305
27
10
| 餐廳: | PHI Coffee & Pancake (屯門市廣場1期) |
|---|---|
| 優惠: |
於此國泰夥伴餐廳用餐賺里 ! 國泰會員於夥伴餐廳消費可賺高達HKD4 = 2里數。受有關條款約束。 |
|
條款及細則:
|
|
|
|
影片
營業時間
今日營業
11:30 - 21:00
星期一至日
11:30 - 21:00
公眾假期
11:30 - 21:00
公眾假期前夕
11:30 - 21:00
以上資料只供參考, 請與餐廳確認詳情
優惠
| 餐廳: | PHI Coffee & Pancake (屯門市廣場1期) |
|---|---|
| 優惠: | 國泰會員於夥伴餐廳消費可賺高達HKD4 = 2里數。受有關條款約束。 |
|
條款及細則:
|
|
|
|
見到Kurumi餐牌，所以行咗入嚟，不過結果點嘅食物係另外一樣嘢😂價錢算係偏貴，不過同一樣食物真係食得出佢嘅用心製作，好似周圍都有的肉醬意粉，食得出肉醬是有炒過，調味剛剛好，意粉軟硬度也剛剛好，十分欣賞，另外甜品疏乎厘，製作也很快速，細微的細節也很好，裝飾的朱古力，味道像Godiva 的黑朱古力味
繼續閱讀
Tldr:如果1. 你可以排個半鐘頭隊再等餐廳一個鐘備餐；2. 想受氣；3. 間餐廳冇人去食咁你可以挑戰下嘅，祝好運！———不專業食評：Babyccino (玫瑰) (製作時間：25分鐘）個foam有淡淡地嘅玫瑰味下面係鮮奶Melon Soufflé （製作時間：多於一小時）舊蜜瓜唔知係咪刀工問題，食到尾有一啖有啲鞋口梳乎厘連暖都唔太稱得上，唔算綿密，估唔到等咁耐係咁😅———因為呢間係富臨旗下鋪頭，所以開咁耐我都冇乜點食過，估唔到要為佢奉獻第一篇食評😅最近呢間鋪頭做緊中秋優惠，見星期日12點幾，應該唔會好多人掛，就過咗嚟，點知條隊都就嚟去到電梯口最後我都由12點3排到14點先成功入座，呢個都係我個人選擇，冇得怪人期間鋪頭入面都有吉位，我就有啲好奇點解冇放人入去，唔通真係飢餓營銷？😂員工解釋返因為單比較多，要人流管制。咁都合理嘅，就算入到去，廚房太多單，啲客等太耐，盞拆爛自己招牌。成功入座之後，我嗌咗Babyccino同Melon Soufflé等咗25分鐘，見隔離枱（本身排隊排我前面同後面嘅客人）都已經有嘢飲，甚至食緊主食，我忍唔住問一問侍應梳乎厘製作需時我可以理解，但連野飲都耐過野食我就有啲好奇喇問完侍應就解釋返，我杯野飲係差個泡升起轉個頭杯野飲就到，未有得食起碼都有得飲下野先呀(食評見上）過多幾分鐘，見侍應出緊幾個Melon Soufflé，但係係送去排我後面嗰兩枱客人😯，令到我又再忍唔住問下侍應，話哂我都落咗單半個鐘，咁侍應就話因為廚房太多單，可能亂咗，已經反映咗俾廚房聽，咁唯有再等下啦之後廚房都有繼續出Melon Soufflé，但都唔係送嚟我度過咗落單時間50分鐘，我再忍唔住搵另一個侍應問，呢個侍應感覺上係經理？或者高級侍應？係一個女侍應，有染啡頭髮同紥髻咁我就再問一問點解過咗50分鐘都未有啦，個高級侍應竟然係胡我話我遲落單😅因為講緊啱啱同我一齊排隊嘅人已經食哂主食梳乎厘埋單走人架啦，係後過我落單嘅人都收到佢哋嘅Melon Soufflé😅😅😅然後阿高級侍應繼續胡我，話廚房多單，確認我張單係喺度，已經整緊最後等咗一個鐘頭3分鐘先收到碟梳乎厘，計埋排隊時間係2個半鐘😅，不過我嗰陣都唔肚餓，因為被間餐廳同個高級侍應激到一肚氣😅(食評見上）我一路食一路諗，餐廳門口仲話入座時間限90分鐘，換言之，如果跟足規矩，我係得半個鐘食嘢咋😅正當我食到最尾一啖喺口仲𡁻緊嗰陣，高級侍應已經用比備餐速度快一千倍嘅速度收走我個盤，如果備餐都有咁快你哋話幾好呢😅去到埋單我竟然仲要被人收加一，個加一究竟係做咩，獎勵個高級侍應搞到個客一肚氣，令個客唔使餓住等？😅我都唔係話做餐廳一定要令個客賓至如歸，其實如果間餐廳提供到基本野，即係正常速度送到野食，我都好少理呢啲服務態度但而家99%係間餐廳漏單，個客人等咁耐，個侍應仲要咁嘅態度，我真係冇再多嘅耐性包容到野食本體都係普普通通，計埋時間成本就直頭垃圾，三個鐘omakase都食完啦加上高級侍應個態度完全係：係呀，多單係有甩架啦我唯有祝呢間鋪生意淡薄，可能之後啲客人先會有合理啲嘅用餐體驗😅如果你係藍友，橫掂呢間野都喺屯門，不如搭多陣車去深圳飲喜茶食探魚咪仲好，價錢低服務好💙如果你係黃人，落兩層去食beans仲好啦💛
繼續閱讀
今日又去PHI食疏乎厘，見到Menu上嘅蜜瓜疏乎厘好靚，好似好好味，所以叫嚟試吓，加埋杯蜜瓜沙冰，感覺好fresh！✨蜜瓜疏乎厘見到呢個蜜瓜疏乎厘，忍唔住即刻打卡，個look好得！疏乎厘上面有一嚿蜜瓜嘅cream，有淡淡的蜜瓜味，好creamy，夾埋疏乎厘食，又有蛋香味，又有蜜瓜味，雙重享受！唔可以唔讚賞吓佢哋嘅疏乎厘，軟綿綿充滿空氣感，又好有蛋味，真係好好味😋✨蜜瓜沙冰見到呢杯蜜瓜沙冰，即刻心心眼，唔係好捨得飲！飲落去有小小嘅椰子味，又飲到蜜瓜嘅味道，兩種味道都好夾！d沙冰透心涼，夏天岩曬👍
繼續閱讀
態度一般，上菜亂上嗌左個粉紅貓耳朵粉英式早餐加梳乎厘一開始黎左英式早餐，食哂其他野都未上叫職員跟，原來碟粉放開左一邊無上度碟粉已經乾乾地後尾叫上梳乎厘隔離枱上左，我個碟都未上明明我叫起先 ，亂9咁上菜
繼續閱讀
無論係 menu、食物、環境 都好夢幻同埋少女心🥰職員又有禮、又友善✡️手撕牛肉 意大利飯手撕牛肉肉質軟腍，唔會鞋口，個醬汁唔錯，但係冇乜牛味。意大利飯口感軟熟，啱 唔鍾意硬硬地嘅意大利飯嘅人。內裏有紅蘿白、洋蔥、蕃茄粒、蒜頭碎。味道酸酸地，番茄味幾開胃，幾啱今日冇乜胃口。兩粒番茄仔 十分 fresh and juicy，同埋十分甜。✡️綠茶鮮奶拉花唔錯、幾靚。有綠茶味💚下次再試下啲甜品，尤其係 souffle
繼續閱讀