Whole day

朋友好鍾意食半自助餐，比起自助餐抵食之餘又可以食到好飽，朋友住呢度附近，話同我試下呢間餐廳，我見地點喺圍方非常方便，地鐵站一出就到，又見好吸引，所以就一齊食。 入座後，職員好細心比個籃我地擺袋，基本上揀左主菜，就開始出去自助吧拎野食了。 自助海鮮沙律吧呢度沙律吧都幾多選擇，淨係沙律方面選擇都已經有好多款，而且好多款醬汁，好有誠意。冷切肉盤，有兩款火腿，兩款都好香好好味。 海鮮方面，青口好新鮮，又大隻。翡翠螺好鮮甜，又彈牙。白蝦好爽口又大隻，有鮮味，最欣賞餐廳已經煎了頭尾尖位和鬚位，方便客人進食。醬汁選擇都多，有檸檬，泰式等等。而且海鮮不停refill，唔驚冇得食。 煙三文魚煙薰味好香，非常適合搭配沙律。 我同朋友嘅主菜係share黎食。經典牛肉漢堡配竹炭包漢堡個賣相好靚，漢堡肉質好juicy，大大塊又有牛味，竹炭包口感鬆軟，芝士好濃郁，仲有蕃茄同生菜都好新鮮。  意大利雲吞釀鮮蝦蓉布拉塔芝士配龍蝦汁有五粒雲吞，大大粒，而且鮮蝦蓉好好味，雲吞皮煙煙韌韌，龍蝦汁又濃郁又香。 本身有雜菜湯，另外亦有餐飲，非常豐富。 呢度都幾抵食，主菜好食之餘，沙律吧又多選擇，仲有海鮮，樣樣都好新鮮。…查看更多

原來都有幾個月冇黎圍方啦，原來開左一間新嘅西餐廳，晚市時間仲有半自助套餐食，估唔到都幾高質!餐牌上有多款主菜可以選擇，揀好主菜就可以到自助區享用自助海鮮沙律吧，另外套餐亦包有餐飲及餐湯!沙律吧有蝦、青口、翡翠螺、沙律、冷切肉盤、煙三文魚等可以揀，選擇都幾多!香煎帶子配龍蝦汁意大利燴飯，燴飯加多$58就可以食到，燴飯口感煙韌，有香濃嘅龍蝦味，帶子煎到半生熟，味道鮮甜，唔錯!黑松露煙肉卡邦尼手工意大利粉，意粉口感煙韌，有淡淡嘅黑松露味，煙肉令意粉帶有咸香，十分美味!香煎鱸魚柳，鱸魚柳加多$48就可以食到，整碟賣相不錯，魚柳煎到香口，魚肉都算鮮甜，除左魚柳，還有薯蓉、南瓜等蔬菜拌碟，夠哂健康!Jade Ocean，餐飲加左$28叫特飲，呢杯飲品味道酸酸味味，帶有檸檬味，感覺清新!Yuzu Soda，呢杯都係$28變特飲，飲品內有柚子肉，酸酸甜甜又有口感，有種解膩嘅感覺!Black Latte，跟餐也是加$28可以飲到，上面嘅拉花好靚，係海馬，飲品有香濃嘅黑芝麻味，中意芝麻味嘅朋友唔好錯過!…查看更多

2025年10月15日 星期三今晚收工已經唔想買餸煮飯，一於同老婆兩個人係大圍搵間餐廳食就算行過圍方竟然見到呢間餐廳有半自助晚餐食，主菜都有幾多款式可以選擇，而且價錢都唔太貴，一於就入去試下餐廳環境都裝修得幾有風格，感覺好文青，用左大量木製傢俬，而且仲貼近萬聖節嘅關係，掛滿咗萬聖節嘅裝飾，充滿氣氛餐廳行到最入就有自助海鮮沙律吧，擺滿左各類食物，沙律都有6款菜可以揀，仲配有唔同醬汁，而且雖然海鮮只有幾款，不過全部都好新鮮，啲蝦勁大隻，完全唔黐殼，青口都好鮮甜我每樣都拎咗少少嚟試吓，煙三文魚幾厚身，煙熏味幾重，唔會太鹹，醃蕃茄同紅菜頭食完之後酸酸地更加開胃主菜我哋就要咗黑松露煙肉卡邦尼手工意大利粉，呢碟意粉一上枱就已經好吸睛，手工意粉煮得啱啱好，唔會太腍亦唔會太硬，口感有啲彈牙，咬落去有種「啖啖實在」嘅感覺醬汁方面，黑松露味唔會太霸道，但夠香，係種慢慢滲出嚟嘅幽香，配埋煙肉嘅鹹香同油脂，成件事好有層次煙肉煎到微微焦脆，上面仲有啲微型菜苗同食用花點綴，唔止靚，仲有少少清新感，令味道更平衡之後有白酒忌廉蟹肉手工粗管麵，粗管麵煮得啱啱好，外層滑身，入面仲保留到少少咬口，醬汁係白酒同忌廉混合，唔會太濃膩，反而有種淡淡酒香，令整體味道更有層次蟹肉份量唔算少，撈埋醬汁一齊食，鮮味即刻湧出嚟，好似喺口腔度爆開咁，唔係嗰種死鹹嘅海鮮味，而係清新又有深度上面灑咗啲香草同花瓣，唔止靚，仲有少少草本香氣，令味道更平衡甜品方面我哋要左是日雪糕，係北海道牛乳雪糕，雪糕質地超滑，唔係嗰種硬邦邦嘅冰感，而係柔軟得嚟又夠挺身，入口即化，仲帶住陣陣奶香，好似飲緊一杯高質牛奶咁味道方面，唔係死甜嗰種，而係有層次嘅甜味，前段係清新奶香，中段開始滲出微微乳脂嘅濃郁，食到尾仲有少少回甘，令人忍唔住一啖接一啖最後埋單大約七百蚊左右，食到勁飽！！…查看更多

