302
140
41
| 餐廳: | 屋子咖啡 |
|---|---|
| 優惠: |
於此國泰夥伴餐廳用餐賺里 ! 國泰會員於夥伴餐廳消費可賺高達HKD4 = 2里數。受有關條款約束。 |
|
條款及細則:
|
|
|
|
影片
開飯介紹
以木為主題的裝潢，白色牆身掛上懷舊日式海報，一角還有寄賣的香港及台灣設計師手作作品。餐廳提供的菜式混合台式及日式風格，賣相精緻。
繼續閱讀
獎項殊榮
最優秀沙田開飯熱店 (2014-15)
特色
飲o野傾計
營業時間
今日營業
11:30 - 22:30
星期一至五
12:00 - 21:30
星期六至日
11:30 - 22:30
公眾假期
11:30 - 22:30
*最後落單時間: 21:00
以上資料只供參考, 請與餐廳確認詳情
優惠
| 餐廳: | 屋子咖啡 |
|---|---|
| 優惠: | 國泰會員於夥伴餐廳消費可賺高達HKD4 = 2里數。受有關條款約束。 |
|
條款及細則:
|
|
|
|
相關文章
那天，有半日的假。於是，中午一下班，就來大圍搜尋一下美食。然而，這一次算是專程來大圍，因為有一間日式咖啡店，on my list on 左好耐，一直都沒有機會來拜訪。本來，近近地屋企在烏溪沙站有分店，但當我有時間去試時，該店已經結業了。如今，只剩大圍一家店。而這日式咖啡店的名字，就是《屋子咖啡》。說是咖啡店，但今時今日的《屋子》令我覺得這兒更似一間 Shokudō (食堂)。這《屋子》，主打咖啡之餘，也有提供美味的日式午市定食啊。午市的定食，是可以任配搭的。主食，我就選了醬油蛋漢堡，而小食就是一份大阪章魚燒。配在普通的白飯同一杯咖啡。大阪章魚燒，即是三件章魚小丸子。熱乎乎的三粒丸，非常之香口。薄薄的一層脆脆口外層，配合香軟的內心，內心中，亦夾雜著粒粒煙韌的章魚小粒。而味道感受卻是濃濃香香的，很容易令人感滿意。醬油蛋漢堡。漢堡扒的質地好細滑，加了生雞蛋在上面之後，看起來更多添了一種滑滑的感覺。而這一片厚厚的漢堡扒，加了雞蛋同醬油後，賣相又的確幾似蒸肉餅啊。再加上這食用這漢堡，是採用亞洲式既食法，亦即是用筷子食同伴白飯食，直頭連食用既感覺都似足食蒸肉餅飯。之不過，這是一個比豬肉餅更勝幾籌的日式牛肉，配上味道鮮甜的日式醬油同味道濃郁的生蛋黃，再以此伴飯，不得不說，是一個小確幸。咖啡，是日式的咖啡。味道帶點酸，入口，可以說是又濃又香滑。該日，我可以說是遇到了一杯好咖啡，其濃濃的咖啡香味，直接進入鼻孔，入口又令口中散發芳香。一口咖啡就能令鼻子同味蕾都得到感動，不得不說好。環境舒適悠閒，食物精美亦好味道。的確，是要用這種閒閒的平日來，才會感受到這《屋子咖啡》的悠閒感覺。雖只是中午的一小時坐在這裡，但我已經感覺到一份無比的平靜。
繼續閱讀
