食評

食物高質又岩打卡嘅《WM Café & Bar》。餐廳環境超靚，空間感十足，落地玻璃影相打卡一流📸！呢間餐廳主打西式fusion菜，味道有驚喜，服務又貼心👏🏻。海虎蝦 x 香煎帶子。香煎穀飼牛柳(七成熟)(升級套餐：配是日餐湯+餐前沙律+小食)：主菜可以升級做套餐，揀咗蕃茄湯，味道酸酸甜甜，質感濃郁又暖胃。餐前沙律新鮮，配上清新沙律醬，開胃清爽。小食方面可以揀雞翼兩隻或者吉列炸蠔，我哋就揀咗炸蠔，炸得外脆內嫩，無腥味，咬落去仲有汁爆出黎，好味😋。主菜方面，海虎蝦夠大隻，蝦肉爽口彈牙，鮮味十足。香煎帶子煎得啱啱好，表面微微焦香，內裡滑嫩多汁。而主食嘅香煎穀飼牛柳肉質軟淋淋，入口即溶，食落去有層次感，完全唔韌，牛味濃郁，非常出色👍。澳洲和牛面肉燴意大利貓耳朵：呢個有驚喜既牛面肉炆得非常入味，柔軟腍滑，同樣入口即溶，牛味香濃唔膩。配上意大利貓耳朵(耳仔形pasta)，掛汁能力一流，每啖都好滿足，醬汁creamy又唔會過重，口感豐富，超有水準👏。牛油蒜蓉炒雜菌：簡單之中見功夫！炒雜菌用咗牛油同蒜蓉快炒，香味撲鼻，唔會炒到水汪汪，啖啖都保留到菌類嘅原汁原味，加上牛油非常香口，重點係超大份🤩，(小)食價錢叫到(大)食咁真係性價比超高。熱檸檬蜜：暖笠笠嘅熱檸蜜飲落去酸酸甜甜，好舒服，特別啱冬天飲，飲完個人都暖哂，仲幾解膩添。蘋果紅莓特飲(雪碧底)：呢杯特飲用雪碧做底，加上蘋果同紅莓味，酸酸甜甜，清爽又解渴，賣相靚之餘仲好打卡📸。額外驚喜拼盤：店員仲好有心，送咗一碟小食俾我哋😍，入面有吉列炸蝦、炸帶子同埋炸蠔，全部都係即炸，熱辣辣上枱，香脆可口，誠意滿分💪🏻。總結：  除咗環境靚得嚟舒適，真係好適合打卡，食物非常有驚喜，無論主菜定小食都見到心思，擺盤靚、味道好，仲要有2人同4人套餐可以揀，款式眾多，唔怕黎到唔啱食。另外，餐廳亦有提供派對到會優惠，凡自取滿$2200即可享9折，滿$3500就有85折優惠，非常適合公司活動或者家庭聚會用😍。…查看更多

今日去咗大埔嘅 WM Cafe & Bar 食晚餐，叫左佢哋嘅主菜同升級左套餐，真係好有驚喜，絕對值得一讚👍🥗 升級套餐：沙律、忌廉龍蝦湯、柚子雞翼一開始先上套餐嘅沙律同湯。沙律菜新鮮爽脆，非常開胃；忌廉龍蝦湯入口超級香濃，口感幼滑得嚟充滿龍蝦鮮味🥣另外跟餐嘅柚子雞翼都好出色，外皮煎得金黃香脆，帶有陣陣柚子嘅酸甜清新🍗🍔 雙層美國安格斯牛肉漢堡配醬條呢個漢堡絕對係誠意之作！雙層安格斯牛扒厚身又多汁，牛味極之濃郁，咬落去肉汁爆滿，口感層次好豐富。配埋旁邊嘅脆薯條，炸得外脆內軟，點埋醬汁一齊食，邪惡得嚟超級滿足🍟🍝 澳洲和牛面肉燴意大利貓耳朵和牛面肉燴得極之軟腍，可以話係入口即化，肉味香濃入味。最讚嘅係配搭咗意大利貓耳朵，麵質煙韌有咬口，而且完美掛住惹味嘅醬汁，啖啖都係精華，非常有水準🥩🍹 熱情果菠蘿梳打飲品方面揀咗熱情果菠蘿梳打，充滿熱帶果香，酸酸甜甜非常清新解渴。食完比較濃味嘅主菜之後飲一啖，成個人即刻清爽晒…查看更多

fatchubelly大埔📍WM Café & Bar (大埔)💥海虎蝦•香煎帶子•香煎穀飼牛柳•時令蔬菜，紅酒牛肉汁牛柳份量十足，有兩大舊叫咗七成熟口感軟淋而且有牛味帶子同虎蝦都處理得唔錯薯蓉調味唔會太重而且唔會落咗太多牛油比較天然同健康💥澳洲烤羊架伴牛乾菌意大利飯羊架烤到外面微微焦香入而仍然保持到肉汁意大利飯唔會太生適合一般大眾而且牛乾菌味濃郁又可以食到牛，又可以有意大利飯雙重滿足WM Café & Bar (八號花園) (大埔)大埔安慈路2號八號花園地下20號舖…查看更多

