Wheatfield X 羅宋湯專門店 (漢宮閣)

見到有海派羅宋湯呢個名好似好吸引，其實只不過係我哋平時飲開嘅羅宋湯😅眾所周知，羅宋湯係源於俄羅斯🇷🇺不過你去過俄羅斯就知道佢哋嘅羅宋湯同我哋飲開嘅羅宋湯係完全唔同味道。因為俄羅斯嘅羅宋湯係用紅菜頭嚟煲，而我哋飲開嘅羅宋湯都係落咗蕃茄醬再加紅蘿蔔嚟煲嘅，味道係完全唔同，其實顏色都唔一樣，今次就嚟試呢間海派羅宋湯。佢嘅羅宋湯的確係幾濃郁，不過我覺得價錢有啲貴，加個撈麵再加塊雞扒已經要$92，而撈麵同雞排其實唔係特別出色🙃…查看更多

前幾日放工後，和太太到太古城逛街，行經附近的太古城道，留意到一間羅宋湯專門店🤩由於我倆都喜歡喝紅湯，便一嚐它的廬山真面目🤤-這間餐廳店如其名，主要售賣羅宋湯，其次為不同的中式湯類、飯、麵、小食和飲品🤩食物的價錢不算貴，份量又多，整體黎講性價比幾高👍🏻-1人精選套餐系列 $88 (牛腩羅宋湯+鹽燒牛脷粒溏心蛋飯)1️⃣牛腩羅宋湯這碗羅宋湯的質感非常濃稠，味道濃郁，酸酸甜甜及帶點微辣，內裏很真材實料，有很多蕃茄、椰菜、西芹、薯仔和紅蘿蔔，全部都煮得很軟腍而不散開，火喉控制得不錯🤩牛腩也是很大塊，很有筋道，和羅宋湯是絕佳配搭🤤-2️⃣鹽燒牛脷粒溏心蛋飯牛脷粒燒得剛剛好，不用任何調味，用鹽燒就能提升牠的原來味道😋溏心蛋做得很出色，用蛋黃撈飯食，正🤤-1人全日湯麵套餐 $78 (牛腩羅宋湯螺絲粉+板燒豬扒)3️⃣牛腩羅宋湯螺絲粉螺絲粉是我太太的至愛，不過份量是真的很多，啱哂大胃口的朋友去食😆-4️⃣板燒豬扒豬扒看起來很乾身，但食落都有不少肉汁，和牛脷粒一樣，用鹽燒過之後，很香很惹味😋-5️⃣迷你蝦多士 $40/4件 (套餐另加)這幾件蝦多士的外皮很酥脆，裏面的蝦膠亦很飽滿及鮮甜，蘸了沙律醬後，一口一件，很快會食哂，是一道會上癮嘅小食🥰…查看更多

放工喺太古城食飯 落雨濕濕想飲啲暖嘢 嚟到呢間wheat field 羅宋湯專門店感覺好新鮮佢主打係羅宋湯另外加麵條 配搭幾特別今日試咗佢嘅二人套餐唔使200蚊都算抵食有個小食拼盤有炸蝦多士 雞翼同埋沙律 羅宋湯有好多款今日試咗佢個海派豬畀肉羅宋湯裏面有大大塊豬髀肉 大量蔬菜 羅宋湯好鮮甜啲味真係好似老火湯咁煲出嚟嘅 飲落好舒服上海撈麵有豉油底好煙韌 配上羅宋湯好自癒 飽肚 另外點咗海派牛腩羅宋湯牛腩份量好多 好好食 羅宋湯亦都好好飲香煎薄牛扒脆豬扒包 牛扒熱辣辣 個配搭好吸引 豬扒包好脆 好香口呢度座位都幾多坐得舒服 羅宋湯仲有得買包裝預製嘅湯包 這裏服務一流 可以encore…查看更多

