影片
電話號碼
92962130 (WhatsApp)
營業時間
今日營業
11:30 - 21:00
星期一至日
11:30 - 21:00
以上資料只供參考, 請與餐廳確認詳情
#pb食在荔枝角 #pb日式系列 二訪 - 荔枝角高質日式料理🍱今次介紹嘅呢間位於荔枝角工業中心內嘅日式料理我2年前佢岩岩開業嘅時候都介紹過😋 其實我一直都係佢嘅fans 以前係旺角間唔中都會食件蛋糕😍 依家搬左荔枝角億利工業中心 環境大左好多 裝修以橙、白為主 環境好舒服🥰 平日下午2點幾去冇咩人 可以慢慢坐 同朋友仔傾下計🤪.佢主打蛋糕、日式定食、意粉😋 Lunch有意粉、炒飯、定食等選擇 價錢$68-$90不等 包湯、熱茶 價錢唔太貴👍🏻 另外仲可以以$36-$38加配蛋糕 每日有4-5款蛋糕😍🔹鰻魚雜錦芝麻醬凍烏冬🍝推介❤️ 估唔到有咁多配料🤪 除左鰻魚 佢仲有帶子群邊、中華沙律、蟹子、薯仔沙律、漬物等 好足料👍🏻 烏冬夠凍 芝麻醬份量剛剛好 食落唔會好漏😋🔹日式芝士咖喱吉列豬扒飯伴糖心蛋🍛吉列豬扒唔太大塊 不過幾鬆脆 肉質仲係好嫩😋 芝士咖喱配埋糖心蛋口感好豐富 咖喱有微微辣味 幾好送飯👍🏻🔹伯爵茶戚風配糖漬蘋果🍰推介❤️ 戚風蛋糕口感好鬆軟😋 配埋伯爵茶醬 茶味好濃👍🏻 蛋糕整體唔太甜 加左糖漬蘋果 有少少甜味剛剛好😍🔹熱 - 鐵觀音🍵🔹熱 - 茉莉綠茶🍵.整體✨ 一直都好中意呢間位於荔枝角工業中心內嘅日式料理🥰 店內環境好舒服 岩哂同朋友仔敘舊😍 食物質素好高 而且價錢合理 值得一去再去👍🏻小念頭 (億利工業中心) (荔枝角) · 🤝🏻🤪荔枝角長沙灣道883號億利工業中心9樓903號舖
繼續閱讀
晏晝同朋友食完鐵板燒夜晚想搵間可以食埋甜品既係社交平台搵到呢間見蛋糕好吸引就嚟試下我地叫左個日式柚子雞扒配日本米飯、麵豉湯$122~飲品加$10揀左凍既黑糖奶蓋鐵觀音少冰，加$38咖啡酒烤芝士蛋糕雞扒份量十足，雞扒好juicy，配柚子醬汁＆柚子肉，好清新。底下成碗沙律菜，今餐營養均衡。日本米飯粒粒分明，好有咬口，細食既女士一個餐兩份，加埋蛋糕好夠飽。黑糖奶蓋鐵觀音：奶蓋唔太甜鐵觀音茶味濃，呢個配搭唔錯。咖啡酒烤芝士蛋糕：芝士蛋糕係軟心芝士，我鍾意既口感，餅皮少少脆口，食得出有酒香，好有層次。朋友再加杯熱飲同蛋糕熱玫瑰杞子桂圓$30一倒出嚟已經聞到好香玫瑰花味，飲落甜甜地，成個人暖晒好養生。鐵觀音芝士蛋糕$46第一層鐵觀音cream十分濃郁，鐵觀音jelly都唔錯，芝士口感比較實，亦都係我朋友喜歡既口感，大家都叫中自己心頭好。環境座位都十分寬敞，好啱同朋友食完吹下水，店員們亦好nice，下次會想嚟試埋其他蛋糕。
繼續閱讀
荔枝角除咗D2 place之外 其實仲有棟大廈叫億利工業中心都幾多嘢食🤭之前去過食台灣嘢今次就去咗食間價錢親民嘅日式西餐🤪聽聞佢哋嘅蛋糕幾出名仲有原個蛋糕訂😳咁史努比梗系有嗌件cake啦🤭👍🏿日式柚子雞扒 $74呢個set包茶飲 湯品同埋飯另外可以揀多飯 少飯或者系走飯~用咗珍珠米 口感正常唔會太硬 亦冇話太淋太多水👍🏿雞扒切咗做4大件史努比唔食雞皮媽媽👩🏻話雞皮好香脆好好食😂但可能因為咁所以邊邊位有少少燶 偏硬同乾🤏🏿雞扒幾厚身😳雞肉尚算嫩滑配搭柚子醬甜甜地幾開胃😆另外有啲柚子肉 