Yatai Plus

與朋友聚餐，經openrice預早訂枱，一行7人準時被安排入座。餐廳係用QR code落單，店員處理confirm booking時服務態度正常，過程中無需與客進行互動，出餐速度大約5-10分鐘屬正常。食物賣相、食材質素算係對得住價錢，感受到店家對材料選擇係有要求；但各式餐品份量方面都共通地略為偏少，對於大胃王嚟講，一份餐加埋小食，都應該未能滿足。餐具直接放在枱面無遮蓋，有違衛生觀感。此店沒有限時交枱，亦不另收加一服務費。餐廳環境算精緻企理，適合朋友及家庭聚會，如再經開石門，應該會再嚟試其他餐品。…查看更多

呢間餐廳小編幾鍾意😋 通常都係weekend嚟食佢個Holiday set! 之前試過閒日嚟個menu就唔一樣🤣🍣 櫻花丼 $88 🌟〔櫻花蝦•三文魚·鯛魚•帆立貝〕呢個係小編推薦🌟 魚生幾新鮮，而家幾大塊同比得幾多😛 小編就係喺到試過鯛魚之後一試愛上！鯛魚食落比較爽口又唔腥！成個魚生飯都好正！😋🍳 滑蛋三文魚丼 $88呢個係第一次試，味道都好唔錯！三文魚煮完裏面仲係好嫩滑，而且滑蛋調味都啱啱好😋呢個餐都免費跟餐飲，凍飲都唔使加錢，平時最鍾意就係叫凍荔枝綠茶🤣 -呢間性價比都幾高，食物質素幾好又唔太貴，而且都好有人情味！不過就略嫌啲位窄咗少少，不過去得小店都預咗😛 會繼續支持同幫襯！-味道: 8/10服務: 8/10環境: 7/10回頭率: 8/10總評: 8/10…查看更多

石門唔多地方有得堂食，其中一個會揀嘅地方就係呢度，因為呢度嘅食物都幾高質，我哋唔止一次encore。今日lunch，大概一點左右到，舖頭係比較細，等咗差唔多15分鐘先入得。呢度好多嘢揀，刺身飯，烏冬，丼飯等等，每次嚟都唔知揀乜嘢好。今次又係叫咗平時去食嘅刺身飯。赤之丼($88)三文魚-食落好肥美，好新鮮，呢個價錢有三片咁高質嘅三文魚，真係好正。吞拿魚-雖然唔係啲好高級嘅吞拿魚，食落肉質有啲鬆散，但係都唔會有腥味，尚可接受赤海蝦-大大隻蝦，好鮮甜，而且啲膏都好好味，高質吞拿魚蓉-食得出係比較平價啲嘅羽絨，淡到冇乜味…查看更多

其實呢間餐廳之前都嚟過幾次，食過真心唔錯😀，不過由於佢地方細，次次嚟親都要等位😟，所以都唔一定食到，今次去到發現佢轉咗新餐牌天氣熱🌞食飯又無咩胃口，食烏冬又怕個湯太熱🥵，發現佢出咗個沙律魚生飯，一於試吓先🤤佢用三文魚🍣配搭沙律菜🥗，再加上自己醬汁，感覺好清新三文魚有6-7片都算多，加埋個汁酸酸甜甜好開胃，天氣熱日子真係唔錯選擇，下次再試其他😊除食物唔錯外，每次嚟真心覺得環境唔錯，仲要唔洗加一，香港而家想搵舒適又抵食的地方，真係唔容易🤣…查看更多

要齊人才可入座———————————————————-當時星期六下午，人較多，等了20分鐘叫到我們時，解釋朋友已到樓下，但店員直接飛號叫下一張，完全不聽解釋。店員帶下一枱客人入店時更回頭送你一句「一早已同你講左齊人先可以入啦」那時朋友已到了，就只差一點點，真激心又激氣。你要堅持規矩，我唯有離開，永不光顧。如果吃完也不開心，有意思嗎？———————————————————-p.s. 好像去了澳牛、九記…查看更多

