆香吉列雞扒1件+汁煮豬軟骨2件＋味付螺肉+咖哩飯🍛，仲有刺身三種（三文魚2件，帶子2件，有頭甜蝦1隻）🍣真係好豐富！刺身新鮮就唔使講啦！帶子鮮甜好味！🥰脆香吉列雞扒沾少少醬汁一齊食，解膩又過癮！🥩汁煮豬軟骨煮得入味軟腍，咖哩配埋粒粒飽滿嘅珍珠米🤤甜甜哋又有米香，份量都好足夠！🍛🧡炙•三味魚丼🧡 $96依個丼飯有三文魚，鰻魚，左口魚邊，溫泉玉子🤤篤開溫泉蛋🍳蛋黃液撈埋wasabi 豉油，同埋珍珠飯一齊食，真係好滿足！😛加埋炙燒三文魚，鰻魚，左口魚邊，魚油味十足，食完真係齒頰留香！🥰套餐仲附送茶碗蒸及小食🍥滑捋捋嘅茶碗蒸仲有味付螺肉，好有日式感覺！💛福岡直送綿綿芝士蛋糕💛 $24套餐可以加購甜品，依個芝士蛋糕綿滑又唔會太乾身，芝士奶香味十足🧀食完好幸福！😌依間日式餐廳除咗便當正，丼飯都好有驚喜🤣如果唔知食邊個便當好，可以揀人氣秋田便當呀！BTW記得save post，方便向店員查詢有關餐點啦❣️📍稻田食堂📍葵芳仁芳街2-14號美豐大廈地下6號舖
繼續閱讀
早幾日「香港航空」出啲零票價機票，諗住短短哋走一轉日本，可惜都喺唔夠人搶。橫掂今晚兩公婆都唔想煮，做一晚無飯夫婦，就過到嚟家住葵芳嘅老友所推介嘅「稻田食堂」，食返個日式便當，因為佢話店家嘅便當款式多，而且配搭豐富，食咗就當去過！拉門內進，裝修喺好日式食堂嘅感覺，全木系傢俬，一邊牆上掛咗好多推介嘅食物相，另一邊就有好多日本動漫照片。 餐具簡單嘅調味料就放晌枱側，要落單採用二維碼，今次就無影餐牌俾大家參考， 因為選擇實在太多，所以，只喺截圖番有啲咩大類別；而飲品方面，叫咗主食，跟餐嘅話有平$6嘅優惠。另外近門口亦都掛咗一張螢光餐牌，一邊喺創意刺身壽司，另一邊喺人氣推介，如果太多選擇唔知揀咩好，不妨喺呢個位度著手！安格斯牛肩胛蕃茄濃湯烏冬 $80一打開個點餐程式，就見到一款全新爆茄蕃茄稻庭烏冬系列，唔使多講老婆一定晌呢個系列埋手，但佢平時好少食牛，估唔到佢會揀牛肩胛，原來佢之前食過一次牛面頰肉，覺得好正，今次揀牛肩胛其實喺記錯錯咗喺牛面頰肉，哈哈！不過，佢都話啲牛肩胛肉好嫩滑、好好食，但喺最得佢歡心嘅喺個爆茄濃湯，酸香濃郁，蕃茄味鮮活，打個滿分俾個湯；另外，佢都大讚啲稻庭烏冬入口滑漏，有煙韌嘅口感，而且唔會有啲平價貨嗰陣酸味，加埋高質素嘅溏心蛋、伴菜嘅粟米粒、紫菜、鳴門卷，成碗烏冬真喺搵唔到挑剔位。熱柑桔蜜 $12帶有蜜糖香嘅飲品佢就最鍾意喇，所以選咗杯熱柑桔蜜，聞落去已經有陣陣清香既柑桔香味，飲落鹹鹹地又帶陣陣清甜味，柑桔嘅香味都好突出，加上喺熱飲，飲完你會覺得生津、滋潤！沖繩便當 $96嚟之前都稍稍上網睇過其他人嘅食評，確喺有唔少人讚呢個沖繩便當，成份便當超級豐富，可以講喺日式4餸飯，有刺身三點、味附螺肉、汁燒金菇牛肉卷及吉列千層芝心豬扒，單睇呢個牌面已經好吸引，送到嚟最意外嘅就喺咖喱飯超多。刺身三點有三文魚、帶子及甜蝦，擺得賣相精緻，一啲都唔馬虎，而幾款刺身都食得出好夠鮮甜味，以帶子更有一片薄薄嘅櫻桃蘿蔔墊住，睇啲細節位都好有心思。味附螺肉相信大家都食唔少，尤其喺啲日式放題，都會攞少少試下，啲螺肉煙韌幾有咬口，作為食吉列豬扒時間下場，幾唔錯。