影片
港鐵旺角站 E2 出口, 步行約2分鐘
繼續閱讀
電話號碼
96824885
營業時間
今日營業
12:00 - 14:30
18:00 - 23:00
星期一至日
12:00 - 14:30
18:00 - 23:00
以上資料只供參考, 請與餐廳確認詳情
嗰日喺旺角搵食嘅時候，搵搵吓就見到呢間居酒屋 ，裝修係走懷舊日式居酒屋風，價錢又唔算好貴，就試吓佢小女子 $38呢款小食比較少見，係小魚乾加合桃，食落甜甜哋，幾特別😉日本蒜頭漬 $28用嚟送酒幾好，蒜味唔算濃，食落都係甜甜哋牛油炒支豆 $38枝豆多數都係用鹽，但係佢用牛油炒香左，份量都Oᴋ，食落又係另一番風味😊吉列日本多春魚 $38一共4條，Sɪᴢᴇ唔細嘅，香脆嘅外殼下係充滿魚春嘅多春魚，多春魚嗰陣獨特嘅味道夾埋吉列外殼，又幾惹味五花腩串 $28半肥瘦，燒得幾香口嘅，豬味都幾突出豬頸肉串 $28呢款帶少少辣，油脂都唔錯，爽口彈牙嘅茄子串 $18調味適中，味道都係正常發揮青椒仔串 $28坊間比較少食到嘅一款，味道都係食返原本身材嘅味道，燒得幾乾身，唔錯牛肉烏冬 $68牛肉份量算多，肉質都幾嫩滑嘅，烏冬都頗為彈牙，味道就係正常牛肉烏冬嘅味道串燒嘅調味幾有個人特色，同出面食到嘅串燒有啲唔同🤩 呢間居酒屋都好受遊客歡迎，坐係到食咁耐，都見到有3-4枱係外國人😮
繼續閱讀
行行下街突然傾盆大雨，見隔離有間日本嘢啱啱開燈開門做生意，望一望餐牌，價錢都唔貴，即刻入去避下雨，早啲食埋個晚飯先。小店啱啱開門，我哋係第一枱客，哈哈，店員話廚房未ready，叫我哋坐低睇下餐牌先，大概五至十分鐘倒先至可以上菜㗎。⭐蒜頭漬件餐牌有樣餐前小食叫蒜頭漬，好奇係咩味就叫一份試下，入口意外地無蒜頭嗰陣獨特嘅氣味，咬落爽口，酸酸地咁好特別喎。⭐吉列多春魚未係好肚餓多叫幾樣小食過下口引先，先嚟一個吉列多春魚，多春魚黏粉炸好脆口，咬到個肚度仲爆春添，正呀。⭐炸雞皮再來一個炸雞皮，十分香脆唔油膩，配個啤酒應該會好正。⭐櫻花蝦豆腐仲有個櫻花蝦豆腐，豆腐上面黏滿櫻花蝦，炸完之後配上甜醬油，蝦味香濃豆腐嫩滑，加上甜甜地嘅醬汁係幾好食喎。⭐麵豉湯朋友作為麵豉湯愛好者，嚟到就梗係要叫返碗試下啦，個湯有驚喜喎，入面有唔少雜菌，先用牛油炒香過，所以個麵豉湯有著濃濃嘅牛油菌香，好飲👍⭐海膽明太子烏冬叫咗咁多小食都要整返個主食嘅，揀咗海膽明太子烏冬，海膽十分鮮甜，烏冬彈牙，每一條都黏著明太子醬，鹹香鮮味，勁好食🤤⭐串燒拼盤最後就係串燒啦，即叫即燒製作需時，有茄子串、牛肉香蔥串、五花腩串、日本雞腿肉串同雞軟骨串🤤每樣一串share食就夠了。較有驚喜係茄子串帶牛油香，同牛肉串嗰陣蔥花香好正，五花腩串略微乾身咗少少，雞軟骨串有咬口，雞腿肉串嫩滑，基本上都好好食呀。小店陸陸續續有食客進來，都幾熱鬧喎，喺旺角想食日本嘢又多個好選擇👍
繼續閱讀
同朋友相約喺旺角行街，喺旺角女人街搵到呢間日式居酒屋，經過已經見到舖頭門面充滿日式風情，餐廳內環境都雅致舒適，職員親切有禮，最吸引嘅係食物嘅價錢都相當之親民～滑蛋炸雞飯💰HK$68炸雞外皮酥脆金黃，內裡肉質多汁鮮嫩！