We Time Cafe (金龍工業中心) (已結業)

平時返工好少會出去食，如果出去食都想黎呢間。因為都多款揀，西餐，日式，韓式，拉麵都有，仲有全日早餐，正！原本想食大滿貫全日早餐，因為有三文魚同大啡菇，但肯定食唔晒所以揀輕食版，因為午飯時間到下午茶時間呢間都好多人，入座唔駛點等既，只係點完餐等左20分鐘先上餐。個餐個色水好靚，成個餐都冇咩驚唔驚喜，都係唔駛調味既野，煎熱炒熟完成。可以讚既係個薯餅keep到脆口，好好食。豬肉腸都好食既同個茄汁一齊食唔錯的。但個窩夫就咁放左上炒蛋上面，煉奶會流出溝左落去，個蛋有幾啖就會會變得甜甜地，味道唔會夾。而個炒蛋炒得好靚，不過冇落鹽淡口，如果有蛋味冇鹽都接受既，可惜佢冇蛋味，冇味既蛋炒得靚都會失色，而調味樽通常卡位先有，2次都坐中間d木枱又遇著繁忙時間就冇叫職員拎鹽，食健康d囉。2塊煙肉就超油喇，煎完冇晾油就出餐？結果就搞到最後食既窩夫唔係油就係濕，因為沙律菜會落醋食同佢本身都有少量水份。其實第一日食個窩夫少少燶邊好脆口，正到不得了，所以隔左幾日又點多次，不過第二次食就唔脆淋晒喇。如果煙肉可以處理一下油量既問題，同解決到個窩夫搭上蛋會流煉奶既問題或者煉奶另上杯仔比客自己倒，又或者隔開的話，呢個餐真係g

新都會、葵廣食到悶鳥。今日行過少少去左葵芳邨對面金龍工業大廈試新菜。餐廳新開張，環境細細，但已經坐滿客了。*詳細介紹入相睇小結：場地唔係好大，但係環境舒適似cafe特別要留意可能位於工廠區，收下午4:30同埋啱啱新開張，人手唔係好夠，希望遲啲有改善啦性價比真心超高大家一定要去試吓最容易去嘅方法就係葵芳邨商場天橋穿出去一落就係二期大門口暫時只係收現金同八達通，大家要留意啦

之後食開佢係葵興光輝圍主店！！見佢開左分店 係葵芳 近近地去食個早餐！！！係葵芳地鐵站出 行8-10分鐘左右啦！！出左電梯會見到再行入少少就會見到！！環境冷氣十足！！爽爆！！裝潢設計有情調！！！加8蚊 胚芽奶茶！ 大大杯 奶味足 茶味香！胚芽有口感！正！叫左炒蛋！！滑！！！！ 蒜蓉多士香脆！！沙爹牛肉麵！！沙嗲味香濃！牛肉厚切！！豐富架早餐為一日帶來好架開始！叫埋特飲都係42蚊！！！安妮亞！！！p.s星期日唔開架！！！