📍 WM Café & Bar (大埔)✨【大埔 W&M Cafe & Bar】｜小清新Cafe驚喜連連💯今次嚟大埔試下呢間人氣Cafe☕️🍽️，環境舒服又有格調，適合同朋友chill下😍🍔雙層美國安格斯牛肉漢堡配薯條
漢堡勁厚身，牛肉juicy又有肉香🔥包身鬆軟，加埋芝士好滿足🧀薯條炸得香脆，配埋食一流😋牛肉5成熟，厚度誇張！一咬爆汁🤤🔥芝士超加分，邪惡又滿足😆 薯條香脆唔油膩，忍唔住食晒🤫🍝 澳洲牛面肉燴意大利貓耳朵
牛面肉炆得好腍，入口即化🤤醬汁濃郁又掛汁，每粒貓耳朵都好入味✨整體好有驚喜～必食✅ ☕️ 焦糖爆谷拿鐵
賣相好吸睛😎咖啡超特別，今次餐廳將爆谷轉焦糖，非常creamy焦糖香甜唔膩，咖啡味平衡得幾好☕️🍹 蘋果姐莓特飲
清新解膩🍎🫐酸酸甜甜，夏天飲一流💦*加一服務費*୨୧┈┈┈┈┈┈┈┈┈┈┈┈┈┈┈┈┈┈୨୧📍 WM Café & Bar (大埔)🏠 大埔安慈路2號八號花園地下20號舖…查看更多

大埔隱世Cafe｜WM Cafe & Bar 🍔抵食雙層安格斯牛漢堡＋柚子雞翼，跟餐仲有番茄湯！🍔雙層美國安格斯牛肉漢堡 配薯條兩層厚實牛肉，肉汁豐富，麵包烘過脆身，夾住芝士、生菜、番茄，大滿足！薯條粗身脆口，啱啱炸起。🍅是日餐湯：番茄湯濃郁酸甜，飲得出真材實料，仲有番茄煜，開胃之選。🍗柚子雞翼單點小食，雞翼炸到金黃，裹上酸甜柚子醬，清新解膩，唔會太油。☕熱檸茶茶底夠濃，檸檬新鮮，正正常常嘅港式comfort drink。💡總結：WM Cafe & Bar環境舒服，適合 chill 住食漢堡傾計。#大埔美食 #WMCafeBar #大埔cafe #雙層安格斯牛漢堡 #柚子雞翼 #香港漢堡關注組 #大埔好去處…查看更多

藏身於大埔八號花園的WM Café & Bar，是區內性價比極高的西餐之選。以$138享用的蟹膏海鮮墨魚意大利粉十分出色，漆黑意粉掛滿濃郁蟹膏，每一口都充滿甘香的海洋鮮味，搭配的蝦肉及魷魚亦爽口彈牙。$48搭配豐盛升級套餐，$208海虎蝦、香煎帶子及香煎牛柳等優質食材，一次過滿足多重願望，極致享受。套餐附送的龍蝦湯非常濃郁，配以蜜糖柚子雞翼作前菜亦相當開胃；最後以一杯溫潤的熱柚子蜜作結，暖心解膩。餐廳以紅磚牆營造出舒適愜意的工業風，無論是二人約會或朋友歡聚，這裡都是不錯的落腳點。地址：大埔安慈路2號八號花園地下20號舖…查看更多

《大埔街坊小店·西餐超多選擇》位於大埔八號花園介紹返係一間主打西式 Fusion 菜的餐廳以紅磚牆和工業風設計座位都算多餐牌勁多選擇前菜餐湯都有小驚喜蕃茄湯 勁多蕃茄🍅沙律🥗滿滿的心思火腿蜜瓜蕃茄仔樣樣齊仲有個沙律汁勁開胃主菜 美國安格斯牛板腱🥩一個女生絕對夠食的份量仲要個薯蓉係極多薯仔🥔入口啖啖薯仔 真心正尤其喜歡薯仔嘅你不得不提個牛油🧈蒜香菇 🐻堅係好食 好食到想叫碗飯熱情果菠蘿🍍梳打都有唔少既菠蘿粒想飲酒既 呢度cocktail 紅酒 啤酒乜都有 仲有特色飲品支持大埔街坊小店仲要有匯豐信用卡💳優惠…查看更多