滑蛋香甜軟滑，另外仲有少少爽脆嘅洋蔥，米飯粒粒分明，夾埋一齊食有一種香醇細膩嘅風味～自家手打烏冬配豬軟骨💰HK$68烏冬口感比平時嘅烏冬更加煙韌彈牙，豬軟骨非常之入味，軟骨嘅部份咬勁適中，味道有驚喜～吞拿魚玉子(2件)💰超值加配+HK$15吞拿魚碎碎加上甜甜玉子，味道都幾夾～炸廣島蠔(2件)💰超值加配+HK$15炸廣島蠔外酥內嫩，既保持咗廣島蠔嘅鮮味，又增添咗香脆可口嘅口感～炸餃子(2件)💰超值加配+HK$15炸餃子皮脆餡嫩～蒲燒鰻魚(1串)💰HK$38鰻魚肉質細緻嫩滑，配上甜甜哋嘅燒汁，味道一流～秋葵釀蝦膠(1串)💰HK$32第一次食呢個配搭，味道有驚喜～北海道帆立貝(1串)💰HK$38帆立貝鮮嫩彈牙～鹽燒牛脷芯(1串)💰HK$48牛味濃郁，肉質厚實彈牙～宮崎黑豚肉腸(1串)💰HK$32味道香甜多汁，感覺有啲似台灣腸～阿波尾雞軟骨(1串)💰HK$28咬勁十足～巨峰提子檸檬綠茶💰HK$58充滿巨峰提子嘅香甜味～金桔檸檬綠茶💰HK$58味道清新解渴～
繼續閱讀
🌜裝修方面走日系風格，木系嘅裝修，配合長長嘅吧台設計，配置大量清酒🍶，好似係咗日本壽司店咁，仲可以見到師傅忙碌地燒烤！餐牌選擇都好多，從日式串燒、日式飯麵、炸物都齊全，所以每樣點咗少少試味：🔥串燒 必點！串燒款色都有好多，從肉類到海鮮、蔬菜都有，串燒全部都幾出色，每個種類都點嚟試吓：💛燒豆腐串 $18 💚脆肉瓜 $16蔬菜豆腐都保持新鮮度，唔會燒得太乾身！🤎蒲燒鰻魚$38入面嘅肉質超級肥美，外皮經過香烤，味道唔算太腥，仲有鰻魚汁令到個串燒更加惹味！🐔阿波尾雞胸骨 $32雞胸骨同平時雞軟骨略不同，真係有成條雞骨喺入面，屬於日式嘅做法，好有口感！🐽宮崎黑豚肉腸 $32腸仔出面微微香脆，好香口惹味！🩷 有我至愛厚燒牛脷芯 $48牛舌使用黑椒同埋鹽調味，肉質都算嫩滑，唔會燒得太乾身，味道唔錯！😋多款香口日式小食：日式炸雞/ 芝麻雞翼⋯⋯其中我最鍾意 🧀一口芝士香濃嘅芝士香氣，咬入去外皮炸得鬆脆，鹹鹹香香令我覺得好食！主食🐷🍳🍚滑蛋吉烈豬扒飯 $78配料豐富嘅滑蛋豬扒飯，滑蛋已經同洋蔥菇類互相混合，面頭仲有有香蔥，增加日式風味，豬扒肉質勁腍身，可能經過前期處理，外皮冇黐住蛋汁嘅位置保持香脆，飯沿用日本珍珠米，飯量勁多，一個人都食唔晒！仲有充滿日系特色的🐽迷你豬軟骨飯同🥢迷你九州蕎麥麵，豬軟骨好大粒，鹹香滿分，入面仲有充滿口感的軟骨，食完主食大滿足！🍹荔枝檸樣綠茶 / 🍵菠蘿檸檬綠茶食日本炸物同串燒一定要飲杯嘢，香甜嘅水果綠茶可以解一下油膩感，都唔錯！✨ CP值好高，位於旺角交通方便，想食日本嘢都可以一試！@kisaragi_izakaya🌛如月居酒屋 (旺角)📍旺角通菜街59-61號德發大廈地下2號舖-
繼續閱讀
旺角女人街一頭都好多野食，見到呢間如月居酒屋新餐廳，都幾光猛新淨，乾淨企理，同女人街其他食店都幾唔同，就入去試試。鋪頭地方唔大，但坐落空間感都OK. 牆身擺滿日式標語同酒樽🍻本Menu設計得好有風格，有Feel😆九州蕎麥麵（配醬油豬軟骨）（$68）醬油幾清幾香甜。豬軟骨夠淋，食到昆布味，清清地入口幾舒服。而蕎麥麵係有啲嚼勁，份量又夠多，係十分飽肚的選擇。照燒牛肉配溫泉蛋（$88）醬汁連埋隻蛋好濃郁，啖啖珍珠米都係索晒蛋液同牛肉的香味😋簡單而幸福～鐘意佢啲香菇洋蔥配料，令個飯再香啲牛肉份量都唔少，味道都濃郁串燒拼盤（$188）🌟雞軟骨：鹽花調味，好有咬口🌟白鱔：可能凍左食冇咁香脆，但魚身都彈牙嘅🌟牛柳粒：都有牛味，份量可以更多🌟雞肉腸：幾好味👍🏻脆皮腸好香脆多汁🌟磨菇：幾香牛油味，好食柑桔檸檬綠茶（$58／杯）有啲似似林X檸的手打檸檬感覺，甜甜酸酸的，岩晒好甜之友😀
繼續閱讀
您可能會有興趣的...