YUMMY MUMMY

營業中

休息中

其實呢間YUMMY MUMMY開咗好多年架啦，我細細個已經見到佢係度！老闆同老闆娘依家睇落年紀都有返咁上下了！我諗佢地鋪頭最多人買就係雪糕，但自從隔離開咗「手作之店」之後，就好多客人都「過當」去果度！次次行過見到手作排晒長龍，但YUMMY MUMMY就人丁單薄，真係有ｄ心ｕｐ雖然依家ｄ甜品﹑雪糕店開到成行成市，但真係好食既就只係廖廖可數，而且就算好食，價錢都好貴，平均都要＄２ｘ一個甜品，講真真係食到一餐架啦！有ｄ鋪頭華而不實，有人氣有名氣但食過就知係咩一回事。相反呢間YUMMY MUMMY可以捱到依家，一定有佢既理由！先講佢既服務態度，我係晚上十一點幾先去幫襯既，當時我一行埋去，老闊就已經比條木條我試下雪糕味，上面有荔枝同雲尼拿荔枝味好清新同埋好重既荔枝味，夏天食一流！而雲尼拿味冇乜特別，但都幾滑試完之後，老闊又問我想試咩味，好似想比我試晒所有味咁其實我黎之前已經有心水，見到老闊咁ｎｉｃｅ，真係想幫襯佢買多幾個球！但因為個晚餐仲未落格，所以都係細細地＄１０／３個細球算了。其實＄１２／５個細球真係好好好好抵！　但真係驚食唔晒晒咗３個細球好快就到手非常有動感既雪糕球綠茶：綠菜味濃雪糕球幾實

去男朋友屋企,加上天氣熱黎買雪糕食一眼見到對面的手作之店好多人,但YUMMY YUMMY就無乜人,但老闆同妹妹好努力叫客人黎試食其實之前已經幫親過~好鐘意食佢地D雪糕除左10蚊3BALLS, E+仲12蚊5BALLS.....同男朋友一齊,揀12蚊5BALLS...分別有,green tea, cream choco cookies,芝麻,豆腐,蕃薯GREEN TEA: 好濃,好好味CREAM CHOCO COOKIES:好好好味同手作之店其實無分別其他都好香好濃一定會繼續支持YUMMY YUMMY ,因為覺得佢地好老實見我手上食完魚蛋的PAPER杯,主動話幫我掉!咁的服務點搵呀!!

又來YUMMY YUMMY, 此店的服務及抵食我必給5分滿分~老板和老板娘的親切我真係無法在別處找到一樣的~~繼續推介綠茶味, 豆腐味, 曲奇味, 冧酒提子味, 香芋味, 荔枝味, 芒果椰果味 ......................仲有新出的蘋果雪芭和榴槤 <-- 新出品售價不同~總之, 花多眼亂, 全部都係＄10／3 scoops, 仲要儲夠5個印仔起再送你一scoop~夫復何求?!

如果"抵食"以10分為滿分, 我一定畀足10分, $10 / 3球的雪糕, 怕且香港只此一家, 「埋黎試雪糕」並不是信口開河, 才買他$10雪糕, 老闆娘差不多畀我試勻所有味, 我懷疑此小小店子何以有錢賺???最後, 我買了 芝麻 + 綠荼 + 芒果橙芝麻 - 信心保證, 夠晒香, 正 !!綠茶 - 淡淡的茶味比芝麻淡些, 但也不俗的哩~芒果橙 - 有surprise的一個, 清新香甜, 仲有粒粒果肉, 好喜歡 !!yummy yummy !! 誠意向大家推薦

(補回7月食評)次次行街經過呢度都會聽到老板娘(應該是)係度叫"埋黎試雪糕"(仲要拉長個"糕"字),成日都覺得好搞笑,但係就引唔起我食既興趣..今日2人行過見未食正餐諗住係呢層買d野頂下先,所以就要了$10/3球的雪糕,試了幾隻味(老皮娘都很樂意"畢"俾你試,只要你開聲就ok)後決定要:choco chips,綠茶同mint choco.這種choco chips雪糕係我食過咁多隻朱古力味雪糕裡面最鐘意的!(其實也很喜歡haagen dazs的belgian chocolate,可惜價錢....)唔使多講,一個字:正! 另外綠茶也有很香奶味之餘亦帶有少許接受到的茶的苦澀,一樣正!最後的mint choco不過不失~下次可以試其他味來取代mint choco~