唔知大家會唔會好似我咁成日都覺得喺太古呢個區好難搵到啲平靚正嘅嘢食🤨，今日路經呢間餐廳就俾佢嘅餐牌吸引，一睇價錢非常平易近人😇，一於就試吓佢。一人精選套餐 $88雞柳絲清雞湯🐓+鹽燒牛脷粒🐂溏心蛋飯套餐可以揀一個湯品🍲加主食，我就揀咗一個雞同牛嘅組合。雞湯食落幾濃味，但感覺唔係味精，似慢熬出黎。至於主食嘅牛脷粒👅，調味幾好，口感幾淋咬落唔會靭，整體不錯。一人秘製醬油撈麵套餐 $80牛腩羅宋湯+上海麵🍜+汁燒豬髀肉🍖(2塊）套餐可以揀簡單嘅湯品加麵食，又或者係再加多一個小食，我就梗係三款都試哂。羅宋湯超足料大大碗，酸酸甜甜蕃茄🍅加雜菜既味好清新，牛腩份量亦好多又夠軟。同埋飲完湯已經好飽！上海麵醬油味幾香，但略嫌佢淋咗啲，可能本身隻上海麵係咁🤣。另外，豬髀肉都好入味，質地唔會嚡烚烚，幾好食。迷你蝦多士🦐（四件）$40（加購價）外皮個炸粉炸得黃金香脆，厚薄適中，點埋沙律醬食好惹味😝。…查看更多

朋友嚟太古搵我食晏，問我有咩好餐廳推介。記得友人愛喝羅宋湯，就一於帶佢嚟呢間「Wheatfield X 羅宋湯專門店」試下。餐廳主攻輕食快餐，將傳統海派羅宋湯融入唔同嘅麵食，另外亦有飯類、包類及一系列經典小食可供配搭。點咗個 1 人精選套餐 同 廚師推介套餐，兩個套餐均奉送熱飲，凍飲+$3、汽水+$6、特飲半價。1人精選套餐 ($88)：套餐包一款湯同一款飯，餐廳主打羅宋湯，當然唔可以錯過，揀咗牛腩羅宋湯、鹽燒牛脷粒溏心蛋飯+熱奶茶。羅宋湯超足料，舀起見到湯內有番茄、椰菜、紅蘿蔔、青椒和牛腩等。嚐一口，湯身濃郁芳香，偏辣和帶蔬菜甜味，配上豐腴軟腍嘅牛坑腩，開胃惹味。牛脷粒燒到啱啱好，表面帶點焦香，雖然肉厚，但咬下去軟腍有嚼勁。溏心蛋嘅流心程度亦恰到好處，蛋黃濃郁滑溜，連平日不大愛吃蛋的友人都大讚好味。至於個廚師推介套餐 ($88) 就揀咗豬髀肉羅宋湯、汁燒豬髀肉脆豬仔包+凍檸茶 (+$3)。羅宋湯酸甜平衡，內有大量番茄和蔬菜，非常足料。豬髀肉肥瘦適中，大大片，香嫩又 Juicy，食落好滋味。豬仔包烘得很香脆，入口熱辣辣。豬髀肉醃得好入味，經汁燒後仍然鬆軟嫩滑，肉汁滲晒入麵包內，夾埋生菜、番茄一齊食，更可中和膩感。食完再嘆埋杯餐飲，真係夠晒寫意！…查看更多