汁燒金菇肥牛卷有兩大件，厚厚嘅捲住好多金菇，最好喺切開咗方便食，一口咬落去肥牛好嫩滑，夾埋爽口嘅金菇、配以燒汁去煎，食味唔錯。本身都好鍾意食西式嘅哥頓豬，而呢一款吉列千層芝心豬扒跟哥燉豬有異曲同工之妙，再加埋脆炸，真喺無得輸，外層非常之脆口，唔油膩，裡面豬肉好鬆化，加上芝士嘅鹹香，的確好好食！最後講到啲咖哩飯，因為喺日式做法，所以帶少少甜味，對唔食得辣嘅人絕對喺對上胃口，而飯粒軟熟，淨喺配個咖哩，齋食都好味。 荔枝椰果梳打 $16諗住有吉列、又咖喱，所以專登搵杯冰凍嘅梳打嚟涼一涼，雖然知道都喺用糖漿開沖，但杯梳打嘅荔枝味確喺好突出，入口冰涼清爽，而底下亦都有唔少椰果，邊飲邊食。本來，都打算叫個甜品作結，不過，估唔到個咖喱飯份量咁多，其實有得揀少飯嘅，但無估到正常嘅份量喺多得咁交關，兩款主食，唔單止啱口味，仲好好食；此外，又唔收加一，連埋嘢飲平均每人都喺一嚿水左右落樓，加上招呼又幾好，性價比高。
繼續閱讀
最近去咗葵芳嘅稻田食堂食日式料理，真係好滿足！我試咗佢哋限定嘅南九州便當，份量真係超級多，特別係咖喱，味道非常濃郁，食完絕對飽肚。便當入面有個冬菇釀蝦滑，食落去令我驚喜，超級juicy，鮮味十足！而且仲有炸蠔，外脆內嫩，味道一流。便當入面仲有抹茶蛋糕，甜品真係加分，整個便當包埋咁多款食物，真係好抵！我仲叫咗佢哋嘅招牌拱橋豆皮壽司，原本係想打卡影相，但食落去之後發現個豆皮壽司好大件，餡料都幾足，黑松露帶子加州卷更加無敵，口感好豐富。稻田食堂真係抵食，食物新鮮，又設計得幾特別，價錢合理，無論係便當定壽司，都令人回味無窮。如果你鍾意日式料理，呢度一定要試吓，我下次仲會再返嚟！
繼續閱讀
呢間稻田食堂出名食日式便當、海鮮丼等我看了餐牌發覺款式很多，有多款便當，仲有好多款不同的刺身丼、拉麵、烏冬等等，價格相宜。我看到仲有很多顧客會外賣自取的。我跟爸爸深深地被一系列不同的便當吸印著，簡直是花多眼亂，便當款式多，每一款便當又有不同組合的食材，揀選食物而花上了一段時間。爸爸點了沖繩便當，十分吸引，食材有吉列千層芝心豬扒～千層芝心豬扒相當有特色，中間的芝士滿滿香濃美味，芝味無窮。汁燒金菇牛肉卷～牛肉跟金菇好夾，又好咬口質感好，又多汁又惹味。刺身（有三文魚、甜蝦、帶子）～刺身都相當出色，刺身肉厚、鮮甜，好好味的。主食方面可以點咖喱飯或燒汁飯，而且仲可以加錢配拉麵、烏冬等等，十分多元化。咖喱飯份量充足，啖啖咖喱又香又濃，咖喱內仲有蘿蔔和薯仔粒相當足料。我點了一款阿久根便當，食材有芝麻雞翼兩隻～芝麻雞翼外皮金黃香脆，中間肉質嫩滑多汁，正。流心芝士魚餅，芝味無窮，中間好多流心芝士，而且魚餅相當彈牙煙韌，好好吃的。日式圓蔥魚餅～蔥味香，咸咸香香的，又有另一種感覺，魚餅都依然是彈牙煙韌，好好味。主食方面加上了$12點選了芝士咖哩撈烏冬，賣相吸引，滿滿的咖哩汁仲有一整片芝士，拌勻後，芝士咖哩撈烏冬啖啖惹味，又香又濃，令人愛不釋手。烏冬又滑又彈牙，味道超好。便當超吸引超好味，性價比高，又飽肚。吃飽飽當然少不了加返件甜品食～福崗芝士蛋糕～yummy~芝味無窮，被美味芝士包圍。
繼續閱讀