影片
附加資料
部份食品如蛋糕、袋裝麵包、咖啡等等有提供外賣
營業時間
今日營業
08:00 - 22:00
星期一至日
08:00 - 22:00
*預計10月開張
以上資料只供參考, 請與餐廳確認詳情
相關文章
第一次是在日本名古屋店食早餐 當時覺得咖啡同多士都好驚艷，由名古屋帶起的「早餐文化 - 點咖啡送多士」，厚多士可以揀塗上牛油 / 草莓醬，再拼烚蛋/ 蛋沙律/ 紅豆蓉今次初嘗香港黃埔分店 早餐時段10:10am進店，其實整體都唔差...歐蕾咖啡 + 蛋沙律 多士(套餐) $46咖啡上枱即香氣撲鼻，不過入口口感同味道都較輕 有D似加多左水既即沖咖啡，飲唔出個獨特性厚多士仍是高質的 鬆鬆軟軟得黎又有咬口 夠彈性 蘋果批 (由套餐追加) $30蘋果餡十分足料 調味都做到位，批皮千層酥化香脆，上枱時唔凍唔熱 微微溫的，「批」來說...是一個奇妙的溫度，同其他菜式比相對普通味噌炸豬扒方堡 $79麵包烘得鬆軟的~豬扒亦炸得透徹 表面酥香而肉質鬆化 同時又保留到肉汁，味噌醬份量剛剛好 濃咸適宜，再加上椰菜幼絲 平衝油膩感又可以強調日式風味，下單時可自選不切 / 切2件 / 切4件 細心位迷你冰與火 $49新鮮熱辣的千層麵包 切成4件 件件都外層酥脆而內裡香軟，上面放上一份牛奶軟雪糕 介乎雪葩與雪糕間的質感 口感輕形，可按個人喜好淋上楓糖漿，冰火交融 咸香甜美，必點!*裝潢走日式木系風格 簡潔明亮又乾淨*無+1服務費*全程QR code落單*保留日本原文化: 點咖啡跟多士，未在日本食過的話 在香港試試亦無妨小插曲......進店後 隨即是cashier + recept位置，當時人流大約坐左4成客人，我同frd子兩個人左望右望 等左大約1分鐘都未見有人理 於是就自己到店內搵位，決定好食咩 就按鐘仔搵店員幫手落單按完 等左3分鐘左右...發現 好似唔太對路...揮手搵店員哥哥幫忙 原來要用QR code點菜的，店員哥哥即刻印個QR code比我地 *建議早餐時間到店的大家 要比多少少耐性等等
繼續閱讀
去名古屋旅行經過咁多間都竟然冇試過唯有返黎香港補飛😙加上朋友想食 (佢食過超多次haha)除咗小倉吐司，仲有多款三文治、日式意大利粉等比較出名係佢個「冰與火」估唔到要等15分鐘位，但其實入邊有空枱嘅，只係人手唔夠唔入客QR code落單，2pm到都已經幾多售罄▶️ 照燒雞烤三文治 ($70)好大份三文治，成三件用上兩片連皮厚吐司🥪夾雜厚厚嘅雞髀肉同少少椰菜揀咗走辣雞髀肉新鮮嫩滑🐔連皮帶適量油脂烤至邊邊位少少焦脆，大件好食，每口都啖啖肉吐司微微烘過🍞唔脆但暖暖哋加上用日本生吐司，質感軟熟有彈力，麵包控like💗同嘉頓方包有分別唯一係醬汁太多，除咗照燒醬仲有大量沙律醬，味道太鹹之餘令麵包濕咗食嘅時候亦比較麻煩，不停滴汁自己一個食成份真係飽同滿足▶️ 凍咖啡 (+$20)會配送Komeda花生🥜咖啡味道濃烈☕️夠苦不過比較多冰同大粒▶️ 追加燒賣 (+$10)無端端有燒賣都幾搞笑，應該係香港特有😂味道質感唔錯嘅，唔係叮叮點心嗰隻，又唔會太粉食落少少煙靭，$10六粒可以一試▶️ 拿破崙意粉 ($80)係茄汁意粉，配少少火腿旁邊有塊牛油法包同少少椰菜沙律菜▶️ 紅酒燉牛肉 ($95)燉牛肉足料嘅，上面有大量芝士感覺似薩莉亞🤣配兩塊法包食-估唔到幾好食喎😋比預期中好呢個三文治真心唔錯，可能係佢個麵包好食，有機會試埋公司三文治黃埔呢間環境好好，舖位夠大，梳化凳坐得舒服唔限用餐時間，又有叉電位，真心可以當Cafe坐 (見有人坐獨立卡位，帶埋部電腦嚟睇戲食蛋糕勁chill🤣)服務一般啦，見佢哋唔夠人手，冇咩笑容，但做嘢ok唔收加一，平均$100/人，如果當Cafe坐就幾抵(有得散買komeda方包、花生返屋企)
