Yadllie Plate 야들리애플래이트 (兆萬中心)

早起幾年前就已經成日過嚟食韓國嘢，嗰陣覺得好好食，之後冇再過嚟就冇食到，事隔幾年見表姐過嚟玩就諗住帶佢試吓，點知食落真係好失望，完全唔係嗰回事，首先我哋叫咗個炸雞同埋魚介湯鍋，兩樣野都大為失望#半半炸雞 $218我哋叫咗原味同埋蒜味，份量對比以前已經少咗，以呢一個價錢咁嘅份量完全唔合乎性價比，原味個味道好難以形容，係得個蒜味OK少少#魚介湯鍋 $258呢一個鍋簡直不知所謂，首先送到過嚟嘅時候係冇火，叫極人都冇人理，終於有人嚟嗰陣點着過火都等好耐先滾，食落啲嘢食係冇味，唯有叫侍應拎啲辣醬嚟舔吓，不過真係完全唔夾，如果有得再揀一定唔會再食呢一樣

今次去旺角呢間韓國餐廳，好耐之前去過一次，原來已經裝修過，食物水準仍然keep到，嗰日6點幾去到已經要等位，餐廳座無虛席👍🏻我同朋友揀咗以下幾個嘢食，而且卡位又坐得幾舒服，岩晒聚會🥳✨驚喜二單奏（頂級肉眼牛扒、炸雞） 一上枱已被賣相吸引！肉眼牛扒放咗喺鐵板上面，生熟度可以自己操控👍🏻唔錯！牛扒有肉汁幾好食，肉味夠濃。仲有炸到外面酥脆嘅炸雞，完美組合，大滿足🤤✨水冷麵然後試咗水冷麵，少少酸甜清爽嘅湯底，加上Q彈冷麵、新鮮青瓜絲同雞蛋，啖啖清涼，每一啖都好舒服，食炸雞就感覺無咁熱氣啦😎！✨迷你忌廉帶子年糕麵年糕麵好特別，第一次食🤤麵質好煙靭，就好似一條好長嘅年糕，配上濃郁嘅忌廉醬汁，超夾，同埋帶子夠鮮甜，推介👍🏻✨八爪魚煎餅最後，呢個八爪魚煎餅都好推介！煎餅金黃酥脆，好香口，裡面充滿八爪魚，啖啖都食到鮮味，搭配少少辣醬，味道更加分👏🏻✨日落流金（芒果菠蘿汁）飲品方面，我地揀左日落流金，芒果同菠蘿嘅味道混合得岩岩好，完美解渴😚✨朱古力雪冰最後揀左個甜品，朱古力雪冰！呢碗雪冰質感滑溜，朱古力味道濃郁，甜而不膩。上面仲有朱古力脆脆方格，口感層次分明，唔錯👍🏻大家經過旺角，可以一試😚

韓式半半炸雞 (蜜味乳酪粉 黃金蒜香)炸粉好薄，感覺冇咁邪惡。雞肉嫩滑，加上特色嘅蜜味乳酪粉，酸酸甜甜幾過癮🤪🤪黃金蒜香超重蒜香汁，加埋甜甜地嘅醬汁，yummyyummy😋😋香辣芝士八爪魚睇住店員即場熱融芝士，芝士加熱後有拉絲效果，捲住八爪魚一齊食，增加左口感😛😛芝士蟹子蛋卷蛋卷好滑身，加埋大量嘅蟹子同埋芝士，口感豐富，正😆😆😆水冷麵 食返個清清地嘅水冷麵嚟中和下，同韓國食到嘅都接近😛😛香蕉沙冰好大杯，解辣😝😝😝朋友極力推薦蘋果清河有氣清酒，非常易入口🥃聖誕限定版嘅雪冰，有好得意嘅聖誕老人加埋士多啤梨，好有聖誕節氣氛!!!🎄