睇到食評話好食,一於試下$10三球, 好抵呢~差不多試晒所有味先買,佢又肯喎,咪試羅最終買左 朱古力,忌廉曲奇,紅豆朱古力,忌廉曲奇都好香濃好味道!!紅豆同我試既味唔同,麻麻地,唔怪得冇人買, 早知買番薯味or 香芋,下次會再幫襯

平時同朋友行葵涌廣場, 一定會吃YUMMY MUMMY的雪糕~實在是平靚正 老闆很nice的~$9 一大球, 大得像網球, 又平又好食~ 還有$6 一中球, $10三小球在眾多口味中:咖啡, 荔枝, 紅豆, 呂宋芒, 芒果, 石榴, 椰子, 呍呢嗱, 綠茶, 冧酒提子, 青檸, etc.我會推介椰子和咖啡~不過其他的其實也很好吃 *v*老闆跟我說, 其實他對面的那間雪糕店"xx手作"的貨源都是維記, 但卻比yummy mummy賣貴了~支持yummy mummy!!!!

除左兩個好好人的嬸嬸同叔叔之外重有一個妹妹仔看檔架!我估佢地係家庭經營不過都係叔叔同嬸嬸d服務好好多嘩! 佢d雪糕有拳頭咁大我要左一個green tea大球$9咋! 仲幾有green tea味第二次去食coconut味, 都正!住附近ge多d幫襯佢地喇

繼續下下半場, 黎左呢度食雪糕 ^ ^ 其實呢度最好既未必係雪糕, 而係老闆娘同老闆既服務態度. 不得不多讚一次雖然只是10零蚊的生意, 你想試幾多種味距都好樂於俾你試, 試都岩為止. 笑容仲好好, 絕對唔會黑面加上雪糕也是不錯的今次仍然要了我最愛的荔枝味, 男友最愛的蜜瓜味, 也試了士多啤梨味覺得士多啤梨稍為甜了一些.. 但另外兩隻味仍然好食!而且3球只係10蚊, 又可以解下雪糕癮, 真的不錯呢會再回來的 ^ ^

同男友黎親葵芳都會係呢度附近掃街﹐食撈撈呀小丸子呀0甘 ^ ^ 前晚決定試下呢間雪糕呢間鋪頭真係一d都唔會孤寒﹐你想試咩味﹐幾多種味距都會即刻"筆"比你試﹐服務好好!仲有就係發覺呢度既老闆娘耳力十分好! 我同男友特登企遠D諗住討論下對邊隻味有興趣先(因為唔想咩都試完又唔買)﹐點知都係俾老闆娘聽到﹐好快就"筆"晒俾我地試..最後要左3細球($10)荔枝 - 個味一d都唔假﹐幾清﹐又食到奶味﹐好鐘意! 好好食 ^ ^ 蜜瓜 - 呢個好清新﹐蜜瓜味唔假﹐男友最愛 ^ ^呂宋芒 - 唔係一般芒果味雪糕﹐幾特別. 但係覺得隻味過濃﹐略嫌甜左 D﹐比起其他兩球無0甘好食以呢個價錢黎講真係好好食!加上服務好﹐絕對會再黎幫襯! ^ ^

雖然我冇幫襯到但係試左佢幾啖 都寫返少少啦我記得我係食左4個味...曲奇 薄荷 芋頭 荔枝曲奇:一般曲奇味 我一向中意呢個味梗係覺得佢好食架XD薄荷:好清新! 可能太細啖所以食唔到朱古力...芋頭:夠濃!! 我覺得好過手作添荔枝:幾light..甜左d係唔洗比錢,只係試食,加上老板笑笑口既樣,我比笑面啦

呢度係一檔賣夾糖呀, 零食o既檔口仔, 應該係一pair 中/老年couple 經營o既, 佢o地係>>>好好好人<<< ga!話說我去到個檔口前望望o下o甘, 我見都係d平價低檔雪糕, 都唔想食喇, 而且我之前已經食o左d又肥又唔好食o既2 杯ice cream......... 點知個老闆娘好人到爆, 爆nice o甘叫我狂try, 佢俾o左成6-10 種我try, 我都唔好意思唔買......o甘好啦, 我又諗唔到要咩味好, 佢都有成10 幾個味, in this moment, 老闆娘就said:「不如你要$13呢個啦(最大), 平時得2種味ga ja, 我俾夠4 個味你啦, 最緊d 客開心ma, 我o地做多d 又有咩所謂呢!」嘩!!! 好ar!! 你o甘好人, 飽我都會捧你場!!!我要o左, 1) green tea >>> 唔錯wor, although 係平o野, 不過都有green tea味, 好意外!!2) 紅豆>>>> 都ok, 好大粒豆, 又淋, 而且有紅豆味w