20
0
0
港鐵深水埗站 A2 出口, 步行約2分鐘
繼續閱讀
營業時間
星期一至日
11:00 - 21:00
公眾假期
24小時營業
公眾假期前夕
24小時營業
以上資料只供參考, 請與餐廳確認詳情
食家推介
本來見到有20個好評，但無話過唔好食，所以便去試吓。叫咗個生牛肉湯河，但個生牛河完全唔好食，粉湯底除咗胡椒味就係得個咸字。無肉味。食兩啖就已經口干。啲牛肉還叫可以。不過價錢就$60碗囉。
繼續閱讀
由於朋友住係附近，行過去深水埗十分近，走進呢一間富有越南風味的店，聽到店員係度講越南話，好似去到越南咁招牌生牛肉湯河粉朋友揀咗生牛肉河，牛得果2,3塊，但勝在夠大塊，湯底好濃郁，加上配料，哇超好味！雞翼湯河我揀咗呢個，但就正常發揮啦，無咩特別。如果下次食，我會揀坐招牌果個。
繼續閱讀
是晚老婆上堂無飯開，趁機落一落鴨寮街買啲零件，順便就晌附近食個飯。早兩個月幫襯過「澳葡牛奶餐室」時，記得路過汝州街仲有家越南菜館，所以，專登過嚟望望，就喺呢家「1986地道越南餐廳」。內裡裝修簡單，唔會太傳統嘅越南菜館，但勝在光猛企理，而裡面最「越南」嘅嘢就喺牆上啲畫作同相片。 晌門口有啲單張攞，跟餐牌嘅一樣，所以，都唔需要再影餐牌。睇睇，食物都喺嗰啲啦，越式小食、法包、沙律、湯河粉、撈檬粉、飯品同飲品。 招呼無話特別好，但叫做用心，甫坐低，一大杯熱水浸坐餐具，幫你消毒埋。越北綜合牛肉湯河 $65多心嘅人，自然揀款「綜合」就可以試多幾款食材，而呢款牛肉湯河，就包有札肉、牛丸同牛展，啲餸料都好多，放滿碗面，另伴有青檸角同啲辣椒碎俾你調味，小弟就喜歡成粒青檸放落湯提提鮮，並有種清香味。 札肉可以講喺越菜地道特色食材，咬落幾爽口，感覺唔會喺溝粉啲平價貨，而且，味道亦唔錯，有微微胡椒香。 牛丸睇落就好似無咩特別，但入口肉味好濃，口感都幾爽口彈牙，細嚼後仲感覺到有咗份油香，唔錯！唔錯！ 雖然話牛肉湯河，但唔喺預期嗰啲牛肉，而喺牛展，一樣啱我。啲牛展炆得好腍、好入味，但食落卻不失咬口感，仲要有好多片添。 揀河粉鍾意其滑溜感，越式嘅河粉比我哋粵式嘅幼身啲，但同樣咁滑溜，瀡一聲就滑落喉嚨，又有米香，份量仲非常十足。此外，更加唔好錯過個牛骨湯底，喺越式湯河嘅賣點，淨睇湯色，清而不濁，小試一口，果然夠晒濃郁清香，絕無欺場。 芒果沙冰 +$15散點正價就$22，但有加配優惠，大大杯嘅沙冰，芒果味又十足，味道好清甜，最緊要喺打得幼細，飲到尾都飲唔到咩碎冰，配熱焫焫嘅湯河，夠晒爽呀！ 呢餐喺快閃晚飯，一支公就梗喺快上快落，不過，仍然享受當中越式嘅地道美味。
繼續閱讀
食正宗越南河，環境滿有越式風味，聽店員對話是聽不明的語言，相信是越南話。深水埗是一個頗多元化的社區，好多國家菜式和味道可以在此找到！小店在比較入的汝州街，大家在附近可以來食一食！快價比高！人均：$69.招牌生牛肉湯河粉x2友人和我一致地選生牛肉河！除了河粉，可以選金邊粉、檬粉或者粉絲，下次可以選粉絲試一試。牛肉不是肥牛，是嫩牛肉片，還要大大塊，需要咬2-3口的size，另外正宗越南河是沒芽菜，取而代之有洋蔥絲、蔥絲、蔥花、香葉...飲品凍檸茶，茶味香！
繼續閱讀
今日經開深水埗,行到咁上下有D肚餓,邊行邊搵嘢食,又想食碗湯粉,見到越南小店就入去食入到小店,地方唔大,但係四四正正同埋乾淨就已經好夠,佢嘅下午茶都低食,但我突然想食好耐都無食過嘅越南名菜生牛肉湯河🤣再加多個春卷同埋越式蝦米紙卷,飲品就叫咗杯越式椰汁咖啡生牛肉湯河味道正宗,唔知係唔係太耐無食,覺得好正😍米紙卷食落好清新,重點係要加個越式醬汁,咬落煙煙韌韌春卷外面夠曬脆口同熱辣辣,用生菜包埋我最愛嘅芫荽,寧舍正重點我係最想飲嘅越式椰汁咖啡真係唔係講笑,椰汁沙冰底加埋越式咖啡,一D都唔甜,又夠凍啱曬我,下次會再嚟試其他嘢,因為真心夠正宗同性價比高
繼續閱讀