上個月同朋友去食生日飯，無諗過成餐飯嘅體驗會咁差🥲當晚我哋walk in去食dinner，入座嘅時候餐廳只係半滿狀態。我哋各自叫咗一個set，另外再要咗一份甜品，同咗位後生嘅員工講蛋糕想食完正餐之後先上。我哋食完飯再傾咗陣計就同返啱啱位後生嘅員工講可以上蛋糕了，當時時間由入座起計大概過咗1個鐘。過咗15分鐘左右，蛋糕依然未上。有位auntie年紀嘅員工突然走過嚟，直接收走枱面啲餐具，語氣唔友善咁講：「你哋係咪食完？我哋有限用餐時間。」當下覺得好愕然，同佢講返唔知道有限用餐時間呢件事。佢就淨係一副無歉意淨想趕人走嘅態度話：「哦，咁可能一開始唔記得講，我哋到係食90分鐘㗎啫！夠鐘就要走。」同佢講我哋仲有蛋糕未食，佢就get錯意思係我哋自己外帶咗個蛋糕，即刻話要收我哋切餅費。嗰陣已經少嬲咁同佢講係叫咗呢到嘅蛋糕但一直未上啊🙃過咗陣佢就拎咗件蛋糕嚟，上枱嗰下講咗句：「你哋仲淨返5分鐘。」跟住就企係隔離一邊同吧枱嘅員工傾計一邊望住我哋食🤷🏻♀️當下嬲到連相都唔想影，想鬧人但因為係朋友生日飯唔想搞到場面咁難睇就諗住快快手食完就走。位auntie員工到最尾都「好盡責」，係我哋食完蛋糕放低叉嗰陣就即刻過嚟chur賣單請我哋離開🤷🏻♀️係寫review嘅時候先發現原來之前已經有好多人有差唔多嘅體驗，劣評都係因為員工態度問題，尤其係位auntie員工已經劣跡斑斑😊只可以講，就算食物質素唔錯，但服務態度咁惡劣一定唔會再有回頭客，強烈唔建議大家去幫襯！
繼續閱讀
屋子咖啡呢個名聽左好多年，但都係依家先知原來佢有dinner set而且計落都係$100左右，性價比都幾高 前菜我哋揀咗玉子燒同鰻魚串兩個份量都好多，玉子燒有四舊，啲蛋唔會整得太老，亦都有好多木魚花喺上面🤤鰻魚亦好肥美，燒汁份量啱啱好，唔會太甜👍🏻 主菜我哋都揀咗蕃茄奶油燉雞個汁略嫌太油，不過蕃茄味都幾濃雞肉略嫌冇乜味，主要都係靠個汁帶起味道 主食都有得揀唔同款👏🏻山藥泥拌飯有好大pat山藥泥喺面唔想加錢都可以要飯素拌飯 餐飲要咗西柚冰茶，估唔到冰茶入面真係有西柚粒😚而且亦都唔會太甜夏天熱辣辣嗰陣飲真係好解暑☺️ Dinner set- 前菜：木魚花玉子燒/ 烤鰻魚串- 主菜: 蕃茄奶油燉雞 （$89）- 主食：山藥泥拌飯（+$8）/ 飯素拌飯- 飲品：西柚冰茶（+$8） 味道：🤤🤤🤤🤤/5性價比：🤤🤤🤤🤤/5
繼續閱讀
嘗試了醬烤起司蘑菇漢堡、醬油蛋拌飯、木魚花玉子燒，還有桂花烏龍奶蓋茶，整體感覺相當不錯。漢堡的芝士味道很濃，帶有一點甜，和米飯搭配起來特別好。而醬油蛋拌飯的味道也挺合口味的，讓人吃得開心。玉子燒也很好，木魚花的香味增添了不少風味。至於桂花烏龍奶蓋茶，茶香不錯，奶蓋的咸味與芝士的味道也很搭。總體來說，這頓晚餐還算滿意，值得一試！
繼續閱讀
今日同朋友去到大圍一間聽過好多次但冇去過嘅日本cafe，唔知係咪因為星期六所以冇set，淨係得散叫。我同朋友叫咗醬烤起司蘑菇漢堡同鮭魚竜田揚。鮭魚煎得幾香脆，份量算少。漢堡加咗醬汁，但係醬汁冇搶走佢嘅肉味。胃口大嘅人一個主食應該就唔係好夠食。係大圍站行過去5分鐘度，都幾方便。
繼續閱讀