影片
港鐵旺角站 E2 出口, 步行約4分鐘
繼續閱讀
電話號碼
66618096 (或WhatsApp查詢)
開飯介紹
提供多種特色火鍋湯底，包括潮汕牛骨湯、重慶紅麻辣等，亦設有鴛鴦鍋。另有拼盤套餐，如牛肉拼盤、豚肉拼盤、海鮮拼盤等。
繼續閱讀
附加資料
訂枱五位以上必須 WhatsApp與我們聯絡
訂房間 及查詢優惠必須 whatsapp聯絡我們
營業時間
今日營業
17:00 - 03:00
星期一至日
17:00 - 03:00
公眾假期
17:00 - 03:00
公眾假期前夕
17:00 - 03:00
以上資料只供參考, 請與餐廳確認詳情
有關獎賞計劃
最近天氣凍咗，好適合打邊爐，今次同朋友嚟到位於旺角嘅天下糧倉牛肉火鍋專門店，位置喺鬧市方便就腳。可以任食到澳洲和牛放題，包括湯底、8款牛肉、另外自助區提供多款火鍋配料、飲品、雪糕等，性價比高。究極和牛放題店員先上一大盤牛肉拼盤，牛肉種類繁多，拼盤有澳洲M7和牛、Prime牛板腱、安格斯牛肩胛、一級肥牛、封門柳、澳洲和牛金錢展、牛脷片、鮮牛肉等，另外仲有豬梅片同埋涮羊肉提供。個人鐘意澳洲和牛，雪花分佈均勻，牛肉味濃；Prime牛板腱，嫩中帶爽，彈性十足，肉味濃郁。湯底火鍋湯底用上龍鼎鍋盛載，好有氣勢，而湯底選擇超過10款，我哋選擇咗鴛鴦湯底，芫荽皮蛋鍋拼豬骨栗米湯，芫荽皮蛋鍋，湯底用料十足，好多芫荽，味道清新，好啱芫荽控；豬骨栗米湯，健康養生，粟米好甜，味道清潤鮮美。火鍋配料自助區自助火鍋配料肉類有五花腩、豬頸肉、牛百葉、雞中翼中、午餐肉、大腸頭、鵝腸、紅腸等；丸類有牛丸、香菇貢丸、墨魚丸、海膽丸等；餃子類有粟米豬肉、白菜豬肉、韭菜豬肉等；蔬菜類有油麥菜、唐生菜、娃娃菜、金菇、蕃茄、白蘿蔔、冬瓜、蓮藕、萵筍等。粉麵類有前一丁、辛辣麵、福麵、銀針粉、烏冬等；另外海鮮類有青口、水魷。個人鍾意鵝腸，肥美新鮮，口感爽脆彈牙。飲品自助區飲品種類好多，有可口可樂、鴻福堂支裝涼茶飲品、韓國樂天忌廉溝鮮奶、鮮蘆汁薈等，另外最特別嘅係有龜苓膏提供，啱晒打完邊爐之後清熱解毒。個人鐘意忌廉溝鮮奶，口感香甜順滑。雪糕自助區有本地品牌嘅雪糕提供，口味亦都多元化，有雲呢拿、伯爵茶、綠茶、海鹽、薄荷、香芋、芒果同埋蜜瓜，另外仲有豆腐同埋咖啡雪葩。
繼續閱讀
食咗個超高CP和牛放題，想唔介紹都唔得，$217起 🥩🥩🥩 究極和牛放題2小時, 好容易可以食返回本 😂😂😂 店位於旺角百寶利商業中心5樓，入到餐廳店員安排坐低之後，就可以開始揀湯底🥘🥘🥘 有9款湯底供選擇 （其中4款可以原價），仲可以 +$16 升級鴛鴦鍋 👍👍👍 我哋揀咗 🌽🌽🌽 豬骨粟米湯 （原價） + 喇沙湯 （+$28） ….上湯鍋時會跟埋一個牛肉寶盒 🥩🥩🍱 有8款牛可以即時焯嚟食… 分別有🐃🐃🐃 澳洲M7和牛、封門柳、薄切牛舌、一級肥牛….. （詳情睇圖） ⭐️呢幾款比較好味～ 如果唔夠喉可以填紙仔追加 📝📝📝另外其他火鍋放題係自助式任攞，分別有：飲品、丸類、蔬菜、⭐️手包餃子 、肉類、少量海鮮、Da Dino雪糕、麵食 （有銀針粉&福麵）….. 我哋食咗90分鐘已經飽飽啦，跟住食雪糕～ 😊😊😊⭐️⭐️⭐️ 11:30pm後入場可以加時任食至3am 💪🏻💪🏻💪🏻⭐️⭐️⭐️ +$268 可以食螺片鮑魚雞煲 （一鍋價），下次再去試下先～
繼續閱讀