驚喜二重奏拼般有炸雞、煎牛扒和沙律。炸雞不算大隻，勝在金黃酥脆，每一塊嘅外皮都好薄，裹得恰到好處。旁邊嘅煎牛扒用石板上，可以自己控制幾多成熟，肉質很鮮嫩，表面略帶焦香，沾上BBQ醬汁鮮蝦沙律沙律色彩繽紛，淋上特製有啲似柚子醋嘅醬汁，表面灑上芝士碎，有咸香又很清新。特種部隊鍋湯底紅亮濃郁，帶有甘甜味，微微辛辣味道與多樣食材好夾，辛辣麵條配上芝士，啖啖拉絲，好得意。呢度嘅飲品都勁大杯，巨峰乳酸梳打和海鹽焦糖沙冰都很高質，梳打清新解渴，冰沙細膩。

推介指數 Recommendation Level : 🔥🔥🔥🔥旺角這個鬧市中食肆林立，亦被有多種不同的菜式供客人選擇。這間餐廳是一間來自南韓的著名餐廳，主打新派韓國菜，除了最注味道之餘，食物的賣相亦十分精緻，所以吸引不少年輕的顧客。Mong Kok is bustling with a plethora of dining options, offering a wide variety of cuisines for patrons to choose from. This restaurant, hailing from South Korea, is renowned for its contemporary Korean dishes. In addition to a focus on flavor, the presentation of the food is exceptionally refined, attracting a significant number of young customers.蜜味乳酪粉無骨雞 ($128) Boneless Honey Y

難得抽空拍拖，男友說要食餐好的，而且我去完韓國又很想念韓國美食，所以找到這家得獎名店😆💪。環境：座位闊落，餐廳舒適有格調，適合和三五知己聚餐。但記得最好預先訂座，因為很多人😆👍。服務：上菜快，有一些菜式需要服務員在現場表演加工。食物質素：海賊王的寶物 - 非常推薦，海鮮份量十足；炸魚外脆內嫩；炸蝦肉質結實大大隻；炸八爪魚非常酥脆；白切五花腩 - 五花腩豬肉味出色，附以韓式配料及調味料，食落不會覺得油膩；黃金蒜香無骨雞 - 炸雞火候十足，能夠鎖住雞肉內的肉汁，肉質彈牙有質感；火炙牛 - 即時用火槍燒炙過的牛肉入口即溶，味道濃郁，特別推介，我覺得是必點；暮色百香 - 甜度適中，帶有夏日氣息，酸甜可口價格：每個菜式都大大碟，總共1000，其實夠四個人食，性價比不錯。

一直想試Yadllie plate，今日終於有時間同朋友去食餐廳採用QR code 點餐， 方便簡單火灸牛必食推介！ 牛肉好嫩， 約五成熟， 餐廳上菜後仲會用火槍燒一燒， 儀式感十足， igable +好食！芝士蟹子蛋捲份量好大， 中間既芝士同蟹子都好多， 試上蛋黃醬同蕃茄醬， 味道一流半半炸雞 （蜜味乳酪粉&黃金蒜香）炸雞既份量亦好多， 而且會加上蕃薯條同蝦片， 真係要搵多啲朋友一齊黎食食得哂黃金蒜香： 蒜味好出，炸雞外皮同蒜片都好香脆， 咬香仲有肉汁流出蜜味乳酪粉： 乳酪味俾想像中濃， 甜甜的， 又幾夾八爪魚煎餅煎餅香脆， 啖啖八爪魚鮮蝦沙律沙律醬酸甜清新， 解膩一流巨峰乳酸梳打&玫瑰蜜桃果茶朱古力雪冰朱古力唔會太甜，一啖接一啖， 好快就清哂

呢排又係吹韓風嘅moment ，追劇煲綜藝睇到韓式料理都流口水。今日就再約埋frd 去Yadllie Plate，已經喺朋友圈韓國餐廳首介紹最多嘅，款式多又好食👍🏼今次再去都冇失望！魚介湯鍋天氣咁凍，點少得叫個鍋物。暖胃味濃嘅魚糕湯，飲落好舒服。入面仲放咗超多款嘅魚糕同丸類仲有蔬菜。一串一啖，飲埋熱湯超正香辣芝士八爪魚上菜時店員會幫手炒一炒，超大量芝士，溶化左拉絲好正，芝士幫手中和左少少辣味，配埋一齊食又幾夾半半炸雞 首爾醬油+黃金蒜香多種口味，選擇豐富。每款口味都有得簡有骨/無骨。我哋貪心啲叫半半炸雞，一次過試多啲味道，雞肉超嫩唔柴，夠juicy韓式牛肉蛋捲足料大碼雞蛋卷，拉𢇁芝士超🈵️足。芝士控絕對啱key ，一定要叫！八爪魚煎餅金黃香口，超惹味。八爪魚料好足，而且餅唔會太粉太厚，但係keep 到實在，口感好好。配埋辣醬食，一流飲品 巨峰乳酸梳打 藍橙荔枝梳打配個有氣梳打飲品，夠清新爽快