同老公週年紀念🥰要搵地方食飯😊，喺OpenRice見到呢間餐廳有二人餐做緊訂座優惠🈹，睇落個餐都幾豐富，$398二個人仲唔洗加一，咪訂嚟試吓囉⋯🤣。可能我哋訂得早😂，去到嘅時候我哋係第一枱客，餐廳唔算大，位置亦都唔多，我哋安排咗喺角落嘅位置坐底，位置相當舒適☺️個餐原價係$468嘅，不過我哋係Openrice訂座預購，就只係俾$398就可以👍🏻，佢跟餐本身有杯飲品，不過佢話可以加錢轉其他待飲，不過我哋都係諗住試吓先，所以就冇改到其他嘢飲啦🧋個餐有沙律啦⋯⋯刺身，牛肉仲有煮蜆、三文魚扒，同埋烏冬….刺身好新鮮🦐🦀🐬，豆腐沙律清清吔哋好適合夏天🌞，牛肉有少少辣辣地好開胃，個蜆雖然唔係用酒煮，而係用清湯煮，但係味道依然好鮮味嘅😎，三文魚扒超驚喜😍，佢個汁味道好好食，好惹味，其實食到呢度我已經超飽🥹，不過好彩個明太子烏冬係凍食嘅，細細碗都仲食得落🤣🤣，食飽飽先醒起原來仲有個雪榚呀😅，食咗一半真係食唔晒，我盡咗力㗎啦🤣，下次再食一定要留肚🤣🤣，呢個餐真係性價比超高，下次再嚟試吓其他食品☺️☺️…查看更多

今日過嚟石門做完嘢成兩點幾，早餐都未食，唯有係附近搵間舒適嘅食過Late Lunch補返吓，行過見到間日式小店裝修幾簡漯舒適，就去試吓啦，叫咗個Lunch Set 炙燒醬油魚生丼，魚生用醬浸過再輕輕燒過，魚生好新鮮，因為燒過啲魚香出晒嚟味道好好，餐飲我加錢轉咗杯野莓梳打特飲，入面有啲打碎果肉，好飲:)食到一半唔夠喉再加咗個刺身拼盤，全部都好新鮮，呢餐認真豐富滿足值得推介…查看更多

食物質素其實還算可以，但偏貴，但服務勁西，等左半個鐘，小朋友去左廁所，已經行緊過來，最多3分鐘，解釋俾佢聽，佢態度勁差，話一定要人齊，然後直接飛我號，叫我重新排。…查看更多

食過幾次，覺得質素都維持得唔錯。不過有一樣野就唔係好滿意嘅。。。佢平日有set lunch，之後加咗禮拜六日lunch menu，但係夜晚時段照會show呢個特價menu出嚟，咁夜晚經過見到個價錢覺得ok就入咗去，點知原來出面塊大電視show嘅menu係冇嘅，又唔好意思走人，局住食咗餐貴嘅晚餐。呢個位真係令人有bad feeling。。。食物方面，啲魚算係咁啦，雖然俾得呢個價錢我會expect啲魚再少啲筋，某幾隻魚好似食緊街市買嘅魚咁冇魚生應有嘅鮮味飲品就唔錯嘅…查看更多

今日（2-10-2024 Wed）同女同事PM食晏，我哋揀咗呢間，我哋嚟到啱啱有一組客人入去坐最後嗰張枱，我哋就唯有等。喺等嘅時候就睇定menu，冇耐就有位，我哋要咗：跟餐嘅熱雪梨蜜，呢個我哋食完嘢至飲，都仍熱，而甜度啱啱好，唔錯。4分PM要$62.00嘅照燒雞扒半熟玉子丼，睇見飯量唔少，佢俾嘅雞扒我食，味道唔錯，雞扒又juicy同滑。5分我要$65.00嘅地雞糰子咖哩稻庭烏冬見到烏冬份量唔多，地雞糰子有兩串共六粒，食落，有炸過，但內裡比較嚡；烏冬滑，咖哩辣咗少少但接受到。3.33分環境：雖然係細舖，但座位距離合適。抵食係2.7分…查看更多

位於屯馬線石門站旁邊的商場內的日式小店，我都係咁啱路過，真係超出我想像呀…，精緻美味的食物，無得彈彈彈。滿滿美麗的甜品，讚讚讚。價錢係一啲都唔貴㗎。真係一定要支持小店呀…。加油Yatai Plus…查看更多

鋪頭細細間但生意都幾好，平日都要等位，野食方面，個刺身飯90幾蚊離講幾足料，d刺身食落都幾新鮮，另一個豚肉丼飯蛋黃加埋d飯、醬汁同肉係好滑好香，杯野飲都幾重牛油果味，值得一試…查看更多