喜歡羅宋湯內滿滿蔬菜又有肉的我，這夜下班特意和友人來試試羅宋湯專門店，一探乾坤。一人或二人餐都有不同選擇，羅宋湯可作單喝的湯，或是湯麵的湯底，主要是這兩種吃法。牛腩羅宋湯麵配小食 ＄78店家的招牌是上海式羅宋湯，是由俄羅斯傳入再發揚光大的。橙紅色的蕃茄底質感濃厚，入口滑身、味道配甜清爽帶點辣度，愈喝愈開胃。湯內加入大量蔬菜，全都煮得軟軟的佈滿蕃茄味。牛腩肉量多，煮得軟稔易咬，帶點筋但不黏牙。牛味跟羅宋湯超夾！平時少吃菠菜麵就選了，整碗又紅又綠~ 麵質像幼身上海麵，質感柔軟。羅宋湯的味道太突出所以沒嚐到菠菜味。小食方面我選了汁燒豬脾肉，有兩大薄片。用了燒汁味道甜甜的，感覺像日式叉燒但更大片更香口，意想不到好好吃！鹽燒牛脷粒溏心蛋飯配豬脾肉羅宋湯 ＄88湯的味道跟湯麵的差不多，但因為沒有麵在吸水所以味道更為濃郁！豬脾肉跟剛才的一樣，只是湯上及汁燒的分別，這樣更像日式叉燒。飯上的牛脷粒份量比想像中多，也只需簡單調味就能帶出牛味，質感爽中帶嫩，我很喜歡。底部還有鹹香醬油汁，撈飯會愈吃愈多。溏心蛋黃晶瑩剔透，連蛋白都充滿蛋香，正。板燒牛扒 ＄25價錢相宜所以又點菜了。它只用基本鹽及黑椒調味已很惹味，燒得很香，強烈推薦加單試試。原本只為羅宋湯來，最後也吃了大量肉，所以餐飲需要檸水。下次來要嚐紅菜頭湯！一人一百多元吃喝飽肚滿足！…查看更多

-Wheatfield X 羅宋湯專門店🍽-羅宋湯麵餐 $78平時去西餐最鐘意飲羅宋湯酸酸甜甜好開胃但通常好細碗唔夠喉🤣呢間專食羅宋湯有湯麵版飲到你飽😌羅宋湯比其他餐廳再稠身d唔會係好水個隻所以更加入味😋佢仲可以揀配牛或者豬👍另外加配左小食汁燒豬脾肉🍖佢燒到勁香而且切到厚薄均勻唔會食到好膩🤣-羅宋湯撈麵餐 $80其實個湯就一樣既但唔會湯麵都有撈麵揀！揀左個好特別既菠菜麵不過其實食唔到菠菜味因為佢用左醬油撈😂呢個餐就跟左麻辣雞柳絲🌶️食得辣既朋友先好叫呢個辣都幾刺激😂雞絲好滑而且份量都幾多😉-小食拼盤 $68因為想試蝦多士同薯仔沙律就加左個拼盤勁飽其實😂蝦多士好味道炸到卜卜脆上面蝦肉又爽甜😋-🌟評分:🏅🏅🏅🏅📍地址: 太古太古城太古城道26號漢宮閣地下G409號舖-…查看更多

羅宋湯專門店真係比較少見到，今次都係第一次幫襯。對於羅宋湯既印象，唔係阿媽煲既罐頭羅宋湯就係去西餐廳或茶餐廳有時跟既紅湯，今次既羅宋湯比我既感覺係真係好飲既，濃稠度係有返甘上下，係用心煲出黎既成果，的確係要支持下！菜單上的套餐都係全日供應，除了堂食的客人，外賣的客人也不少，也有些客人購買他們的產品回家煮來吃。黎到羅宋湯專門店，緊係一定要食佢地既羅宋湯，我糾結左好耐，本來想試羅宋湯麵類，但係又想試真羅宋湯既味道，最後都係想試豬髀肉羅宋湯的撈拉麵套餐，套餐除了包括了餐飲一杯，仲有一個小食，小食我簡左炸雞翼。炸雞翼炸的香脆，雞翼仲係鮮嫩可口既，唔會炸得耐過頭，係推薦既。撈拉麵上檯既時候的確好香醬油味，賣相吸引之餘，色香味都做到一致的滿足，食落口拉麵既口感軟硬適中，師傅的手勢的確係有返甘上下。重點中既羅宋湯湯頭濃稠，材料十足，有常見既椰菜紅蘿蔔，加上兩大片豬髀肉，肉質結實，份量十足，羅宋湯味道濃郁好味，帶點辣，係羅宋湯應該有既味道，下次配點餐包食應該會更好味道！朋友叫既撈烏冬套餐，佢既牛腩羅宋湯入面既牛腩好大粒😂真係意外既大粒，性價比十足，撈烏冬的份量感人，肉眼可見既大碗，味道依然十足，小食選的汁燒豬髀肉相對濃味一點，直接吃會覺得味道略濃。我哋仲多加了一個麻辣嫩雞絲小食，十分適合食辣既朋友，麻辣味十足，食到最後我都覺得好辣😂😂整體來講，羅宋湯專門店做既羅宋湯果然係佢哋既招牌，但係佢哋其他食物都做得唔錯👍值得推薦，人均一百左右食到好滿足之餘，又可以試到新口味，如果有更多分店，相信會有更多人知道這一間羅宋湯專門店的存在！…查看更多