尋日收工心血來潮想食西餐，嚟咗大埔呢間WM Cafe。雖然知道係連鎖嚟，但呢間分店環境都幾闊落，坐得舒服。我哋兩條友嗌咗幾樣嘢。個「芝士黑椒牛肉墨西哥烤餅」係驚喜，餅皮炕得夠脆，一切開啲芝士仲係半溶狀態，拉住絲咁滯，配埋黑椒牛肉嘅惹味，點少少酸忌廉，唔會漏。Side嗰啲薯條都係新鮮炸起，夠晒香口。「意式海鮮薄餅」係薄批底，邊位焗到脆卜卜似餅乾，上面啲海鮮料鋪得幾密，蝦仔魷魚鬚都算爽口，芝士可以微微拉絲，誠意合格。重頭戲「大啡菇黑松露意大利飯」都唔錯，上枱已經聞到黑松露香味，大啡菇勁厚肉一切就爆汁，Risotto煮得啱啱好，煙韌得嚟又夠Creamy。最後嗌咗杯「百香果氣泡多多」，酸酸甜甜夠晒fresh，解膩一流。整體嚟講呢餐食得幾滿足，响大埔嚟講算係咁，可以回頭。…查看更多

【街坊推薦抵食西餐 休閒cafe高質升級套餐】幫襯多年，歷史悠久，keep住同樣質素👍🏻紅磚牆配柔和燈光，環境舒服，適合同朋友慢慢傾偈食飯😌 最正係主菜可以+$48升級套餐，有齊餐湯、沙律、小食同飲品，性價比超高！To see more: https://www.instagram.com/heshefood.hk🔸海虎蝦．香煎帶子．穀飼牛柳 $208賣相精緻，原隻剝殼海虎蝦香口彈牙，帶子表面微微焦香入面保持嫩滑。穀飼牛柳建議五成熟，切開會粉紅色，肉汁更豐富，肉味更濃✨+$48升級套餐龍蝦湯｜湯身夠濃稠，帶甜味🦞柚子雞翼｜柚子醬汁清新解膩，升級有呢個質素真係抵🍗🔸巴馬火腿卡邦尼意大利粉 $108卡邦尼醬汁濃厚creamy，蛋黃香突出，每條意粉都掛滿汁🤤 巴馬火腿鹹香有咬口，亦有傳統煙肉，整體味道平衡得幾好，唔會太膩🍝…查看更多

區內抵食高質西餐區內有水準西餐Cafe，價錢合理，餐廳內坐位空間感闊落，職員禮貌友善一口芝士拼炸薯條配蛋黃醬一口芝士脆皮嘅外層加上柔軟的內涵，名副其實外脆內軟，芝士嘅濃度啱啱好，薯條炸得乾身脆口巴馬火腿卡邦尼意大利粉卡邦尼意大利粉食到奶油、蛋黃同芝士，搭配巴馬火腿增加了鹹香感，整體味道濃郁而不膩莈蘿煙火腿薄餅用上煙火腿作薄餅主要食材，風味濃郁搭配莈蘿，增加清新口感，完美配搭檸檬香茅梳打檸檬的酸及清新同香茅嘅芳香，清新無比，味道感覺好特別…查看更多

兩星期前，我與朋友相約到大埔的「MW Cafe & Bar」慶祝節日。這間主打西式料理的餐廳定位偏向中高檔，然而整體體驗與其價位相比略顯遜色，值得詳細探討。當天我們選擇較早的時段到達，因此無需等位即可入座。餐廳裝潢走現代風格，燈光設計偏昏暗，營造出頗有情調的氛圍，適合朋友聚會或情侶約會。不過座位之間距離稍近，私隱度一般，加上節日時段人流較多，環境略顯嘈雜。我們點了羊排及牛排兩款主菜，另配忌廉湯。羊排烹調得中規中矩，肉質尚算鮮嫩，調味恰當；然而牛排卻明顯失手，要求五成熟卻呈現七至八成熟的狀態，肉質過老且乾柴，令人頗為失望。附送的忌廉湯味道亦屬一般，缺乏濃郁的奶香與層次，感覺像是即用湯粉調製，與其定位不太相稱。由於當天是節日，餐廳只提供節日限定套餐，人均消費超過三百港元。以這個價位來說，食物質素明顯未達預期，性價比偏低。服務方面，店員態度有禮且主動性足夠，會適時加水及收拾餐具，但整體而言與普通人均一百五十元以上的餐廳服務水平拉不開差距，未能體現出高檔餐廳應有的細緻與貼心。上菜速度則屬正常，約十五至二十分鐘內上齊。總括而言，「MW Cafe & Bar」的環境氛圍尚可，但食物質素參差不齊，加上節日收費偏高，整體性價比並不理想。若平日以正常價格到訪或許較為合理，但特別日子選擇此店需有心理準備。我會建議對食物質素有要求的朋友，或許可以考慮區內其他同類型餐廳。…查看更多