店面雖然細，但坐得幾闊落👍🏿食物大部分都幾好食三文魚刺身新鮮，6塊厚切清酒煮蜆真係有輕輕嘅酒味，幾好食鰻魚飯非常出色，食落唔會滯，又好大條，有驚喜唯獨鯖魚差咁少少，但係可接受…查看更多

今次我地去咗石門按摩之後，去咗日式餐廳Yatai Plus醫肚。雖然舖仔細細，但都坐得舒服。見門口貼左唔少甜品舖頭，但實在太肚餓喇，所以今次主攻煮食先。見到有main menu 同二人餐menu，二人餐主要嘅食物係main menu 都搵唔到，所以今次決定試吓個「春の祭套餐」，盛惠$438。（‼️重點係，後來諗住上openrice寫review嘅時候，發現 原來可以預定二人餐，book枱有優惠之外，二人餐都平啲，😿😹$372，大家唔好重蹈覆轍喇～）ᗦ↞◃ ….….. ᗦ↞◃ ….….. ᗦ↞◃ ……… ᗦ↞◃ ………✨1) 百香果•檸檬春日特飲呢杯特飲真係超級清新！百香果嘅酸甜味同檸檬嘅清香完美結合，飲落去好解渴，仲有一啲小小嘅氣泡，令整體口感更豐富。（不過我見menu 上面有其他特飲，哩款就普普通通，不過不失。）✨2) 花の盛（三文魚、吞拿魚、帆立貝、鯛魚）呢個刺身拼盤真係無得輸，擺盤超靚，魚生新鮮！✨3) 他他吉列廣島蠔廣島蠔炸得金黃香脆，外層脆口但內裡嫩滑，完全唔乾，仲保留住蠔嘅鮮味。配埋他他醬一齊食，夾！酸甜得宜！（喵女決定用quota食嘅炸嘢）✨4) 蒜香牛肉茄子呢道菜真係出乎意料！本身以為會好細碟，點知唔算細，牛肉嫩滑入味，茄子煮到啱啱好，吸晒蒜香同牛肉汁，入口即溶。✨5) 海鮮鍋海鮮鍋材料豐富，有蝦、有蜆，最估佢唔到係有鮮魚片，配埋白飯一齊食，真係暖胃暖心，好正！✨6) 迷你豚角丼二人餐上菜次序似去飲，最後先上飯，已經好飽，但size大概係屋企飯碗，上面有幾塊好香嘅豚角，之前有主要係蛋白質，所以都係食曬！豚肉煮得好入味，肉質嫩滑，肥瘦相間，唔會覺得太油膩。配埋壽司飯一齊食。適合唔係好餓嘅時候食～✨7) MÖVENPICK®雪糕食完正餐再嚟一球MÖVENPICK®雪糕，真係完美嘅ending。😻吸喵指數：8/10🤍日式小店🤍豐富二人餐ᗦ↞◃ ….….. ᗦ↞◃ ….….. ᗦ↞◃ ……… ᗦ↞◃ ………📍Yatai Plus地址：沙田石門安群街3號京瑞廣場1期1樓150號舖#hkfoodie #HongKong #homekong #hongkongfoodie #美食…查看更多

📍Yatai Plus (沙田)沙田石門安群街3號京瑞廣場1期1樓150號舖石門高質日式小店，裝修是日式木系，坐得舒服，主打日式料理丼飯，也有烏冬，刺身，甜品等，芭菲好吸引☁️廣島蠔生薑燒$88有五大隻廣島蠔，表面炸過，配料有香蔥加茄子，好豐富☁️炙燒三文魚冷烏冬（青芥末沙律汁）$85擺盤精緻，六片三文魚，有青瓜，番茄仔，材料新鮮表面炙燒過，烏冬已放入沙律汁，少少芥未味，我認為吾夠多，所以另外再加。天氣熱辣辣，呢個好岩食☁️芒果芭菲$58（瑞士朱古力MOVENPICK®）芭菲好好食，雪糕用上movenpick ，好大球，另外有芒果，脆片，啫喱等，大滿足#石門#石門美食#香港#hongkong#hkfood#hkfoodie#食好西#相機食先#手機食先#香港好去處#週末好去處#情侶好去處#閨蜜好去處#cafe#coffee#咖啡店#輕食#甜品#日式#廣島蠔#芒果#烏冬#三文魚#icecream #dessert #芭菲#drinks #tea #慢活#eating_and_working_in_h_石門…查看更多