甜得嚟唔酸唔苦 估唔到又唔錯喎😚仲有大量沙律菜😆但底部浸得太多柚子醬 搞到好甜😅湯系麵豉湯 入面有一小件豆腐同一片竹輪味道ok ge唔太鹹~Overall呢個set都叫抵食😆At least佢嘅質素對得住個價錢味道: 7/10性價比: 8/10👌🏿日式明太子意粉 $88呢個set同樣包茶飲同湯品份量好足 好大碟意粉😳不過呢個價錢又唔好期望太多啦~意粉嘅質感就好似平時茶記意粉咁😂比較軟淋 應該系本身意粉品質問題汁水好多 但明太子醬比較稀味道唔算太濃 反而主要系食到七味粉嘅味道🤔帶微微嘅辛辣抵讚嘅系落咗好多蟹籽 多咗啲卜卜脆口感😛令個意粉冇咁monotonous上面加咗嘅溫泉蛋 睇蛋黃嘅顏色都估到唔系日本蛋顏色偏淡唔夠蛋香Overall佢系比茶記好食😂但不及cafe質素價錢唔過百算系咁 都系嗰句 對得住個價😗味道: 6/10性價比: 7/10👍🏿咖啡酒烤芝士蛋糕 +$36(原價$46)嗌套餐可以優惠價加配蛋糕史努比頭先都講咗佢啲cake幾出名果然冇令史努比失望嘅😆外圍就似美式cheesecake 芝士味rich啲質感亦比較厚實 忌廉感重~而中間就軟身少少🤏🏿食到咖啡嘅香醇 同時帶濃郁嘅rum酒味甜度適中🥰唔會好膩未必個個都鍾意 但好似史努比咁鍾意咖啡嘅話實like🤪另外加咗奶蓋質感嘅cream令蛋糕多一種濕潤 同呢種厚實嘅cheesecake好夾😛餅底用咗牛油消化餅底 唔會好鬆散同時亦唔會太硬太實食落幾香脆 仲有啲粒粒杏仁口感😳但史努比就唔太鍾意almond la媽媽👩🏻反而就幾欣賞個餅底🤣味道: 8/10性價比: 7.5/10👍🏿茉莉綠茶 $0(跟set)茶底可以揀走甜明顯地飲到香醇茶味濃郁甘香 唔錯嘅~👍🏿鐵觀音 $0(跟set)媽媽👩🏻揀咗杯鐵觀音史努比真系好唔習慣飲茶系甜嘅😂*不設加一服務費*食完就明點解佢哋嘅蛋糕比較出名主食就真系普通啦 但對得住個價錢🤭服務唔話非常之好 但啲staff系友善嘅以唔收加一嚟講服務算幾好🤣小結系可以試下佢啲蛋糕😂網店仲有原個蛋糕賣~整體評分：味道: 7/10環境: 8/10服務: 7.5/10衛生: 7.5/10抵食: 7.5/10回頭率: 4/10
繼續閱讀
繼續po繼續record🙌🏼😳🙈日式柚子雞排幾好食😍清新唔算油膩我自己幾鍾意❤️軟殼蟹炒飯聞落好香 反而味道食落比較淡咖喱味軟殼蟹有啲太油 不過唔算好大油溢味咖啡酒芝士蛋糕都幾濃酒味覺得唔係咁啱口味🍽️ 不過口感係滑的6.9/10小念頭 (億利工業中心) (荔枝角)荔枝角長沙灣道883號億利工業中心9樓903號舖
繼續閱讀
✨伯爵茶戚風配糖漬蘋果蛋糕食落好鬆軟，配埋伯爵茶加忌廉整出嚟嘅cream淋係蛋糕上面，食落唔會好甜，加埋糖漬蘋果更加有口感😜✨榛子朱古力烏龍茶蛋糕上層嘅榛子朱古力食落唔會好乾且好香濃，蛋糕面頭仲鋪咗脆脆杏仁碎，下層嘅烏龍茶蛋糕散發出淡淡嘅茶香味，芝士食落唔會好漏，所以食嘅時候口感層次更加豐富😝✨玫瑰奶蓋青茶奶蓋飲落質地好幼滑，所以飲落唔會好漏，將濃厚嘅鹹甜奶蓋配青茶一齊飲，青茶茶味夠哂香，面頭仲會有少量玫瑰花碎做點綴，賣相好吸引😆✨黑糖奶蓋鐵觀音黑糖奶蓋整到唔會太甜，同埋都幾香滑，加埋鐵觀音嘅茶味夠哂香濃，原來呢個配撘都幾夾！食完蛋糕再飲返杯茶仲可以解膩添🤩
繼續閱讀