繼續閱讀
這次到訪紅磡的客美多，餐廳環境依然舒適，食物的水準仍然高，但份量則中規中矩，比以往細小了一點。照燒玉子漢堡玉子漢堡既亮點係玉子，蛋係留心嘅，與麵包漢堡搭配後，提升咗層次感。漢堡肉質非常嫩及多汁，肉質唔嚡。麵包嘅外型很大，顯得餡料有啲少，但整體都好食拿破崙意粉第二次食拿破崙意粉，意粉依然出色，意粉嘅煙靭口感令人印象深刻，酸甜味都好突出，非常開胃炸雞點咗小食炸雞一份，炸雞外皮酥脆薄身，雞肉紮實鮮嫩，每一啖都感受到肉汁冰與火呢款甜品係由抹茶牛奶雪糕搭配丹麥麵包，甜中帶鹹，非常搭配。麵包鬆軟而雪糕口感絲滑，食落非常滿足。
繼續閱讀
2024.9.16係好幾年前見到一份新聞提起日本某咖啡店既三文治逆照騙，就係コメダ咖啡店，之前係日本有食過大得驚人既豬排三文治，返到黎香港睇YT先知香港都有！見到評價比較好既黃埔店，所以今日自己比錢黎試！店內係用手機落單📱📲我就點左份蛋三文治配炸雞+飲品既套餐🥪+☕後加左份咖啡啫喱雪糕既甜品🍧☕☕飲品我係+6蚊既加大咖啡歐蕾。咖啡歐蕾既咖啡味偏薄，反而奶味偏重我幾鐘意哩個香味😊😊😊（其實歐蕾係咩黎😂？latte？味道係咪咁既？）🥪🥪三文治既雞蛋饀量較多，味道有少少芥辣味，口感好棉，有蛋香。唔肯定蛋黃醬有冇落，有既話都應該落得好少。🍞🍞麵包鬆軟，生菜蕃茄同青瓜都好新鮮，食落清甜爽口，配上コメダ既特制沙律汁，味道有少少似日本酸梅粉，加上蛋黃醬調教出黎既味道咁樣，食落好開胃😃🍧🍧後加左份咖啡啫喱雪糕，牛奶味雪糕好夠凍，好香奶味，下面個層咖啡啫喱有淡淡既咖啡甘香，苦味唔重，口感軟硬適中。最下個層係切件既香蕉，長度約3～4cm，我自己覺得切細少少會比較方便食用🤔我到步個陣啱啱下午4點，人流唔多，我照網上提及過既做法，係門口拎飛先，1分鐘左右，男店員就帶我入去單人坐位，位置係有分隔，而且係木制，全店枱櫈裝潢都係木制風格，我最鐘意啦😍😍而且枱上有插頭同USB頭提供，枱面乾淨整齊，坐位闊落，張櫈好舒服，就係コメダ最有特色既紅色絨布既櫈，真係坐係度可以做功課做文件真係幾好。👎👎缺點方面，就係幾乎肉類既食物都冇曬，出名既甜品都冇曬……明明先下午5點左右，店鋪開到晚上9點，晚巿入到黎幾乎要客人食素啦？！😱另外一樣野就係，明明下午茶既三文治套餐係比炸雞但變左薯角，起碼要同客人講聲，我用手機諗住落小食個陣先見到售罄……😨唉，仲諗住落份炸蝦小食試下……😢💸💸價錢方面，我就算係日本食都係比其他咖啡店較貴少少，三文治+飲品既套餐，飲品加大後共75蚊。咖啡啫喱雪糕就45蚊，哩一餐我消費左120蚊。的確貴既，而且有啲食物賣曬都係有啲失望😟係op睇又話服務態度差，我今日冇遇到😗反而我覺得店員態度有善🌝🌝上菜收野都有同客人講聲🌝🌝結帳個陣都有講多謝，仲提我拎齊野😃👍希望食材方面要好好預購多少少，特別係肉類食材，好想食炸蝦😭😭😭下次黎希望食得成啦😟😟😟P。S：忍唔住拎埋コメダか珈琲店既食玩 同粘土人黎影相😻😻😻😻
繼續閱讀
食店食物質素和員工服務態度不過不失，但等候入座的安排極不理想。取票是分流為1-2人、3-4人和5-6人，但很多張四人桌均安排給2人票，一問之下才知是原來1-2和3-4人票雖然是分開兩組號碼排，但安排入座的次序卻是同一條隊，按取票時間入座。結果明明是四人桌卻連續多張分給2人票，二人桌當然也是給二人票。我認為食店應在取票分流改為1人、2-4人，食客才能清楚自己要等多少張，以免誤導。入座後更難以理解：在不同位置起碼有兩張四人桌和一張六人桌已清理好，但一直到我們食飽離開仍沒有安排人入座，而食店外一直有不少食客在等位。盛餐的碟上有兩隻是很多刀痕，當連同包著漢堡包的紙拿起時便發現到，雖然不影響食物質素，但不似日本餐廳的作風。
繼續閱讀