係港島東太古城做嘢,印象中食個中午飯都要過百元,今日仲要餓鬼上身,搵緊邊度有櫃員機之際,見到呢間羅宋湯專門店,裝修簡潔,羅宋湯亦好吸引,而且仲有多款套餐選擇,於是就入內填飽肚.價錢非常實惠,有飯類麵類及撈麵套餐,平均70元至90元有交易,套餐包括一個,主食,小食及飲品.我自己就點咗一個牛腩羅宋湯+撈上海麵+汁燒豬髀肉+飲品. 羅宋湯有香濃牛肉味,牛腩頗淋,牛腩數目亦唔少,撈麵香口,份量大夠飽肚,仲有兩大件汁燒豬髀肉,最後配杯飲品甚滿足.同事點了牛腩羅宋湯拉麵配板燒牛扒,一啖湯一啖麵又另一番意境,板燒牛扒剛熟嫩口,小小調味已很足夠。人均消費💰 ： ＄ 80總結✍ ： 美味又飽肚，套餐選擇多。NatNat評分💎💎💎💎(5💎為最高)…查看更多

羅宋湯究竟係源自俄羅斯定烏克蘭？近期俄烏兩國除咗局勢持續緊張，其實兩國仲有羅宋湯衝突。喺2022年，烏克蘭版本嘅羅宋湯正式被聯合國教科文組織列入瀕危非物質文化遺產。不過，無論俄版定烏版嘅羅宋湯，口味都未必適合香港人，所以喺港式餐廳食到嘅都係港式羅宋湯。如果你都鍾情港式羅宋湯，推介太古城嘅Wheatfield X 羅宋湯專門店。豬髀肉羅宋湯+咖喱雞球飯羅宋湯可以揀牛腩或豬髀肉，對於唔鍾意食牛嘅朋友，都有選擇。熱辣辣嘅羅宋湯，湯底非常香濃，酸同辣嘅比例啱啱好，重點係勁足料。至於豬脾肉就好似日式叉燒，肥瘦度啱啱好。至於咖喱雞球飯嘅咖喱汁勁好送飯，雞球非常嫩滑。牛腩羅宋湯配螺絲粉+板燒雞扒羅宋湯除咗可以揀牛腩或豬骨，其實麵底都有多個選擇，除咗螺絲粉，仲有意粉、米線等，但我哋覺得螺絲粉同羅宋湯係最夾。至於套餐嘅小食就揀咗板燒雞扒，板燒雞扒夠入味同juicy，仲細心幫你切件上，食落夠晒方便。…查看更多

太古城附近有間 Wheatfield X 羅宋湯專門店 行完街去食就啱晒啦二人餐好豐富咁牛腩羅宋湯 配 螺絲粉豬扒包 配 豬脾肉羅宋湯小食拼盤羅宋湯好 足料味道酸辣帶甜， 非常開胃牛腩軟腍，整體濃郁好味豬脾肉個碗偏辣DD， 幾惹味豬扒包香脆可口小食嘅 #蝦多士都 算幾彈牙好食， 係油咗少少， 不過我都係食晒嘅仲有雞翼同沙律， 份量都算多佢哋都有正宗嘅 紅菜頭羅宋湯不過我都係鍾意港式口味多D埋單＄200 連一凍一熱飲太古城區抵食之選…查看更多