Whole day 位於大圍站大型商場內的法式西餐廳，交通便利，從大圍站出發只需要2分鐘，便到達餐廳。餐廳裝修走簡約時尚路線，光亮整潔，座位寬敞舒適。Whole day晚巿主打半自助晚餐。自助海鮮沙律吧提供多款美食，擺盤精美，使人垂涎欲滴。美食包括冷切肉盤，煙三文魚，各款芝士，青口，翡翠螺和白蝦等。煙三文魚好大塊又新鮮，新鮮青口配上泰式醬汁，爽口美味。沙律菜都提供八款，讓客人可按自己喜好選擇，十分貼心。蕃茄濃湯蕃茄味香濃，色澤吸引，蕃茄湯入口酸酸甜甜好開胃！意大利雲吞釀鮮蝦蓉布拉塔芝士配龍蝦汁 意大利雲吞內餡飽滿，鮮蝦蓉新鮮，布拉塔芝士夠味。龍蝦汁口味濃郁，但又不太膩。經典牛肉漢堡 配竹炭包 竹炭包賣相好特別，外層烘至香脆，包身軟棉棉。牛肉漢堡又大又厚，肉香多汁，仲有蕃茄和生菜做配料，好豐富。餐飲選擇了凍檸茶和凍檸水，清新解渴。Whole day 提供豐富的美食選擇，服務員態度殷勤，服務周到。餐廳仲特別安排 2點半-8點 為happy hour時段，酒精類飲品低至8折。餐廳還有私人位置 可作包場之用。客人如 提前兩星期預訂有，仲有85折優惠，十分吸引。 餐廳都多客人光顧，記得要預留時間等候入座。…查看更多

今天來到大圍圍方逛商場後到一間開業不久的西餐廳吃［半自助午餐］：包括了自助沙律吧+主菜+湯+咖啡/茶。餐廳裝修簇新，簡約時尚，光潔亮麗，坐得舒適。自助沙律吧選擇非常豐富：有十多款新鮮蔬菜、沙律及前菜，還有冷切肉盤、煙薰三文魚、芝士等，非常豐富。我最爱吃三文魚，這裏的三文魚新鮮爽口，肉質細嫩，入口甘香。單吃沙律已經可以吃過飽！主菜：「寶雲酥小羊柳配意式忌廉玉米蓉」賣相精緻，有花瓣裝飾。羊柳外皮包著香草麵包糠烤焗，特別酥脆香口。羊柳肉質鮮嫩多汁，腍軟可口，沒有羊羶，好滋味，配菜有蘆筍苗、甘筍、忌廉玉米蓉。玉米蓉比起薯蓉多了香甜和質感。「虎蝦配龍蝦汁手工闊條麵」賣相一樣不俗。烤香大虎蝦，肉質彈牙，味道鮮甜。配上龍蝦汁的闊條麵，非常入味，蔫韌彈牙。餐湯：雜菜湯酸酸甜甜，非常開胃。餐飲：意式咖啡精緻拉花，一絲不苟，咖啡香濃甘香，選用上乘咖啡豆。這裏的食物質素高，製作認真。店員介紹下午2：30~晚上8：00“歡樂時光”時段，酒類飲品更有8折優惠。而且兩星期前預訂“私人位置”又有85折’，我計劃約大班朋友來聚會！…查看更多