今日約咗朋友去旺角行藥房行完就想食嘢 諗起好耐冇打邊爐搵咗呢間專食和牛嘅雞煲同火鍋比佢一盤滿滿唔同種類嘅牛肉而吸引 見佢二百幾蚊一個人 任飲任食揀咗雞煲仲可以無限加雞添～環境比較特別 牆上大大隻字寫住「天下糧倉」 加埋簡約裝飾用繩懸掛傳統物品 都有幾分懷舊氣息營造到以前鄰家輕鬆用餐嘅氛圍- - - - - - - - - - - - - - - - - - - - - - - - -1. 雞煲＋究極和牛放題先嚟雞煲 見到湯底色澤幾深啲雞都好入味 肉質唔老同埋啲雞都幾大件 兩人夠食食到咁上下就可叫店員加湯跟住就到個盤牛肉上枱共有八款牛肉 排得整齊又靚包括一級肥牛、封門柳、鮮牛肉 澳洲M7和牛、澳洲和牛金錢展牛板腱、安格斯牛肩胛、牛脷片個人嚟講 特別鍾意以下幾款澳洲M7和牛肉質柔嫩、入口即化澳洲和牛金錢展味濃、好有咬口牛板腱同和牛金錢展口感好似只係和牛金錢展再多啲牛味牛脷片口感柔軟 咬落都好順滑另外仲有豬肉、羊肉可叫唔夠可以出去自助區域拎嘢食大概都有三十幾款火鍋配料飲料、雪糕選擇都唔少嘅最後一提 湯底就算有加過湯都係會保持到濃郁濃稠味道適合重口味人士/牛肉愛好者
繼續閱讀
[✨旺角天下糧倉牛肉火鍋專門店 ]#旺角 #天下糧倉牛肉火鍋專門店🐮和牛火鍋放題 $246( 21:30前入座 ) / $217 ( 21:30後入座 )🔸湯底呢度有成十幾款湯底選擇，點都有款岩你地，我地就試左沙嗲湯底，味道十分之香濃，口感濃稠岩哂打邊爐！🔸肉類主打 M7和牛，質素唔錯，肉質好鮮嫩，牛味濃郁超好食！最估唔到係呢個價錢連封門柳，金錢展呢啲部位都有提供，真係好有驚喜！其他肉類好似羊肉，豬肉等都有供應，水準都唔錯。🔸自助區除左飲品雪糕外，亦提供唔少日常火鍋配料，丸類、蔬菜、餃子 等等一應俱全，好豐富！————————♡♡♡♡♡♡————————✨總結天氣開始轉涼，又係打邊爐嘅時候。250左右就提供到咁嘅質素嘅和牛火鍋放題，係香港應該真係無咩地方搵到，CP值好高，值得一試！📍天下糧倉牛肉火鍋專門店🏠 旺角西洋菜南街1A-1K號百寶利商業中心5樓501-506號舖 #jmhkfoodie #hkfoodie #hkeat #hkeats #hkfood #hkig #hkgirl #food #hkfooddaily #hkfoodblogger #hongkongfood #hongkongfoodie #852food #香港美食 #香港食評 #香港餐廳 #為食港女 #旺角 #旺角美食 #旺角好去處 #旺角食乜好 #旺角餐廳 #火鍋 #放題 #邊爐
繼續閱讀
同前輩放工出去旺角食火鍋，之前去百寶利商業中心拎代購嘅時候，發掘咗一間正嘢！天下糧倉牛肉火鍋 性價比極高，前輩同我一樣好鍾意食牛肉，一於食暢飲。這次究極和牛放題，優質肥牛用餐體驗讓我難忘。餐廳的環境十分舒適，明亮的燈光與簡約的裝潢設計，讓人感到放鬆。服務人員熱情友好，用餐體驗愉快。究極和牛放題 / $217起好抵嘅價錢已經可以兩小時、任飲任食，任食以下肉類：澳洲M7和牛Prime牛板腱安格斯牛肩胛一級肥牛封門柳澳洲和牛金錢展牛脷片鮮牛肉豬梅片涮羊肉優質肥牛，豬梅片肉質鮮嫩，涮羊肉口感滑順，我們都喜愛。鴛鴦鍋底芫茜皮蛋鍋 +秘製沙嗲鍋，配搭牛肉一流。我有幸品嚐到了來自澳洲的M7和牛，優質澳洲牛肉新鮮，牛肉都經過嚴格挑選，色澤紅潤，脂肪分布均勻，讓我驚艷不已。這裡的牛肉選擇多樣，包括Prime牛板腱、安格斯牛肩胛、一級肥牛、封門柳、澳洲和牛金錢展以及牛脷片，讓我迫不及待，逐一放入口。其他也值得回味，Prime牛板腱，肉質細膩，油花分布均勻。放入火鍋中滾幾秒，肉質鮮嫩，口感滑順，讓人回味無窮。安格斯牛肩胛，肉質結實，嚼勁十足。搭配店內獨特的醬料，讓肉的鮮香味道更為突出，簡直是肉食愛好者的夢想。其他每一款牛都展現了牛肉的究極風味。牛肉愛好者，這裡絕對值得一試！除了和牛，餐廳提供多種新鮮蔬菜和其他火鍋配料，可以隨意搭配，滿足不同口味的需求。一邊嘆牛肉火鍋，一邊暢飲涼茶，最後仲可以嘆杯雪糕做甜品添！火鍋愛好者，千萬不要錯過這個美味的地方！
繼續閱讀