今日放工同朋友去公司附近行吓，先行咗太古城，慢慢沿住行返去鰂魚涌太古坊，經過見到呢間Wheatfieldx羅宋湯專門店。兩個都鐘意飲羅宋湯嘅我哋，當然嚟試下🤭餐廳除咗招牌嘅牛腩羅宋湯同豬脾肉羅宋湯，仲有得揀雞絲清雞湯同紅菜頭湯👍🏻食開素食或者想清淡啲嘅可以揀喇😉呢度嘅一人精選套餐系列，每個套餐可以揀一個湯同一種飯/麵食，仲可以加配小食例如蝦多士、雞扒、小食拼盤等等，套餐仲奉送埋熱飲🤤牛腩羅宋湯同豬脾肉羅宋湯都好飲嘅，味道濃郁、而且有啲甜辣味🤔牛腩都淋，但肥肉較多。豬脾肉少少硬，比較難咬。配菜就炆到好淋，一咬即爛😗…查看更多

香港嘅茶記經典嘢除咗生炸雞髀，點少得羅宋湯？曾經偶然食過東薈城的羅宋湯專門店，但係分店越來越少，印象都幾深刻，貪佢價錢唔貴，羅宋湯好足料，仲可以根據口味，選擇牛腩羅宋湯或者豬髀肉羅宋湯，湯頭味道很濃郁，而且啖啖肉，配上紅菜頭帶出甜味，就算素食者都可以揀健怡紅菜頭湯，選擇幾豐富一人秘製醬油撈麵套餐$70up餐廳除了主打羅宋湯，其他茶餐廳小食，味道都唔錯，主食方面我幾鍾意「秘製醬油撈麵-上海麵」醬油味道很濃稠，又唔會過鹹，我鍾意撈少少羅宋湯落去特別好食我所選的一人套餐，另選小食「麻辣雞柳絲」，雞絲夠軟熟，麻辣醬係靈魂所在今時今日要飲到好飲的羅宋湯真係唔容易，因為食譜看似簡單，但係工序非常多，越來越少餐廳會提供，所以有機會真係值得試吓—————————————————Wheatfield X 羅宋湯專門店 (漢宮閣) (太古)太古太古城太古城道26號漢宮閣地下G409號舖—————————————————⠀⠀⠀⠀⠀⠀⠀⠀⠀#hkfoodie #hkfood #hkfoodblogger #hkfoodpic #hkfoodstagram #foodie #foodporn #foodphotography# #foodgasm #太古美食 #羅宋湯___🥇Follow @eathkgirls #eathkgirls #食港女…查看更多

嚟到羅宋湯專門店，當然要試羅宋湯啦🥣我叫嘅係港式羅宋湯🍅佢都有比較接近俄式羅宋湯嘅紅菜頭湯。港式羅宋湯係平時喺舊港式扒房飲到嘅紅湯嘅濃郁好味版，有大量蕃茄🍅紅蘿蔔🥕椰菜🟢，加少少青椒🫑同辣椒🌶提味（但唔會辣）可配牛腩🐂同豬脾肉🐖牛腩唔係腩碎或湯渣，係粉麵舖牛腩質素以上，肥瘦均勻豬脾肉切片上，外形同口感有啲似燻蹄。可配唔同種類嘅麵食，份量十足，大隻仔都一定夠食💪🏻$178嘅優惠二人餐仲有豬扒包🥙同小食拼盤🦐有蝦多士、雞翼同🥔薯仔沙律，真係飽到上心口🤣好抵食（而喺太古就顯得更抵）…查看更多

週五晚上竟然要加班，下班後就在公司附近吃個快餐才回家曾在俄式西餐老店任職的大廚有感菜系逐漸式微，決定以更貼地和更大眾化重新演譯上海西餐，打入年輕人市場餐廳四四方方，裝修格局新潮，木枱櫈配襯橙黑白為主調太古店以家庭式為主，環境整潔， 坐得舒服，予人親切感覺全日供應的一人秘製醬油撈麵套餐任選一款湯類加麵類加小食，只需$80雞柳絲清雞湯內的雞柳肉質超級嫩滑，湯底清香上海麵可加$2轉麻辣味麵底，惹味拌麵嗜辣者不能抗拒 加$12小食可升級為板燒雞扒醃得入味，嫩滑易咬套餐配特飲可享半價優惠，熱情果梳打味道酸酸甜甜，令人胃口大開選用無添加、無激素雞中翼配上秘製醃料及香料製成邪惡系列迷你蝦多士即叫即炸，香口脆卜卜…查看更多