聽聞呢間韓國餐廳得唔少獎！同埋Menu選擇都好多，主食甜品都有今次試咗個芝士熔岩包配炸雞，個賣相好震撼超級打卡able！除咗炸雞之外，仲有薯角，炸雞酥脆但係薯角就諗咗少少🤏🏻中間嘅芝士好濃郁，配埋個發包成碟嘢都幾creative 😂😂不過就係Heavy咗少少，太滯，兩個女仔食唔晒

今日約咗朋友去旺角食韓國嘢，地點位置好方便，好近地鐵站，一坐低，店員已經好熱心咁樣安排座位同介紹餐牌。呢度嘅食物款式種類都好多，我哋研究咗好耐先決定到食啲咩😂驚喜二重奏呢道菜一次過可以滿足兩個願望，有牛扒同埋有炸雞，牛扒放喺石小鐵板上面，可以自己控制牛扒嘅熟成度，牛味濃郁，而且份量好多。炸雞外脆內軟，熱辣辣好新鮮。迷你忌廉帶子年糕麵呢個年糕麵超好食，粗身加上好煙靭，配上卡邦尼汁，竟然完全吾膩，再配上雜菌同蔬菜，好fresh。芝士蟹子蛋捲材料勁足，入面全部都係孩子同流心嘅芝士，每一口都是滿足。薯仔笑哈哈外型好得意，而且下面仲有一大堆薯條，估唔到有咁多。火灸牛店員會現場用火槍處理個牛肉，好打卡，而且牛肉都幾厚身，幾好食半半炸雞方面我哋揀咗兩隻味，分別係蜜味乳酪粉同首爾醬油，兩隻味都好濃郁，呢間餐廳嘅好處就係好多唔同嘅味道可以揀🤣蜜瓜沙冰超大杯，每一口都透心涼，好似食緊蜜瓜雪條咁😍

餐廳位於旺角鬧市附近，由油麻地地鐵站行過去幾分鐘就到，約朋友食飯都好便利。餐廳以木質裝潢和泥水麵為主色調，播放熱門既韓團歌曲。玫瑰牛肉炒年糕炒年糕表面鋪滿了芝士，口感煙韌，芝士香味濃郁，食落可以拉絲。玫瑰牛肉粒混合年糕放在熱辣辣的石頭鍋中，口感十足，同時十分惹味。配搭既米通香脆，可以即食或者混合芝士食用。八爪魚煎餅煎餅外脆內軟，餅內充滿八爪魚粒，用料十分有誠意，香蔥令整體更加香口。隨附上有兩碟醬料，分別係䓤油醬和辣椒醬，適合不同口味人士。半半炸雞有骨炸雞可以㨂雙拼，分別揀左首爾醬油和黃金蒜香炸雞，一個價錢可以享用兩種口味。首爾醬油比較上色，味道偏甜。黃金蒜香味道濃烈，蒜香味濃郁。兩款雞都有隻雞髀及雞胸，伴碟仲有一大份甜蕃薯條，夠哂二至三人食用。火炙牛服務員將牛肉片放在桌上後，用火槍即場炙燒牛，觀賞價值不錯，而牛肉肉質鮮嫩，火炙更容易鎖住肉汁。柚子蜜蜜瓜沙冰

無論一大班人或者同閨蜜聚會 已經食過幾次呢間韓國餐廳 貪佢lunch有折 晚上氣氛又幾好好彩book咗枱 中午都有唔少人食芝士牛肉煎餅呢樣我帶咗韓國朋友嚟食 佢都話正煎得夠香仲有芝士 真係好惹味強烈推薦魚介鍋份量真係超級多 將韓國特色小食集合魚膏串滿滿的湯汁味道又唔會辣 就算唔食辣都好合適配菜相當豐富 例如蔬菜 金菇炸豆腐 蛋有少少似韓國版的關東煮朋友念念不忘這裏的火炙牛因為牛肉多汁 火槍加熱但係肉質又可以保持鮮嫩 加埋蒜片一齊食仲正炸雞揀咗無骨的版本 啖啖肉 加埋芝士粉好香一啖一嚿 芝士八爪魚 🐙 有個小火爐加熱 芝士超級澎湃芝士加熱之後係咁咁樣