大埔八號花園呢間WM Café & Bar，成日經過但一直冇入去，今日終於的起心肝試一試。叫咗個澳洲和牛面肉燴意式貓耳朵。貓耳朵煙韌有咬口，唔係嗰種煮到腍爛嘅意粉。和牛面肉炆得夠火候，一咬就散，肉味濃郁。朋友嗌咗安格斯牛肉芝士漢堡配薯條。漢堡包烘過，面頭微脆；安格斯牛肉厚身，切開肉汁慢慢滲出嚟，冇乾爭爭。芝士融得靚，包住塊牛，連埋生菜番茄一啖咬落去，滿足。薯條粗身，即炸熱辣辣。飲品要咗雪沙草莓同凍朱古力。雪沙草莓細滑，飲落有 creamy 感，甜度剛好。凍朱古力唔會水汪汪，朱古力味夠濃，頂頭仲有少少忌廉，好邪惡但好好飲。下次可以再嚟試佢哋嘅薄餅。…查看更多

大埔WM Cafe，街坊應該唔會陌生。開咗好多年，裝修後紅磚牆加綠色植物，幾有田園feel，座位都算闊落，適合同朋友慢慢傾偈。🍽️ 點咗：🐟 炸魚配薯條魚柳炸得金黃，外層脆漿唔會太厚，入面魚肉保持嫩滑。薯條係粗身嗰隻，熱辣辣上枱，點茄汁或者他他醬都夾。🐑 澳洲烤羊架（2件）伴牛肝菌意大利飯羊架烤到七成熟左右，肉質軟嫩，邊位有少少焦香，重點係完全無羶味。意大利飯粒粒分明，有咬口，牛肝菌香味幾突出，成個配搭唔會太膩。☕ 熱焦糖咖啡焦糖味夠香，同咖啡底平衡得幾好，唔會過甜，飯後飲好舒服。🧊 凍美式咖啡正常發揮，清爽解膩，無乜酸澀味。📝 總結：以街坊西餐嚟講，WM嘅水準算係幾穩定。主食份量足，羊架係穩陣之選。環境舒服，店員態度都友善。如果想喺大埔搵個地方坐低慢慢食、慢慢傾，呢度係唔錯嘅選擇。…查看更多

夜晚同朋友去咗間cafe試套餐，點咗柚子蜜糖烤雞加雜菌飯，入到去環境溫馨燈光暖，廚師烤雞香氣四溢，氣氛relax啱晒夜晚小酌～蕃茄湯 🍅 湯濃郁鮮甜，蕃茄酸香帶蔬菜鮮，暖胃簡單好。沙律 🥗 蔬菜脆爽清新，醬汁輕盈提味，平衡晒主菜濃郁。好開胃。柚子蜜糖烤雞 🍗🍈 雞肉嫩滑多汁，柚子蜜糖烤出焦香甜酸，皮脆肉香層次好。入口清新解膩，柚子味特別提亮。大啡菇黑松露雜菌意大利飯 🍄🍝 飯粒濕潤吸汁，大啡菇厚實彈牙，黑松露香氣淡淡滲出，雜菌鮮甜豐富。奶香菌香融合完美。…查看更多

今日老公帶我同個仔去咗大埔WM Cafe慶祝仔仔六個月大 🫶🏻 呢間Cafe係位於大埔嘅一間西式餐廳，有Pizza、意粉、扒類嘅野食，我哋叫咗兩個主食：大啡菇雜菌薄餅 $118Pizza餅底很香脆，雜菌嘅香味冇得頂，配上蕃茄醬+芝士，味道一流。烤穀飼安格斯皇后牛扒 $218跟餐+$48牛扒十分有份量，大大的一塊。我哋叫咗七成熟，廚師煮得剛剛好，而且牛味濃烈，性價比很高。跟餐的沙律很新鮮，配上醬汁清新開胃。龍蝦湯味道濃厚，但不會有腥味。柚子雞翼外皮香脆，是一道出色的前菜。總括而言，這一間西餐廳是大埔的一間平價之選，而且裏面的侍應也很友善，時刻留意你的需要，提供協助。十分窩心。…查看更多