好想食炸雞！除左炸雞仲食左幾款都好好味，推介大家黎食呢間，平日夜晚都好多人，記住book左位先就唔洗等咁耐啦。最推介麥芽啤酒蝦，莫索里拉芝士排骨，八爪魚煎餅，士多啤梨雪冰同百香果水果茶😍🦐麥芽啤酒蝦 $118推介！蝦爽口彈牙，炸粉唔算厚，沾上甜甜辣辣既醬汁好好味，仲有勁多粗薯條，好新鮮炸得好好味🐥半半炸雞 $218我地叫左原味同蜜味乳酪粉，蜜味乳酪粉更惹味更好食！除左雞胸位置都滑！仲附送好多薯條好正🐷莫索里拉芝士排骨 $145推介！勁多香濃芝士，排骨肉好入味又淋，肉都多，微辣好味🐙八爪魚煎餅 $138推介！煎餅好脆！啖啖八爪魚好味🌶️農家泡菜 $38份量好多，有小小辣，菜好爽口🍓士多啤梨雪冰 (聖誕特別版) $88推介！雪冰面有雲尼拿雪糕，小聖誕老人好應節，牛奶味雪冰加埋士多啤梨好好味🍹暮色百香 $128推介！百香果水果茶好解油膩！茶味香濃好正

1. 芝士牛肉煎餅 🤤 $138好味: 7.5/10 性價比: 8/10 ⭐️推薦: 8/10 ⭐️煎餅又薄又脆，再配搭牛肉令味道更豐富，重有拉絲既芝士，最後上面有大蔥解膩，食多嚿都唔膩👍🏻 大份又好食，推薦💕2. 芝士辣炒雞🌶️ $135好味: 7.5/10 性價比: 7/10 推薦: 7/10雞嫩滑，職員即場把芝士和雞加熱，稍嫌份量較少，但整體也美味。3. 士多啤梨雪冰 🍧 $88好味: 7/10 性價比: 7/10 推薦: 7/10綿綿的雪花冰，士多啤梨也不會酸，聖誕節還有小雪人造型，很可愛⛄️

🏵上次熊妹見魷魚妹話想食韓國菜🇰🇷，今次就諗起曾經旋風襲港、瘋魔一時的《Yadllie Plate》。📌《Yadllie Plate》位於旺角兆萬中心11樓，都有差不多十年，熊妹記得當時新開張都拉埋其他豬朋狗友嚟食過晚飯，地方大，好多梳化位🛋，坐得舒服，自成一角，細聲講大聲笑🗣都冇問題！驚喜二重奏， $258一款菜式滿足晒兩個願望仲唔夠驚喜😍？用上熱石鐵板燒着頂級肉眼牛排上枱，另外仲有四件原味炸雞同埋沙律伴菜🥗，成盤二重奏份量都幾多下！熱石鐵板燒♨️真係好熱，燃燒着肉眼牛排吱吱聲上枱，需要迅速翻邊，燒多兩下就即刻夾起嚟食，如果唔係就會燒到過龍變得好乾喇！肉眼牛排肉汁好鮮味😋，唔使點上任何醬汁都好有牛味同牛汁，或者點想跟上嘅燒烤汁多一重濃味醬汁嘅味道。原味炸雞🐥外皮炸到好脆口，內裏雞肉都好嫩滑，雞髀同雞胸都有各兩件，食完牛排再食炸雞真係雙重滋味享受。伴碟嘅沙律係撈上檸檬醬汁🍋，沙律菜好新鮮，仲有粟米粒同埋蕃茄仔🍎，食落好清新好解膩。黃金蒜香炸雞， $188韓國美食都真係莫過於韓國炸雞，炸雞有分無骨有骨，熊妹同魷魚妹都一致認為要揀有骨，因為有骨炸雞沒有經過加工製成，用上韓國入口嫩雞，雞肉會更